完整藏文原文 · 德格版页 当前仅加载第 68 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
ན། དེས་ཐོས་པ་ལས་བྱུང་བའི་ཤེས་པས་གང་གིས་སེར་སྣ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་ལས་ཀྱི་དངོས་གཞི་དང་ལས་ཀྱི་མཇུག་ཡང་དག་པར་བླངས་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་{ཡི་དགས་,ཡི་དྭགས་}ཀྱི་འཇིག་རྟེན་སྲང་མི་གཙང་
D287.068.0306a01.01བ་རྣམས་སུ་སྐྱེ་བར་འགྱུར་བ་མཐོང་སྟེ། {ཡི་དགས་,ཡི་དྭགས་}དེ་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། དགེ་འདུན་གྱི་རིམ་གྲོ་བྱེད་པ་ཕྲག་དོག་དང་སེར་སྣས་ཉམས་པ་གང་གིས་བཟའ་བ་དང་བཅའ་བ་ལ་སོགས་པ་ཞིམ་པོ་དག་ལ་
D287.068.0306a02.01ཡང་དག་པར་སྤྱོད་པར་བྱེད་ཅིང་ཚངས་པར་སྤྱོད་པ་དང་ལྡན་པ་གཙང་མ་རྣམས་ལ་ཁ་ཟས་ངན་པ་སྦྱིན་པར་བྱེད་ན། དེ་སྲང་མི་གཙང་བར་{ཡི་དགས་,ཡི་དྭགས་}གནས་པ་རྣམས་ཀྱི་ནང་དུ་སྐྱེ་བར་འགྱུར་རོ། །དེར་སྐྱེས་ནས་ཀྱང་ཉིན་པར་ལུས་བལྟར་མི་མཐོང་ཞིང་། མཚན་མོ་མཐོང་བ་
D287.068.0306a03.01ཉིད་དུ་འགྱུར་རོ། །དེ་དག་གང་གྲོང་ངམ། གྲོང་ཁྱེར་རམ། རི་བྲགས་སམ། འཚོ་སྐྱོང་གི་གནས་སམ། བྱ་རོག་གི་གནས་སམ། གཤེར་ས་ན་གནས་པ་ཀུན་གྱིས་བཤང་བ་དང་། གཅི་བའི་ས་དང་། གཅིག་ཏུ་ཉལ་ཉིལ་དང་། ལྗན་ལྗིན་གྱི་ས་དང་། ཕྱི་ས་བསགས་
D287.068.0306a04.01པར་གྱུར་པའམ། ཀུན་ནས་སྲིན་བུས་ཁེབས་ཤིང་དྲི་ང་བ་ཤིན་ཏུ་འཇིགས་པ། སྐྱེ་བོ་ཀུན་མཐོང་མ་ཐག་ཏུ་སྐྱུག་བྲོ་བར་འགྱུར་བ། སྲིན་བུ་ཡུན་རིང་དུ་གནས་པ། མྱགས་པ་དེར་དགེ་འདུན་གྱི་ཁ་ཟས་ཞིམ་པོ་ཟ་བར་བྱེད་པ་{ཡི་དགས་,ཡི་དྭགས་}སུ་སྐྱེ་བར་འགྱུར་རོ། །ཤིན་ཏུ་སྡུག་
D287.068.0306a05.01བསྔལ་བ་དག་དེར་སྐྱེས་ནས་ཀྱང་གང་ལས་ཀྱིས་བྱས་པའི་གཤིན་རྗེའི་མི་རྣམས་ཀྱིས་རལ་གྲི་རབ་ཏུ་འབར་བ་ཐོགས་པ་དེ་དག་ལས་མི་གཙང་བ་དེ་དུས་ཐམས་ཅད་དུ་བཟའ་བར་མི་འཐོབ་བོ། །གལ་ཏེ་ཟླ་བ་ཕྱེད་ན་འཐོབ་ཅིང་གལ་ཏེ་ཟླ་བ་གཅིག་ན་ཐོབ་པ་གང་ཡིན་པ་དེ་ཡང་
D287.068.0306a06.01ཚིམ་པར་མི་འཐོབ་ཅིང་ཟོས་ནས་ཀྱང་སྐྱུག་པར་འགྱུར་ཏེ། ལུས་བཀྲེས་པ་དང་སྐོམ་པས་གདུངས་པ་དེ་དག་འདི་ལྟར་ངུ་སྐད་འབྱིན་ཅིང་ཆོ་ངེས་འདེབས་ཕན་ཚུན་རྒྱུག་ཅིང་སྨྲེ་སྔགས་འདོན་ཏེ། ས་བོན་མི་གཙང་གྱུར་པ་ལས། །ཤིན་ཏུ་མི་བཟད་ཡོངས་སུ་འགྱུར། །
D287.068.0306a07.01