完整藏文原文 · 德格版页 当前仅加载第 68 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས། ཤེས་པར་བྱས་ཤིང་མངོན་པར་ཞེན་པའི་བློས་འདི་ལྟར་ཡོ་བྱད་འདི་དག་བསྲེགས་པས་དགེ་སློང་དེ་དག་མ་རུང་བར་བྱའོ་སྙམ་ནས་དགེ་འདུན་གྱི་ཞིང་ངམ། བུ་རམ་ཤིང་ངམ། ལྡུམ་ར་འམ། ཀུན་དགའི་ར་བའམ། དེ་ལས་གཞན་པ་དགེ་འདུན་གྱི་
D287.068.0280b01.01འཚོ་བའི་ཡོ་བྱད་རྣམས་མེས་བསྲེགས་ལ་དེ་ལས་དང་ལས་ཀྱི་ཉེར་བསྡོགས་དང་། ལས་ཀྱི་མཇུག་དང་ལྡན་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་གོས་དྲིར་སྐྱེ་བར་འགྱུར་རོ། །དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་
D287.068.0280b02.01སོས་ལ་སོགས་པ་བདུན་གྱི་གནོད་པ་བསྡུས་པ་དེ་དག་ཐམས་ཅད་བརྒྱ་འགྱུར་དུ་འབྱུང་ངོ་། །ཁྱད་པར་དུ་འབྱུང་བ་ནི་འདི་ལྟར་སེམས་ཅན་དམྱལ་བ་དེ་ཀུན་ནས་དྲ་བ་རབ་ཏུ་འབར་བས་འཁོར་ཏེ་ཀུན་ནས་དྲ་བ་ཁབ་ཀྱི་བུ་ག་ཙམ་གྱིས་ཁེབས་པ་དེར་སྐྱེས་སོ། །སེམས་ཅན་
D287.068.0280b03.01དམྱལ་བ་དེ་གཤིན་རྗེའི་མི་རྣམས་ཀྱིས་མདའ་རབ་ཏུ་འབར་ཞིང་རྣོ་ལ་ཤུགས་དྲག་པས་གློ་གཉི་གར་བརྒྱབ་པ་ན་དྲ་བ་དེའི་ནང་ནས་འབྲོས་པ་དང་དེ་དྲ་བའི་མིག་ནས་འབྲོས་པར་མི་ནུས་ཤིང་དེ་དྲ་བ་དེར་ཤིན་ཏུ་ཐོགས་ཏེ། དེའི་དྲ་བ་རྣོ་བའི་མཐུས་བདག་ཉིད་འབྱིན་པར་མི་ནུས་སོ། །
D287.068.0280b04.01དྲ་བ་དེས་ལག་པ་ཡང་གཅོད་པར་བྱེད། རྩིབ་ལོགས་ཀྱང་འཇོག་པར་བྱེད། ཡན་ལག་དང་ཉིང་ལག་ཐམས་ཅད་ཀྱང་རུས་པ་ལ་ཐུག་གི་བར་དུ་འཇོག་པར་བྱེད་དོ། །དྲ་བ་དེས་འཇོག་པ་ན་ཡང་དང་ཡང་དུ་གཤིན་རྗེའི་མི་དེ་རྣམས་ཀྱིས་མདེའུའི་རྩེ་མོ་ཤིན་ཏུ་བརྡར་བས་ལན་
D287.068.0280b05.01བརྒྱ་འམ་ཡང་ན་སྟོང་དུ་གསོད་དོ། །ལས་ཀྱི་དྲ་བས་བསྒྲིབས་པ་དེ་མདའི་སྡུག་བསྔལ་གྱིས་ཡུན་རིང་དུ་ཉོན་མོངས་ཏེ། སེམས་ཅན་དམྱལ་བ་དེར་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་མི་བཟད་པ་
D287.068.0280b06.01རྩུབ་པ་གཞན་དང་མི་འདྲ་བ་དག་མྱོང་བར་འགྱུར་རོ། །དེ་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ཚེ་རབས་བདུན་བརྒྱར་{ཡི་དགས་,ཡི་དྭགས་}ཁྱིམ་གྱི་ནང་ན་བུ་འབྱིན་པའི་སྐད་ངན་འདོན་པ་རྣམས་ཀྱི་ནང་དུ་སྐྱེ་བར་འགྱུར། དེ་ལས་ཐར་
D287.068.0280b07.01