完整藏文原文 · 德格版页 当前仅加载第 68 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་དུད་འགྲོ་དག་གིས་ཟ་བར་འགྱུར། ལོག་པར་ལྟ་བ་དགེ་སློང་མ་སུན་ཕྱུང་བ་དེ་འོན་ཀྱང་གལ་ཏེ་དེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཚེ་རབས་ལྔ་སྟོང་དུ་མིར་གྱུར་པ་ཟ་མར་འགྱུར་བ་མཐོང་ངོ་། །
D287.068.0230b01.01དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཕྱོགས་ཐམས་ཅད་རབ་ཏུ་སྲེག་པ་ཞེས་བྱ་བ་མཐོང་ངོ་། །དེར་སེམས་
D287.068.0230b02.01ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། {བརྫུན་,རྫུན་}སྨྲ་བ་དང་། ལོག་པར་ལྟ་བ་ནི་སྔ་མ་བཞིན་ནོ། །དགེ་བསྙེན་
D287.068.0230b03.01མ་བསླབ་པའི་གཞི་ལྔ་ཡོད་པ་སུན་ཕྱུང་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཕྱོགས་ཐམས་ཅད་རབ་ཏུ་སྲེག་པར་སྐྱེ་བར་འགྱུར་རོ། །དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་དེ་ཇི་ལྟར་
D287.068.0230b04.01ཁབ་ཀྱི་བུ་ག་ཙམ་ཡང་མེད་པ་དེ་ལྟར་ཀུན་ནས་རྟག་ཏུ་ནམ་མཁའ་ལ་ཡང་རབ་ཏུ་འབར་བར་འགྱུར་བ་དེར་སྔར་དེའི་ལག་པ་མེའི་ནང་དུ་འཇུག་སྟེ། ངུ་སྐད་འབྱིན་པ་ན་མེ་ཚ་ཞིང་རྩུབ་པ་ཤིན་ཏུ་དྲག་པའི་སྟོབས་ཀྱིས་ཇི་ལྟར་དེའི་ཐལ་བ་ཡང་མི་མངོན་པ་དེ་ལྟར་སྲེག་
D287.068.0230b05.01གོ། །དེ་ནས་ཡང་འབྱུང་བར་འགྱུར་ཏེ། ལོ་འབུམ་ཕྲག་དུ་མར་སྲེག་གོ། །དེ་ལས་ཐར་ནས་མགོན་འདོད་པ། སྐྱབས་འདོད་པ། དེ་གར་བབ་བབ་ཏུ་འབྲོས་པ་དང་། གཤིན་རྗེའི་མི་རྣམས་ཀྱིས་བཟུང་ངོ་། །བཟུང་ནས་ཀྱང་ལྕགས་ཀྱི་ཐག་པ་ཀུན་ནས་
D287.068.0230b06.01རབ་ཏུ་འབར་བདག་གིས་རྐང་མཐིལ་གྱི་བར་ནས་མགོའི་བར་དེ་དག་འཆིང་སྟེ། དེའི་ཁྲག་དེ་དག་ཐམས་ཅད་དེའི་མགོ་ལ་བསྡུས་སོ། །དེ་ཕྱིས་སེམས་ཅན་དམྱལ་བ་པ་དེ་དག་ལ་གཟུགས་པའི་ཕུར་པ་བླངས་ཏེ་མགོར་བཙུགས་ནས་ཤུགས་ཀྱིས་བཏབ་སྟེ། འདི་
D287.068.0230b07.01