完整藏文原文 · 德格版页 当前仅加载第 68 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་རེག་བྱ་ངན་པ་ལ་མངོན་པར་དགའ་བ་ཡིན་ཏེ། འདི་ལྟར་འདི་ནི་འདོད་པས་ལོག་པར་གཡེམ་པ་ཀུན་ཏུ་བསྟེན་པ་ཡིན་ནོ། །འདོད་པས་ལོག་པར་གཡེམ་པ་གོམས་པར་བྱེད་པ་ཇི་ལྟ་བུ་ཡིན་ཞེ་ན། འདི་ལས་འདོད་པས་ལོག་པར་གཡེམ་པ་ཡང་དང་ཡང་དུ་
D287.068.0092a01.01སྟེན་ཅིང་ཡིད་ཀྱིས་ཡང་དག་པར་རྟོག་པར་བྱེད། དེའི་ཡིད་ལ་མངོན་པར་དགའ་བ་གཞན་སྤངས་ཏེ། དེ་འདོད་པས་ལོག་པར་གཡེམ་པ་འདི་ཉིད་གོམས་པར་བྱས་ནས། ཡང་ཡུལ་བདེ་བ་དེ་གོམས་པར་བྱེད་པ་ཡིན་ནོ། །མང་དུ་བྱེད་པ་ཇི་ལྟ་བུ་ཡིན་ཞེ་ན། འདི་
D287.068.0092a02.01ལ་ཚུལ་བཞིན་མ་ཡིན་པ་ཡིད་ལ་བྱེད་པས་བརླན་པའི་བྱིས་པ་སོ་སོའི་སྐྱེ་བོ་ནི། འདི་ལྟར་འདོད་པས་ལོག་པར་གཡེམ་པ་ནི་མཆོག་ཏུ་བཟང་བ་ཡིན་ལ། འདོད་པས་ལོག་པར་མི་གཡེམ་པ་ནི་མ་ཡིན་ཞེས་ཡོན་ཏན་མཆོག་དང་འདྲ་བར་ཡང་དག་པར་འཛིན་པར་བྱེད་དོ། །
D287.068.0092a03.01དེ་གཞན་ཤིན་ཏུ་མང་པོ་དག་ཀྱང་འདོད་པས་ལོག་པར་གཡེམ་པ་ལ་མངོན་པར་འཇུག་ཅིང་བྱེད་དུ་འཇུག་སྟེ། འདི་ནི་འདོད་པས་ལོག་པར་གཡེམ་པ་མང་དུ་བྱེད་པ་ཡིན་ནོ། །ལུས་ཀྱི་རྣམ་པ་གསུམ་པོ་འདི་དག་ནི་བྱིས་པ་སོ་སོའི་སྐྱེ་བོ་རྣམས་ཀྱི་མི་དགེ་བ་ཡིན་ནོ། །ངག་
D287.068.0092a04.01གི་ནི་རྣམ་པ་བཞི་སྟེ། {བརྫུན་,རྫུན་}དང་། ཚིག་རྩུབ་པོ་དང་། ཕྲ་མ་དང་། ཚིག་ཀྱལ་པའོ། །དེ་ལ་{བརྫུན་,རྫུན་}གང་ཞེ་ན། འདི་ལྟ་སྟེ། བདག་ཉིད་ལ་བདག་ཉིད་སླུ་ཞིང་གཞན་ཡང་སླུ་བར་བྱེད་པ་ཡིན་ཏེ། {བརྫུན་,རྫུན་}དུ་སྨྲ་བ་འདི་ནི་བདག་དང་གཞན་སླུ་བར་བྱེད་པ་
D287.068.0092a05.01ཡིན་ནོ། །དེ་ཡང་རྒྱུ་ལྔ་དང་ལྡན་པ་ཡིན་ཏེ། འདི་ལྟ་སྟེ། འདོད་ཆགས་དང་། ཞེ་སྡང་དང་། འཇིགས་པ་དང་། རྙེད་པ་དང་། ཆོས་ལོག་པའི་འདུལ་བ་ཡོངས་སུ་སྡུད་པའོ། །{བརྫུན་,རྫུན་}དུ་སྨྲ་བ་ཇི་ལྟ་བུ་ཡིན་ཞེ་ན། འདི་ལ་རྒྱལ་པོའི་ཕོ་བྲང་འཁོར་ན་
D287.068.0092a06.01འདུག་ཀྱང་རུང་། ཁྱིམ་བདག་གི་འཁོར་གྱི་ནང་ན་འདུག་ཀྱང་རུང་། ཉེ་དུའི་ནང་ན་འདུག་ཀྱང་རུང་སྟེ། མཛའ་བཤེས་དང་། མཛའ་བཤེས་མ་ཡིན་པ་དག་སྨྲ་བ་ན། མཛའ་བཤེས་ཀྱི་ཕྱིར་ནི་འདོད་ཆགས་ཀྱིས་{བརྫུན་,རྫུན་}སྨྲ་ལ། མཛའ་བཤེས་མ་ཡིན་
D287.068.0092a07.01