完整藏文原文 · 德格版页 当前仅加载第 68 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
འཁུམས་པར་སྐྱེ་བར་འགྱུར་རོ། །དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། བ་དེ་དག་གམ། རྟ་རྒོད་མ་དེ་དག་ལ་བདག་གི་སྙིང་གིས་གང་སྔོན་ཆགས་པའི་ལུས་ཡིན་པར་བསམ་པའི། བའམ། རྟ་རྒོད་མ་
D287.068.0163a01.01ལས་ཀྱིས་བྱས་པ་སེམས་ཅན་དམྱལ་བར་མཐོང་ངོ་། །དེ་འདོད་ཆགས་ཀྱིས་ཟིལ་གྱིས་ནོན་པའི་སེམས་ཀྱིས། བའམ། རྟ་རྒོད་མ་དེ་ལ་བསྙེགས་སོ། །དེ་དག་གི་ཁོང་པའི་ནང་ན་ལྕགས་ཀྱི་མེ་མདག་རབ་ཏུ་འབར་བ་དག་གིས་གང་སྟེ། གལ་ཏེ་དེ་དང་
D287.068.0163a02.01ཕྲད་ན་དེ་ཚུལ་བཞིན་མ་ཡིན་པའི་ལས་བྱས་པའི་སྒོ་དེས་ཁོང་པའི་ནང་མེ་མདག་གིས་གང་བ་དེར་འཇུག་པར་འགྱུར་ཏེ། དེ་དེའི་ཁོང་པ་མུན་པ་དེར་ལོ་འབུམ་ཕྲག་དུ་མར་སྲེག་ཅིང་འཚེད་དེ། ངུ་བར་ཡང་མི་ནུས་སོ། །དེ་ཇི་སྲིད་དུ་རྣམ་པ་དུ་མར་བཅོམ་ཞིང་སྤངས་
D287.068.0163a03.01ལ། ཟད་པར་མ་གྱུར་པ་དེ་སྲིད་དུ་འཚེད་དོ། །དེ་ཕྱིས་དེ་ལས་ཐར་བར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་དུད་འགྲོ་དང་། {ཡི་དགས་,ཡི་དྭགས་}དག་ཏུ་མ་སྐྱེས་ལ། གལ་ཏེ་མི་རྣམས་དང་སྐལ་བ་མཉམ་པར་
D287.068.0163a04.01མིར་སྐྱེས་ན། གང་དུ་རང་གི་ཆུང་མ་མ་ཡིན་པ་གཞན་དག་ལ་བྱས་ལ་བསགས་པ། འདོད་པས་ལོག་པར་གཡེམ་པ་རྒྱུ་འཐུན་པའི་འབྲས་བུས་དེ་ཡུལ་དེ་ལྟ་བུར་སྐྱེ་བར་འགྱུར་རོ། །དེ་ནས་གཞན་ཡང་དགེ་སློང་དེས། གང་སེམས་ཅན་དམྱལ་བ་ཆེན་
D287.068.0163a05.01པོ་དེའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཉམ་ང་བ་མང་བ་ཞེས་བྱ་བ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ན། དེ་དག་གང་གིས་སྲོག་གཅོད་པ་དང་།
D287.068.0163a06.01མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་དུ་བསྟེན་ཅིང་བསྒོམས་ལ་མང་དུ་བྱས་པས་འགྱུར་བ་མཐོང་སྟེ། སྲོག་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ། །འདོད་པས་ལོག་པར་གཡེམ་པ་ནི། སྐྱེས་པ་གང་ཞིག་
D287.068.0163a07.01