完整藏文原文 · 德格版页 当前仅加载第 68 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། སྡོམ་པ་བླངས་པས་ཆང་ལྡུད་པའམ་འཐུང་བའི་ལས་ངན་པ་བཞི་འགྱུར་བྱས་པས་དེར་སྐྱེ་བར་འགྱུར་ཏེ། ལས་དེའི་འབྲས་བུ་རྣམ་པར་སྨིན་པ་བཞི་འགྱུར་གྱིས་
D287.068.0186b01.01ཚེ་ཤིན་ཏུ་རིང་པོར་དེ་དག་ལ་ཚོར་བ་ཤིན་ཏུ་དྲག་པ་འབྱུང་ངོ་། །དགེ་སློང་དེས་བཞི་འགྱུར་མཐོང་ནས་ལས་ཀྱི་འབྲས་བུ་རྣམ་པར་སྨིན་པ་ཇི་ལྟ་བ་བཞིན་དུ་རྗེས་སུ་བསམས་པ་དང་། འཁོར་བ་ལ་ཡིད་འབྱུང་བ་ཡང་བཅུ་འགྱུར་དུ་ཡིད་འབྱུང་ངོ་། །ཡང་དགེ་སློང་
D287.068.0186b02.01དེ་སེམས་ཅན་དམྱལ་བ་ཇི་ལྟ་བ་བཞིན་མཐོང་ནས་འཁོར་བ་ལ་ཤིན་ཏུ་འཇིགས་ཤིང་སྐྲག་སྟེ། ས་གཞན་བཅུ་པ་ལ་ཞུགས་པ། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་སོ། །དེ་ཡང་ས་བླའི་གནོད་སྦྱིན་དག་གིས་ཤེས་ནས།
D287.068.0186b03.01བར་སྣང་ལ་སྤྱོད་པའི་གནོད་སྦྱིན་དག་ལ་མངོན་པར་བསྙད་དོ། །སྔ་མ་བཞིན་དུ་སྦྱར་ཏེ། ཚངས་རིས་དང་། ཚངས་པའི་མདུན་ན་འདོན་དང་། ཚངས་པ་ཆེན་པོའི་བར་གྱིས་ཐོས་ནས་བདུད་ཀྱི་ཕྱོགས་ནི་དམའ་བར་འགྱུར་ཞིང་དམ་པའི་ཆོས་ཀྱི་ཕྱོགས་ནི་མངོན་པར་མཐོ་བར་འགྱུར་རོ་
D287.068.0186b04.01ཞེས་ཚངས་པ་ཆེན་པོའི་རིས་ཀྱི་ལྷ་དག་དགའ་སྟེ། རྒྱ་ཆེར་སྔ་མ་བཞིན་དུ་སྦྱར་རོ། །དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་གཞན་ལ་བརྟགས་ན། དེ་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ངུ་འབོད་ཆེན་པོ་
D287.068.0186b05.01ཞེས་བྱ་བ་ཡོད་པ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་
D287.068.0186b06.01འཐུང་བ་དང་། {བརྫུན་,རྫུན་}སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་རྫོགས་པ་དེ་ནི་སེམས་ཅན་དམྱལ་བ་ངུ་འབོད་ཆེན་པོར་སྐྱེ་བར་འགྱུར་ཏེ། དེ་ལ་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ནི་
D287.068.0186b07.01