完整藏文原文 · 德格版页 当前仅加载第 68 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
གདུངས་པ་ཇི་ལྟར་འདུག་པ་མཐོང་ངོ་། །དེ་ལས་གང་གིས་དེར་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། ཇི་ལྟར་ཕྲག་དོག་གིས་ཟིལ་གྱིས་ནོན་པ་གང་ཕ་རོལ་ལ་གནོད་པར་བྱེད་པ་གཡོ་ཐབས་དང་སྒྱུ་བྱེད་པ། ཡུལ་མ་རུང་བར་བྱེད་པ།
D287.068.0299a01.01ལྗོངས་འཇིག་པར་བྱེད་པ། མི་གསོད་པ། གཉེན་འདབ་དང་། བཤེས་གྲོགས་དང་། རྩ་ལག་འཇིག་པར་བྱེད་པ། དེ་དག་བཤིག་ནས་ཀྱང་རྒྱལ་པོའམ། བློན་པོ་ལ་འབུལ་བར་བྱེད་དེ། དེ་ལས་ཡང་ཐབས་ཐོབ་ནས་དེ་ནས་ཡང་སྡིག་པ་བྱེད་པའི་མི་ཡུལ་དེ་དག་ཉིད་སྔ་མ་བཞིན་དུ་
D287.068.0299a02.01འཇིག་པར་བྱེད་ལ་སྦྱིན་པ་དང་། ཚུལ་ཁྲིམས་དང་། ཐོས་པ་དང་བྲལ་བ་དང་། མཁས་པ་ལ་སྡང་བར་བྱེད་ཅིང་གནོད་པར་བྱེད་པ་དེ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་{ཡི་དགས་,ཡི་དྭགས་}མཚན་མོ་ལུས་རབ་ཏུ་འབར་བ་རྣམས་ཀྱི་ནང་དུ་སྐྱེ་བར་འགྱུར་རོ། །དེས་ཇི་ལྟར་དེ་དག་མཚན་
D287.068.0299a03.01མོ་བཙོན་རར་བཅུག་སྟེ། ལུས་ལ་གནོད་པ་བྱས་པ་དེ་བཞིན་དུ་ལས་དེ་དང་རྒྱུ་འཐུན་པར་ལས་མི་བཟད་པ་དེས་དེའི་ལུས་ཀྱང་མཚན་མོ་རབ་ཏུ་འབར་བར་འགྱུར་རོ། །ཇི་ལྟར་དེས་བཙོན་རར་བཅུག་ནས་ངུ་ཞིང་ངུ་སྐད་འབྱིན་ལ་ཆོ་ངེས་འདེབས་པ་དེ་བཞིན་དུ་{ཡི་དགས་,ཡི་དྭགས་}དེའི་ལུས་མཚན་མོ་རབ་
D287.068.0299a04.01ཏུ་འབར་བར་འགྱུར་ཏེ། དེ་ལྟར་དེ་ཇི་སྲིད་དུ་སྡིག་པའི་ལས་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལས་དེ་མྱོང་བར་འགྱུར་རོ། །དེ་ཕྱིས་{ཡི་དགས་,ཡི་དྭགས་}ཀྱི་འཇིག་རྟེན་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ལས་ཉེ་བར་འགྲོ་བ་ཇི་ལྟ་བ་བཞིན་དུ་འཁོར་བ་ན་
D287.068.0299a05.01ཡོངས་སུ་འཁྱམ་མོ། །དེ་གལ་ཏེ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྟག་ཏུ་གཞན་གྱིས་གནོད་པ་བྱས་པར་འགྱུར། ནོར་རྫས་བསགས་བསགས་པ་ཡང་རྟག་ཏུ་རྒྱལ་པོའི་འཁོར་ནས་ཀྱང་འཕྲོག་པར་
D287.068.0299a06.01བྱེད། ཤིང་ལྗོན་པའི་ཁ་ནས་རྟག་ཏུ་ལྷུང་བར་འགྱུར་ཏེ། དེ་ལྷུང་ནས་ལུས་སྣད་པར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་{ཡི་དགས་,ཡི་དྭགས་}ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་{ཡི་དགས་,ཡི་དྭགས་}ཀྱི་འཇིག་རྟེན་ན།
D287.068.0299a07.01