完整藏文原文 · 德格版页 当前仅加载第 68 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ས་གཞན་བརྒྱད་པ་ལས་ས་གཞན་དགུ་པ་ལ་འཇུག་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པའམ་ལྷའི་མིག་གིས་བརྟགས་ན། ཁམས་གསུམ་པ་འདི་དག་ཐམས་ཅད་ནི་མི་རྟག་པ་དང་།
D287.068.0144a01.01སྡུག་བསྔལ་བ་དང་། སྟོང་པ་དང་། བདག་མེད་པ་དང་། མི་གཙང་བའི་སྣོད་དུ་གྱུར་པ་འདོད་པ་ཐམས་ཅད་ཀྱང་མཐོང་སྟེ། དཔེར་ན་ནགས་ཚལ་གྱི་ཁྲོད་ན་རི་ནགས་ཆེན་པོའི་ངམ་གྲོག་ལ་ཤིང་འབྲ་གོ་སྐྱེ་བ་སྐྱོན་དུ་མ་དང་ལྡན་པ་ཡིན་ཏེ། དེ་ལ་འབྲས་བུ་ཆུང་ངུ་ཡོད་པ་བླང་བར་
D287.068.0144a02.01དགའ་ཞིང་ཉེས་པ་མང་པོར་འགྱུར་བ་དང་། ངམ་གྲོག་ཏུ་ལྟུང་བའི་ཉེས་པས་སྲོག་ལ་ཐེ་ཙོམ་ཟ་བར་བྱེད་པ་དང་། ཁོང་སྟོང་གི་ཉེས་པས་གཡང་སའི་ཕྱོགས་སུ་ལྟུང་བ་དང་། ཤིང་མཐོན་པོ་ལ་འཛེགས་པ་དག་གི་སྲོག་འཆད་པར་བྱེད་པའོ། །གལ་ཏེ་མི་བྱིས་པ་སོ་སོའི་སྐྱེ་བོ་
D287.068.0144a03.01རྨོངས་ཤིང་མུན་པར་གྱུར་པ་དག་རོ་ལ་ཆགས་པ་དེ་འབྲས་བུ་དེ་དག་མཐོང་ནས། ངམ་གྲོག་དང་། གཡང་ས་དང་། ཤིང་ཁོང་སྟོང་མཐོན་པོ་ལྟུང་བའི་སར་འགྲོ་སྟེ་འཆི་བར་འགྱུར་བ་མི་སེམས་སོ། །བྱིས་པ་སོ་སོའི་སྐྱེ་བོ་བློ་ཞན་པ་རོ་ཆུང་ངུ་མྱོང་བས་ཕྲོགས་པ་དེ་དག་ཤིང་དེ་ལ་
D287.068.0144a04.01འཛེགས་སོ། །དེ་ཤིང་དེ་ལས་འབྲས་བུ་དག་མ་ཐོབ་པར་དེའི་སྲོག་ནི་གཡང་སར་གཏོང་ངོ་། །གལ་ཏེ་རང་བཞིན་གྱིས་ཐབས་གཞན་དང་ལྡན་པའམ། དགེ་བའི་ལས་བྱེད་པ་ཁ་ཅིག་ནི་དེ་འདོད་ཆགས་ཀྱི་རོ་ཆེས་ཆུང་བས་བྱིས་པའི་བློའི་ཉེས་དམིགས་ཆེས་མང་བ་བཅིངས་པར་
D287.068.0144a05.01མཐོང་བ་དེ་བཞིན་དུ། དགེ་སློང་དེས་ནགས་ཚལ་གྱི་ཁྲོད་ལྟ་བུར་འགྲོ་བ་ལྔའི་རིམ་པ་མཐོང་ངོ་།། །།འཕགས་པ་དམ་པའི་ཆོས་དྲན་པ་ཉེ་བར་གཞག་པ། བམ་པོ་དྲུག་པ། ངམ་གྲོག་ཆེན་པོ་ཞེས་བྱ་བ་ནི་ཉེས་པ་ཐམས་ཅད་ངམ་གྲོག་ལྟ་བུ་ཡིན་ནོ། །ཤིང་འབྲ་
D287.068.0144a06.01གོ་ཞེས་བྱ་བ་ནི་འདོད་པའི་ཤིང་ཞེས་བྱ་བ་དེའི་ཚིག་{བླ་དགས་,བླ་དྭགས་}སོ། །སྐྱོན་བརྒྱ་ཕྲག་དུ་མ་ཞེས་བྱ་བ་ནི་ཉོན་མོངས་པ་བརྒྱ་ཕྲག་སྟོང་དུ་མ་སྟེ་དེ་དག་ཚོར་བ་སྡུག་བསྔལ་ཞེས་བྱ་བའི་ཚིག་{བླ་དགས་,བླ་དྭགས་}སོ། །ཤིང་ལ་ཡོད་པའི་འབྲས་བུ་ཞེས་བྱ་བ་ནི་སྒྲ་དང་། རེག་པ་དང་། རོ་དང་། གཟུགས་
D287.068.0144a07.01