完整藏文原文 · 德格版页 当前仅加载第 68 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲག་བྱེ་བ་དུ་མར་ལོ་བགྲང་གིས་མི་ལང་བར་རྒྱུན་དུ་སྒྲ་འབྱིན་པ་ཐོས་སོ། །སེམས་ཅན་དམྱལ་བ་པ་དེ་སེམས་ཅན་དམྱལ་བ་པ་རབ་ཏུ་ཚ་བར་སྒྲ་འབྱིན་པ་དེས་ཐོས་ནས་ཡིད་བཅུ་འགྱུར་དུ་འཇིགས་ཤིང་སྐྲག་གོ། །སེམས་ཅན་དམྱལ་བ་ཆེན་པོ་རབ་ཏུ་ཚ་བ་ག་ལ་བ་དེའི་ཕྱོགས་སུ་ཡང་
D287.068.0224b01.01གཤིན་རྗེའི་མི་རྣམས་ཀྱིས་ཁྲིད་ནས་ཚིགས་སུ་བཅད་པ་འདི་དག་སྨྲས་སོ། །འདི་ནི་སེམས་ཅན་དམྱལ་བའི་སྒྲ། །ཐོས་ནས་བློ་ངན་ཁྱོད་འཇིགས་སམ། །གང་དུ་ཁྱོད་ནི་མེ་ཡིས་སུ། །ཤིང་ལྟར་བསྲེགས་ན་ཇི་ལྟར་བྱ། །མེ་ཡིས་བསྲེགས་པ་བསྲེགས་པ་མིན། །ངན་པར་བྱས་པས་ཁྱོད་
D287.068.0224b02.01བསྲེགས་སོ། །མེ་ནི་ཞི་བར་འགྱུར་སྲིད་ཀྱི། །ནམས་ཀྱང་ངན་བྱས་མེ་མི་ཞི། །མེ་ཡིས་འཇིག་རྟེན་མཐར་མི་ཁྱེར། །མེ་ཡི་ཕྱི་བཞིན་མེ་མི་འབྲང་། །ངན་བྱས་སྡིག་པའི་མེ་འདི་ཡིས། །ཁྱོད་དང་བཅས་པར་མྱུར་བར་སྲེག །ངན་བྱས་མེ་ཡིས་གང་བསྲེགས་པ། །མི་དེ་དག་
D287.068.0224b03.01ནི་དམྱལ་བར་སྲེག །ངན་བྱས་མེ་ནི་གང་སྤོང་བ། །དེ་དག་དམྱལ་བའི་འཇིགས་པ་མེད། །གང་དག་བདག་ཏུ་གཅེས་འདོད་དང་། །གལ་ཏེ་དམྱལ་བར་རྣམ་འཇིགས་ན། །སྡིག་པ་དག་ནི་རྣམ་པར་སྤངས། །དེ་ལས་སྡུག་བསྔལ་འབྱུང་མི་འགྱུར། །སྡིག་པ་ཤིན་ཏུ་རྣམ་སྤངས་
D287.068.0224b04.01པ། །སེམས་ནི་རྟག་ཏུ་གཙང་བ་དང་། །ལུས་དང་ངག་གི་ཚོགས་ཞི་བ། །མྱ་ངན་འདས་པ་ཡོང་མི་རིང་། །སེམས་ཅན་རྟག་ཏུ་སྡིག་སེམས་པ། །རྟག་ཏུ་གཏི་མུག་དབང་དུ་སོང་། །སེམས་ཅན་དམྱལ་བ་དྲག་པོ་ཐོབ། །ཅི་ཕྱིར་རབ་ཏུ་མཆི་མ་འབྱིན། །ངན་བྱས་
D287.068.0224b05.01ཐོག་མ་བར་ཐ་མར། །སྡུག་བསྔལ་སྡུག་བསྔལ་རྣམ་སྨིན་དང་། །དེ་བཞིན་སྡུག་བསྔལ་འགྲོ་བ་དང་། །ལེགས་པ་ཡོངས་སུ་སྨིན་མི་འགྱུར། །འཇིག་རྟེན་ཕ་རོལ་ཁྱོད་ཀྱིས་སྡིག །སྡིག་པ་གང་དག་ངན་བྱས་མང་། །དེ་ཡི་འབྲས་བུ་རྣམ་སྨིན་ནི། །དེ་རིང་མི་བཟད་ཉེ་བར་
D287.068.0224b06.01སྤྱོད། །མི་ཡིས་ངན་བྱེད་བྱས་པ་ནི། །མི་བཟད་ཤིན་ཏུ་མི་བཟད་འགྲོ། །མི་ཡིས་ལེགས་བྱེད་བྱས་པ་ནི། །བདེ་ལས་ཤིན་ཏུ་བདེ་བར་འགྲོ། །སྡིག་པའི་འབྲས་བུ་མི་བཟད་པ། །བདེ་བ་འཐོབ་པར་འགྱུར་བ་མེད། །བདེ་བ་དག་གི་འབྲས་བུ་ཡང་། །མི་བཟད་ལོག་པར་སྨིན་མི་འགྱུར།
D287.068.0224b07.01