完整藏文原文 · 德格版页 当前仅加载第 68 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལྟ་བུར་འགྱུར། སྐྱེ་བོ་དང་ཡུལ་མི་ཀུན་དང་ཞེ་འགྲས་པར་འགྱུར་ཏེ། དེ་དག་ནི་མནར་མེད་པ་དེའི་མཚན་མ་ཚེ་འདི་ལ་སྔར་འབྱུང་བ་ཡིན་ནོ། །དེའི་འོག་ཏུ་དེ་འཆི་བའི་མཚན་མ་འབྱུང་བ་ནི་ཉིན་པར་ཟླ་བ་མཐོང་ཞིང་མཚན་མོ་ཉི་མ་མཐོང་བར་འགྱུར།
D287.068.0249a01.01རང་གི་གྲིབ་མ་མི་མཐོང་བར་འགྱུར། གློ་བུར་དུ་སྒྲ་མི་སྙན་པ་ཐོས་པར་འགྱུར། དེའི་སྣ་ཡོན་པོར་འགྱུར། དེའི་སྐྲ་དང་ཁ་སྤུ་འཛིངས་པར་འགྱུར། ཐོག་མར་རིམས་ཀྱིས་འདེབས་ཤིང་འཆི་བའི་བར་དུ་ནད་ཀྱིས་འདེབས་ཏེ། དེ་ཀུན་ནས་མེ་མདག་རབ་ཏུ་
D287.068.0249a02.01འབར་བ་ལྟ་བུའི་རིམས་ཀྱིས་ཤིན་ཏུ་གདུངས་ཤིང་ནད་བཞི་བརྒྱ་རྩ་བཞི་ལྟ་བུ་མ་ཡིན་པ་དག་གིས་ཉམ་ཐག་པ། ཀུན་ནས་མེ་མདག་གི་ཀླུང་དག་ཏུ་འཚེད་པ་ན་སྲིན་བུའི་རིགས་བརྒྱད་ཅུ་དག་ལ་རླུང་བརྒྱད་ཅུ་དག་ལུས་དང་རྩ་དང་། རྒྱུས་པ་དང་། པགས་པ་
D287.068.0249a03.01དང་། རུས་པ་དང་། ཤ་དང་། ཚིལ་དག་ཏུ་ཞུགས་ནས་གནོད་པར་བྱེད་དོ། །འདི་ལྟ་སྟེ། སྲིན་བུའི་རིགས་བརྒྱད་ཅུ་དག་ལ་རླུང་བརྒྱད་ཅུ་དག་གིས་གནོད་པར་བྱེད་དོ། །སྲིན་བུ་སྤུ་ཅན་ལ་རླུང་སྤུ་སུན་འབྱིན་གྱིས་གནོད་པར་བྱེད་དོ། །སྲིན་བུ་ཁ་གནག་
D287.068.0249a04.01ལ་རླུང་དག་གི་རྗེས་སུ་འཐུན་པས་གནོད་པར་བྱེད་དོ། །སྲིན་བུ་སྒྲོ་མེད་ལ་རླུང་མི་ལམ་འཁྲུལ་སྟོན་གྱིས་གནོད་པར་བྱེད་དོ། །སྲིན་བུ་རབ་ཕྱེ་བྱེད་ལ་རླུང་བཟོད་མེད་ཀྱིས་གནོད་པར་བྱེད་དོ། །སྲིན་བུ་རྣམ་པར་རྨོངས་བྱེད་ལ་རླུང་ལྕེས་བརྗེད་པ་མི་བཟོད་ཀྱིས་
D287.068.0249a05.01གནོད་པར་བྱེད་དོ། །སྲིན་བུ་མེད་མདོག་བྱེད་ལ་རླུང་རོ་བྲོ་ཁྲིད་བྱེད་ཀྱིས་གནོད་པར་བྱེད་དོ། །སྲིན་བུ་འགྲེད་བྱེད་ལ་རླུང་མཆིན་པ་འཇིག་བྱེད་ཀྱིས་གནོད་པར་བྱེད་དོ། །སྲིན་བུ་འོག་འགྲོ་ལ་རླུང་བཤང་བ་སྟེང་འགྲོས་གནོད་པར་བྱེད་དོ། །སྲིན་བུ་ཨུད་ཏིང་ག་ལ་
D287.068.0249a06.01རླུང་གཞང་རྒྱུས་གནོད་པར་བྱེད་དོ། །སྲིན་བུ་ཀུན་རྟོག་མཐོང་ལ་རླུང་དྲན་པ་ཉམས་བྱེད་ཀྱིས་གནོད་པར་བྱེད་དོ། །སྲིན་བུ་དྲི་ང་ལ་རླུང་པགས་པ་འཇིག་བྱེད་ཀྱིས་གནོད་པར་བྱེད་དོ། །སྲིན་བུ་རུས་པ་ལེགས་སྐྱེས་ལ་རླུང་རོ་བྲོ་བ་འཇིག་བྱེད་ཀྱིས་གནོད་པར་བྱེད་དོ། །
D287.068.0249a07.01