完整藏文原文 · 德格版页 当前仅加载第 68 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
བསད་ཅིང་སྲོག་དང་བྲལ་ན། དེ་རྒྱུ་དེ་དང་། རྐྱེན་དེ་དང་། གཞི་དེ་འཆགས་པར་མི་བྱེད་ཅིང་རབ་ཏུ་སྤྲོ་བར་བྱེད་པའི་ལས་དང་། ལས་ཀྱི་ཉེར་བསྡོགས་བྱས་པ་ནི་སྔ་མ་བཞིན་དུ་སྦྱར་ཏེ། ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་
D287.068.0149a01.01ལྕགས་ཀྱིས་བསྒྱུར་བར་སྐྱེ་བར་འགྱུར་རོ། །དེ་ན་ལྕགས་ཀྱི་ར་བ་རབ་ཏུ་འབར་བ་འཕང་དུ་དཔག་ཚད་བཅུ་ཡོད་པ་སེམས་ཅན་དམྱལ་བའི་མེས་རབ་ཏུ་འབར་ཏེ། དེའི་དྲུང་ན་མི་དག་གི་མེ་ནི་སྤྲིན་དང་མཚུངས་སོ། །མཚོན་རབ་ཏུ་འབར་བའི་ཤུགས་ཀྱིས་ཀྱང་དེ་དག་གི་ལུས་
D287.068.0149a02.01ལ་རབ་ཏུ་འབབ་སྟེ། གང་གིས་ལུས་དེ་དག་ཡུངས་ཀར་ཙམ་དུ་གཅོད་ཅིང་འཇིག །སྲེག་ཅིང་གཤེག་གོ། །ཐམས་ཅད་དུ་མཚོན་གྱི་ཆར་རབ་ཏུ་འབབ་སྟེ། དཔེར་ན་འཛམ་བུ་གླིང་དུ་དུས་སུ་ཆར་གྱི་རྒྱུན་འབབ་པ་ལྟར་ཕྱོགས་བཅུར་མཚོན་གྱི་ཆར་གྱིས་མངོན་པར་ཁེབས་ཏེ།
D287.068.0149a03.01གང་གིས་སེམས་ཅན་དམྱལ་བ་དེ་དག་གཤེགས་ཀྱང་འཆི་བར་ནི་མི་འགྱུར་རོ། །དེའི་སྡིག་པའི་ལས་ཀྱི་འབྲས་བུ་རྣམ་པར་སྨིན་པས་ཡན་ལག་རྣམས་བཅད་ཅིང་གཏུབས་པ་དང་རབ་ཏུ་ངུའོ། །ལྕགས་ཀྱིས་བསྒྱུར་བའི་སེམས་ཅན་དམྱལ་བ་དེ་ན་རལ་གྲི་ལོ་མ་ལྟ་བུའི་ཚལ་
D287.068.0149a04.01ཡོད་དེ། སྟེང་དང་འོག་གི་སོ་རྣོ་བ། བ་ཚྭ་ལྟ་བུའི་ཚལ་དེ་རྒྱང་རིང་པོ་ནས་ཚལ་ནག་པོའི་ཕུང་པོ་ལྟ་བུ་མཐོང་ནས། དེ་དག་བཀྲེས་པ་དང་། སྐོམ་པས་གདུངས་པ་ཀུན་དུ་རྒྱུག་ཅིང་ཆོ་ངེས་འདེབས་པ་ན་དེ་གང་དུ་ཞུགས་པར་གྱུར་པ་དེ་དག་ཀུན་ནས་མཚོན་གྱི་ཆར་གྱིས་
D287.068.0149a05.01རྣམ་པར་གཤེག་པར་བྱེད་དོ། །དེར་ལས་ཀྱི་རྒྱུ་ནི་ཕྱུགས་དེ་དག་ལ་ཟས་ཀྱིས་བྲིད་ནས་བསླུས་པ་དེའི་ལས་དེ་དང་འབྲས་བུ་དེ་ནི་འདི་ལྟར་སེམས་རི་མོ་མཁན་ལྟ་བུས་སེམས་ཅན་དམྱལ་བའི་རི་མོའི་གཞི་ལ་སེམས་ཅན་དམྱལ་བ་པའི་མི་དགེ་བའི་ལས་མངོན་པར་འདྲི་བ་དེ་
D287.068.0149a06.01ལྟ་དེ་ལྟར་སེམས་ཅན་དམྱལ་བར་འགྲུབ་པའི་ལས་སོ་སོར་མྱོང་བར་འགྱུར་རོ། །དེར་སེམས་ཅན་དམྱལ་བ་དེ་དག་ཇི་ཙམ་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ། ལོ་འབུམ་ཕྲག་དུ་མར་གཤེག་པར་བྱེད་དེ། གང་སེམས་རི་མོ་མཁན་
D287.068.0149a07.01