完整藏文原文 · 德格版页 当前仅加载第 68 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚོགས་དང་། གནད་ཀྱི་བར་ནས་གནད་ཀྱི་བར་དང་། རུས་པའི་ཚིགས་ནས་རུས་པའི་ཚིགས་ཏེ། ཇི་ལྟར་དེ་ཡུངས་འབྲུ་ཙམ་ཡང་མ་ལུས་པ་དེ་ལྟར་ཡན་ལག་དང་ཉིང་ལག་ཐམས་ཅད་ཟའོ། །དེ་ནས་ཡང་འབྱུང་བར་འགྱུར་ཏེ། དེ་ལྟར་དེ་ཡུན་རིང་དུ་ཁྱི་དེ་རྣམས་
D287.068.0228a01.01ཀྱིས་ཟའོ། །དེའི་ལས་ཀྱི་འབྲས་བུ་དེ་གང་ཞིག་ཡིན་སྙམ་ན་གང་དེས་ཤ་སྟོན་བྱ་བའི་ཕྱིར་སེམས་ཅན་བསད་ཅིང་སྲོག་བཅད་པའི་འབྲས་བུ་ནི་དེ་ཡིན་ནོ། །མ་བྱིན་པར་ལེན་པའི་འབྲས་བུ་འབྱུང་བ་ཡང་འདི་ལྟར་སེམས་ཅན་དམྱལ་བ་པ་དེས་ལས་ཀྱིས་བྱས་པར་གྱུར་པའི་ནོར་རྫས་དག་མཐོང་
D287.068.0228a02.01བ་དང་། དེ་དག་ཀྱང་ལས་ལས་བྱུང་བའི་རྨོངས་པ་ཡིན་ཏེ། འདི་ལྟར་འདི་དག་ནི་བདག་གི་ཡིན་ན་ཕ་རོལ་དག་གིས་ཕྲོགས་པ་ལྟ་སྙམ་དུ་ཁོང་དུ་ཆུད་ནས་དེ་དེར་རྒྱུག་པ་དང་། དེ་གཤིན་རྗེའི་མི་གཞན་རྣམས་ཀྱིས་བཟུང་ངོ་། །བཟུང་ནས་ཀྱང་མཚོན་རྣམ་པར་གཅོད་པས་གནད་ནས་གནད་
D287.068.0228a03.01ཤིན་ཏུ་གཅོད་ཅིང་སྲེག་གོ། །དེ་སེམས་ཅན་དམྱལ་བ་པ་གཞན་དག་གི་དྲུང་དུ་རྒྱུག་ལ། སེམས་ཅན་དམྱལ་བ་པ་དེ་མཐོང་ནས་དེ་དག་ཀྱང་གཤིན་རྗེའི་མི་དེ་རྣམས་ཀྱིས་བཟུང་སྟེ། རལ་གྲི་དང་། མདུང་ཐུང་དང་། མདའ་བོ་ཆེ་དང་། རྡོ་རབ་ཏུ་འབར་བ་རྣམས་ཀྱིས་རྣམ་པར་གཤེག་པར་བྱེད་དོ། །དེ་
D287.068.0228a04.01དག་ཀྱང་མ་བྱིན་པར་ལེན་པ་དེའི་འབྲས་བུས་ཇི་སྲིད་དུ་མ་བྱིན་པར་ལེན་པའི་འབྲས་བུ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་གཤེག་པར་བྱེད་དོ། །དེ་ཕྱིས་དེ་ལས་ཐར་བར་འགྱུར་ཏེ། འདོད་པས་ལོག་པར་གཡེམ་པས་བུད་མེད་བ་ཚྭའི་ཆུ་བོས་ཁྱེར་ཞིང་ཤིན་ཏུ་རྩུབ་རྩུབ་
D287.068.0228a05.01སྐད་སྨྲ་ལ་རླབས་ཀྱིས་བདས་པ་ན་བར་འགའ་ནི་སྟེང་དུ་འབྱུང་། བར་འགའ་ནི་འོག་ཏུ་འཇུག་ཅིང་སེམས་ཅན་དམྱལ་བ་པ་དེ་ལ་འདི་ལྟར་བདག་ལ་མགོན་མེད་པ་དེ་བ་ཚྭའི་ཆུ་བོའི་ཉོན་མོངས་པ་འདི་ལས་བདག་ཡོངས་སུ་སྐྱོབས་ཤིག་ཅེས་སྨྲ་བ་མཐོང་ངོ་། །དེ་ནས་སེམས་ཅན་དམྱལ་བ་པ་དེས་བུད་མེད་
D287.068.0228a06.01དེའི་སྒྲ་དེ་ཐོས་ནས་ལས་ཀྱིས་རྨོངས་པས་བ་ཚྭའི་ཆུ་བོ་དེར་འཇུག་གོ། །དེར་ཞུགས་མ་ཐག་ཉིད་དུ་དེའི་ལུས་བ་ཚྭའི་ཆུ་བོའི་ཤུགས་ཀྱིས་ཇི་ལྟར་རུས་པ་ཡུངས་འབྲུ་ཙམ་ཡང་མ་ལུས་པ་དེ་ལྟར་ཁྱེར་རོ། །དེ་ནས་ཡང་འབྱུང་བར་འགྱུར་ཏེ། ཡང་བུད་མེད་དེ་ཉིད་རྒྱང་རིང་པོ་ནས་བ་ཚྭའི་ཆུ་བོ་དེ་ཉིད་ཀྱིས་
D287.068.0228a07.01