完整藏文原文 · 德格版页 当前仅加载第 51 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཞེ་སྡང་དང་། གཏི་མུག་དང་། བག་ལ་ཉལ་བ་དང་། ཀུན་དུ་དཀྲིས་ཏེ་འདུག་པ་དང་། ཉོན་མོངས་པ་དང་ཉེ་བའི་ཉོན་མོངས་པ་ཐམས་ཅད་སྤངས་པ་དེ་དག་ནི་སངས་རྒྱས་ཀྱི་ཆོས་རྣམས་ཀྱི་སྣོད་དུ་མ་གྱུར་པའོ། །བཙུན་པ་རབ་འབྱོར་གང་
D117.051.0249a01.01དག་འདོད་ཆགས་ཀྱིས་ཆགས་པ་ཡང་མ་ཡིན་ལ་འདོད་ཆགས་སྤྱོད་པར་ཡང་སྟོན་པ། ཞེ་སྡང་གིས་སྡང་བ་ཡང་མ་ཡིན་ལ་ཞེ་སྡང་སྤྱོད་པར་ཡང་སྟོན་པ། གཏི་མུག་གིས་རྨོངས་པ་ཡང་མ་ཡིན་ལ་གཏི་མུག་སྤྱོད་པར་ཡང་སྟོན་པ། ཉོན་མོངས་པ་དང་ཡང་བྲལ་ལ་ཁམས་
D117.051.0249a02.01གསུམ་དུ་ཡང་སྣང་བ། སེམས་ཅན་ཐམས་ཅད་ལ་བྱམས་པ། མ་ཁེངས་པ། མ་ཞུམ་པ། སེམས་ཅན་ཐམས་ཅད་ཀྱི་ཁུར་ཁྱེར་བ། དེ་བཞིན་ཉིད་ཀྱི་རྗེས་སུ་སོང་བ། དཀོན་མཆོག་གསུམ་གྱི་གདུང་མི་འཆད་པར་བྱ་བའི་ཕྱིར་ཞུགས་པ། རིག་པ་གསུམ་
D117.051.0249a03.01དང་ལྡན་པ། རིག་པ་མངོན་དུ་གྱུར་པ་དེ་དག་ནི་སངས་རྒྱས་ཀྱི་ཆོས་རྣམས་ཀྱི་སྣོད་དུ་གྱུར་པའོ། །རབ་འབྱོར་གྱིས་སྨྲས་པ། འཇམ་དཔལ་གལ་ཏེ། ཆོས་ཀྱི་དབྱིངས་ཀྱང་གཅིག །དེ་བཞིན་ཉིད་ཀྱང་གཅིག །ཡང་དག་པའི་མཐའ་ཡང་གཅིག་ན་སྣོད་དམ་སྣོད་
D117.051.0249a04.01མ་ཡིན་པ་དེ་ཇི་ལྟར་མངོན། འཇམ་དཔལ་གྱིས་སྨྲས་པ། བཙུན་པ་རབ་འབྱོར་འདི་ལྟ་སྟེ། དཔེར་ན་རྫ་མཁན་གྱིས་འཇིམ་པའི་གོང་བུ་གཅིག་ལས་སྣོད་རྣམ་པ་སྣ་ཚོགས་བྱས་ཏེ། སྣོད་དེ་ཐམས་ཅད་སོ་གཅིག་ཏུ་བཏང་ན། དེ་ལ་ཁ་ཅིག་ནི་འབྲུ་མར་དང་མར་གྱི་སྣོད་
D117.051.0249a05.01དུ་འགྱུར། ཁ་ཅིག་ནི་སྦྲང་རྩི་དང་ལི་ཁ་རའི་སྣོད་དུ་འགྱུར། ཁ་ཅིག་ནི་ངན་པ་མི་གཙང་བའི་སྣོད་དུ་འགྱུར་ཏེ། འཇིམ་པའི་གོང་བུ་དེ་དང་སོ་བཏང་བ་ལ་ནི་ཐ་དད་པ་{ཆུང་ཟད་,ཅུང་ཟད་}ཀྱང་མེད་དོ། །བཙུན་པ་རབ་འབྱོར་དེ་བཞིན་དུ་ཆོས་ཀྱི་དབྱིངས་ཀྱང་གཅིག །དེ་བཞིན་ཉིད་ཀྱང་གཅིག །
D117.051.0249a06.01ཡང་དག་པའི་མཐའ་ཡང་གཅིག་མོད་ཀྱི། ཇི་ལྟར་ལས་མངོན་པར་འདུ་བྱས་པ་བཞིན་དུ་སྣོད་ཀྱི་ཁྱད་པར་དུ་འགྱུར་རོ། །དེ་ལ་སྦྲང་རྩི་དང་། ལི་ཁ་རའི་སྣོད་ཇི་ལྟ་བ་དེ་བཞིན་དུ་བྱང་ཆུབ་སེམས་དཔའ་ཐམས་ཅད་ལ་བལྟའོ། །འབྲུ་མར་དང་མར་གྱི་སྣོད་ཇི་ལྟ་བ་དེ་བཞིན་དུ་ཉན་
D117.051.0249a07.01