完整藏文原文 · 德格版页 当前仅加载第 51 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཁོ་བོ་ཅག་གི་སྟོན་པའོ། །ཁོ་བོ་ཅག་ནི་ཁྱོད་ཀྱི་སློབ་མའོ། །ཁོ་བོ་ཅག་ཁྱོད་ལས་རྗེས་སུ་བསྟན་པ་ནོད་དོ། །ཅི་ནས་ཀྱང་དགེ་སྦྱོང་གཽ་ཏ་མ་དེ་དང་། དེའི་ཉན་ཐོས་རྣམས་མི་མཐོང་བ་དང་། ཅི་ནས་ཀྱང་དེ་ལས་མི་འཐུན་པའི་ཆོས་མི་ཐོས་པ་དེ་ལྟར་ཁོ་བོ་ཅག་ལ་མཛོད་
D117.051.0277b01.01ཅིག །གཅེར་བུ་མའི་བུ་བདེན་པ་པོས་སྨྲས་པ། སྐྱེས་བུ་དམ་པ་དག་ལེགས་སོ། །ལེགས་སོ། །དད་པ་དང་ལྡན་པ། དང་བ་དང་ལྡན་པ་ཁྱོད་རིང་པོ་མི་ཐོགས་པར་ངའི་ཆོས་བསྟན་པ་འདི་ཤེས་པར་འགྱུར་རོ། །དེ་ནས་གཅེར་བུ་མའི་བུ་བདེན་པ་པོས་རང་གི་
D117.051.0277b02.01འཁོར་རྣམས་ལ་སྨྲས་པ། ཚུར་ཤོག་ཁྱེད་ཅག་བྲམ་ཟེའི་བུ་ལྔ་བརྒྱ་པོ་འདི་དག་དང་ལྷན་ཅིག་ཏུ་ཀུན་དུ་དགའ་བ་དང་། འཐུན་པ་དང་། ཕན་ཚུན་ཆོས་ལ་དཔྱད་པ་དཔྱོད་ཅིང་ལྷན་ཅིག་ཏུ་གནས་པར་གྱིས་ཤིག །འདི་དག་གིས་གང་{ཆུང་ཟད་,ཅུང་ཟད་}ཅི་སྨྲས་པ་དེང་ཁྱེད་ཀྱིས་ཤིན་
D117.051.0277b03.01ཏུ་ལེགས་པར་ཟུང་ཤིག །དེ་ནས་འཇམ་དཔལ་གཞོན་ནུར་གྱུར་པ་འཁོར་གཅེར་བུ་པ་ལྔ་བརྒྱ་སྤྲུལ་པ་དང་། གཞན་མུ་སྟེགས་ཅན་གྱི་ཉན་ཐོས་རྣམས་དང་ལྷན་ཅིག་ཏུ་འདུག་ནས། དེ་དག་གི་དཀའ་ཐུབ་དང་། བརྟུལ་ཞུགས་དང་། སྤྱོད་ལམ་དང་། བསླབ་པའི་
D117.051.0277b04.01ཚིག་ཇི་ཙམ་དུ་རྒྱུན་མི་འཆད་པ་དེ་བས་ཀྱང་བདག་དང་འཁོར་ལ་ལྷག་པར་སྟོན་ཏོ། །སྐབས་སྐབས་སུ་དཀོན་མཆོག་གསུམ་གྱི་བསྔགས་བརྗོད་དོ། །སྐབས་སྐབས་ནི་གཅེར་བུ་མའི་བུ་བདེན་པ་པོའི་ཡང་དག་པའི་ཡོན་ཏན་བསྔགས་པ་བརྗོད་དེ། དེས་དེ་
D117.051.0277b05.01དག་ཡིད་ཆེས་པར་བྱས་ནས་དུས་གཞན་དང་། ཚོད་གཞན་ཞིག་ན་མུ་སྟེགས་ཅན་གཞན་ཚོགས་པ་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་སྨྲས་སོ། །ཚེ་དང་ལྡན་པ་དག་བདག་ཅག་གི་བསྟན་བཅོས་པ་དང་། སྔགས་དང་། རིག་བྱེད་དང་། གཞུང་
D117.051.0277b06.01ལས་འབྱུང་བ་བཞིན་དགེ་སྦྱོང་གཽ་ཏ་མ་དེའི་ཡང་དག་པའི་ཡོན་ཏན་བསྔགས་པ་ཡང་ཡོད་དོ། །དེ་ཅིའི་ཕྱིར་ཞེ་ན། འདི་ལྟར་དགེ་སྦྱོང་གཽ་ཏ་མ་ནི་རིགས་ཕུན་སུམ་ཚོགས་པ་ཕ་དང་མ་དག་པ། འཁོར་ལོས་སྒྱུར་བའི་རྒྱལ་པོའི་རིགས་སུ་སྐྱེས་པ། བསོད་ནམས་བརྒྱའི་
D117.051.0277b07.01