完整藏文原文 · 德格版页 当前仅加载第 51 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཉོན་མོངས་པར་གྱུར་པ་ཞེས་བྱ་སྟེ། སེམས་ཀྱི་རང་བཞིན་ནི་ནམ་ཡང་ཉོན་མོངས་པར་གྱུར་པ་མེད་དོ། །ཚེ་དང་ལྡན་པ་ཤ་ར་དྭ་ཏིའི་བུ་འདི་ལྟ་སྟེ་དཔེར་ན་འདས་པའི་དུས་ན་གང་གཱའི་ཀླུང་གི་བྱེ་མ་སྙེད་ཀྱི་བསྐལ་པས་བསྲེགས་པ་བྱུང་ཡང་ནམ་མཁའ་ལ་སྔོན་
D117.051.0265b01.01ནམ་ཡང་ཚིག་པ་མེད་དོ། །ཚེ་དང་ལྡན་པ་ཤ་ར་དྭ་ཏིའི་བུ་དེ་བཞིན་དུ་སེམས་ཅན་རེ་རེས་ཀྱང་གང་གཱའི་ཀླུང་གི་བྱེ་མ་སྙེད་ཀྱི་མི་དགེ་བའི་ལས་མངོན་པར་འདུ་བྱས་ཀྱང་སེམས་ཀྱི་རང་བཞིན་ནི་ནམ་ཡང་དེ་བཞིན་དུ་ཉོན་མོངས་པར་གྱུར་པ་མེད་དོ། །ཚེ་དང་ལྡན་པ་ཤ་ར་དྭ་ཏིའི་
D117.051.0265b02.01བུ་རིགས་ཀྱི་བུ་དང་། རིགས་ཀྱི་བུ་མོ་གང་ལ་ལ་རང་བཞིན་གྱིས་ཡོངས་སུ་དག་པའི་ཆོས་ཀྱི་དབྱིངས་དེ་ལྟ་བུ་ལ་འཇུག་པ་དེ་དག་ནི་ཀུན་ནས་ལྡང་བའམ། སྒྲིབ་པའམ། མངོན་པར་འདུ་བྱེད་པས་ཀུན་ནས་ལྡང་བར་འགྱུར་བ་{ཆུང་ཟད་,ཅུང་ཟད་}ཀྱང་མེད་དེ། འདི་ནི་ཀུན་ནས་ལྡང་བ་མེད་
D117.051.0265b03.01པའི་ཆོས་ཀྱི་སྒོའོ། །ཆོས་ཀྱི་སྒོ་དེ་ལ་བརྟེན་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཀྱི་རང་བཞིན་ཡོངས་སུ་དག་པར་ཞུགས་ནས། ཉེས་པ་ལས་འབྱུང་བ་ལ་མཁས་པར་ཤེས་ཤིང་། དེའི་སེམས་ནམས་ཀྱང་སྒྲིབ་པའི་ཆོས་རྣམས་ཀྱིས་སྒྲིབ་
D117.051.0265b04.01པར་མི་འགྱུར་རོ། །ཚེ་དང་ལྡན་པ་རབ་འབྱོར་འཇམ་དཔལ་གཞོན་ནུར་གྱུར་པའི་རྫུ་འཕྲུལ་རྣམ་པར་འཕྲུལ་པ་དང་། ཆོས་བསྟན་པ་རྣམ་པར་འཕྲུལ་པ་ལས་གང་ཁོ་བོས་ཕྱོགས་ཙམ་ཞིག་མངོན་སུམ་དུ་གྱུར་པ་ནི་དེ་ལྟ་བུ་དེ་དག་ཡིན་ནོ། །དེ་ནས་ཚེ་དང་ལྡན་པ་ཀུན་དགའ་བོས་
D117.051.0265b05.01ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རིའི་བུ་ཁོ་བོས་ཀྱང་འཇམ་དཔལ་གཞོན་ནུར་གྱུར་པའི་རྫུ་འཕྲུལ་གྱི་ཆོ་འཕྲུལ་ཁ་ཅིག་མངོན་སུམ་དུ་གྱུར་ཏོ། །ཚེ་དང་ལྡན་པ་ཤཱ་རིའི་བུ་ཁོ་བོས་མངོན་པར་ཤེས་ཏེ། དུས་གཅིག་ཅིག་ན་བཅོམ་ལྡན་
D117.051.0265b06.01འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་འདི་ཉིད་ན་དགེ་སློང་བརྒྱད་བརྒྱའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་ཁྲི་ཉིས་སྟོང་དང་ཐབས་ཅིག་ཏུ་བཞུགས་སོ། །དེའི་ཚེ་ན་མཉན་ཡོད་དུ་དུས་མ་ཡིན་པའི་
D117.051.0265b07.01