完整藏文原文 · 德格版页 当前仅加载第 51 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་པར་རྟོགས་པར་འགྱུར་ཏེ། གང་མ་སྐྱེས་པ་དེ་ནི་དོན་དམ་པའོ། །བསྟན་པ་འདི་བཤད་པའི་ཚེ་དགེ་སློང་ཉིས་བརྒྱ་པོ་དེ་དག་གིས་ཉེ་བར་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དེ་ནས་གཅེར་བུ་མའི་བུ་བདེན་པ་པོ་འཁོར་དམས་པར་གྱུར་ཏེ། གཡོག་ལྔ་བརྒྱ་
D117.051.0283b01.01ཞིག་དང་སྤ་གོང་བར་གྱུར་ཅིང་། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དང་། སྨྱིག་མའི་ཚལ་ལྡུམ་བུའི་འཁོར་གྱི་ཁྱམས་ག་ལ་བ་དང་། བཅོམ་ལྡན་འདས་ག་ལ་བ་དེར་དོང་སྟེ་ལྷགས་པ་དང་། བཅོམ་ལྡན་འདས་དང་ལྷན་ཅིག་ཀུན་དགའ་བ་
D117.051.0283b02.01དང་། མགུ་བར་འགྱུར་བ་དང་། དགའ་བར་འགྱུར་བའི་གཏམ་སྣ་ཚོགས་བྱས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་དགེ་སྦྱོང་གཽ་ཏ་མ་ནི་གཞན་གྱི་འཁོར་ཁ་འདྲེན་པའི་སྒྱུས་ཁ་འདྲེན་ཏོ་ཞེས་ཡང་དང་ཡང་དུ་ཐོས་ན། དེ་ད་ནི་མངོན་སུམ་དུ་གྱུར་ཏེ། འདི་
D117.051.0283b03.01ལྟར་འཇམ་དཔལ་གཞོན་ནུར་གྱུར་པས་ཁོ་བོའི་འཁོར་ཕྱེ་སྟེ་དགེ་སྦྱོང་གཽ་ཏ་མ་ལ་ཕུལ་ལོ། །དགེ་སྦྱོང་གཽ་ཏ་མས་ཀྱང་ལོག་པའི་གཟུང་བས་བཟུང་སྟེ། དེ་དག་སླར་ཁོ་བོའི་དྲུང་དུ་མི་འོང་། བསྙེན་བཀུར་མི་བྱེད། རྣ་བླགས་ཏེ་མི་ཉན། ཀུན་ཤེས་པར་བྱ་བའི་སེམས་ཉེ་བར་མི་འཇོག་གོ། །
D117.051.0283b04.01དེའི་ཚེ་ཀུན་དུ་རྒྱུ་ཟླ་བ་ཅན་ཞེས་བྱ་བའི་སྣག་གི་གཉེན་མཚམས་ཀུན་དུ་རྒྱུ་རྒྱལ་བའི་བློ་གྲོས་ཞེས་བྱ་བ་འཁོར་དེར་འདུས་ཏེ་འདུག་པར་གྱུར་པ་དེས་གཅེར་བུ་མའི་བུ་བདེན་པ་པོ་ལ་འདི་སྐད་ཅེས་སྨྲས་སོ། །གཅེར་བུ་མའི་བུ་བདེན་པ་པོ་བཅོམ་ལྡན་འདས་དང་། བཅོམ་ལྡན་འདས་ཀྱི་
D117.051.0283b05.01ཉན་ཐོས་རྣམས་དང་། འཇམ་དཔལ་གཞོན་ནུར་གྱུར་པ་ལ་མ་དད་པར་མ་བྱེད་ཅིག །ཁྱོད་ལ་ཡུན་རིང་པོར་དོན་མེད་པ་དང་། མི་ཕན་པ་དང་། སྡུག་བསྔལ་བ་དང་། རྣམ་པར་ལྟུང་བར་གྱུར་ཏ་རེ། གཅེར་བུ་པ་འདི་ལྟ་སྟེ་ངས་དཔེ་བྱ་བར་སྤོབས་སོ། །གཅེར་བུ་པ་འདི་ལྟ་སྟེ་དཔེར་
D117.051.0283b06.01ན་སྐྱེས་བུ་བྱིས་པའི་རང་བཞིན་ཅན། ཤེས་རབ་འཆལ་པའི་རང་བཞིན་ཅན་ལ་ལ་ཞིག་མར་གྱི་ཉིང་ཁུ་འདོད་ཅིང་མར་ཚོལ་ལ་དེས་ཆུ་བུམ་པའི་ནང་དུ་བླུགས་ཏེ་བསྲུབས་ནས་དེ་ཇི་ཙམ་ན་དོན་མེད་པ་དང་ཆད་པའི་སྐལ་བ་ཅན་དུ་གྱུར་ཀྱང་དེའི་རྒྱུས་མར་རམ་མར་གྱི་ཉིང་ཁུ་ནི་མི་རྙེད་དོ། །
D117.051.0283b07.01