完整藏文原文 · 德格版页 当前仅加载第 51 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་ས་ཆེན་པོ་ཐམས་ཅད་ཀྱི་ནང་ན་དམའ་བའི་ས་ཕྱོགས་དེར་དང་པོར་གནས་ཏེ། དེ་ནས་འབབ་ཆུའི་རྒྱུན་ཐམས་ཅད་ཚེགས་ཆུང་ངུས་དེར་མངོན་དུ་འབབ་པར་འགྱུར་རོ། །འཇམ་དཔལ་དེ་བཞིན་དུ་ང་རྒྱལ་མེད་པའི་བྱང་ཆུབ་སེམས་དཔའ་དེ་ལ་ཚེགས་ཆུང་
D117.051.0256a01.01ངུས་སངས་རྒྱས་ཀྱི་ཆོས་ཐམས་ཅད་ཐམས་ཅད་དུ་མངོན་སུམ་དུ་འགྱུར་རོ། །འཇམ་དཔལ་འདི་ལྟ་སྟེ། དཔེར་ན་ནོར་བུ་རིན་པོ་ཆེ་རྡོ་རྗེས་ནོར་བུ་རིན་པོ་ཆེ་ཐམས་ཅད་འབིགས་མོད་ཀྱི། ནོར་བུ་རིན་པོ་ཆེ་རྡོ་རྗེ་དེ་ནི་དེ་དག་གིས་མི་ཕིགས་སོ། །འཇམ་དཔལ་དེ་བཞིན་དུ་བྱང་ཆུབ་
D117.051.0256a02.01སེམས་དཔའ་ཉན་ཐོས་དང་། རང་སངས་རྒྱས་རྣམས་འདུལ་མོད་ཀྱི་དེ་དག་གི་གདུལ་བ་དེར་ཡང་མི་ལྟུང་ངོ་། །འཇམ་དཔལ་འདི་ལྟ་སྟེ། དཔེར་ན་མེ་ཏོག་མན་དཱ་ར་བ་རླུང་གིས་བསྐྱོད་ན་དཔག་ཚད་བརྒྱ་ཁོ་ར་ཁོར་ཡུག་ཏུ་དྲིས་ཁྱབ་བོ། །འཇམ་དཔལ་དེ་བཞིན་དུ་བྱང་ཆུབ་
D117.051.0256a03.01སེམས་དཔའ་འཕགས་པའི་ཡེ་ཤེས་ཀྱིས་བསྐྱོད་པ་ཡང་སེམས་ཅན་ཐམས་ཅད་ལ་བྱམས་པ་ཆེན་པོ་དང་། སྙིང་རྗེ་ཆེན་པོའི་དྲིས་ཁྱབ་པར་བྱེད་དོ། །འཇམ་དཔལ་འདི་ལྟ་སྟེ། དཔེར་ན་གང་དག་མེ་ཏོག་མན་དཱ་ར་བའི་དྲི་སྣོམ་པ་དེ་དག་ནི་ནད་ཐམས་ཅད་ཀྱིས་མི་འདེབས་སོ། །
D117.051.0256a04.01འཇམ་དཔལ་དེ་བཞིན་དུ་གང་དག་བྱང་ཆུབ་སེམས་དཔའི་བྱམས་པ་ཆེན་པོ་དང་སྙིང་རྗེ་ཆེན་པོའི་དྲི་སྣོམ་པ་དེ་དག་ཉོན་མོངས་པའི་ནད་ཐམས་ཅད་ཀྱིས་མི་ཚུགས་པར་འགྱུར་རོ། །འཇམ་དཔལ་འདི་ལྟ་སྟེ། དཔེར་ན་སངས་རྒྱས་འབྱུང་བ་མེད་ན་ཨུ་དུམ་བཱ་རའི་མེ་ཏོག་མི་འབྱུང་
D117.051.0256a05.01ངོ་། །འཇམ་དཔལ་དེ་བཞིན་དུ་བྱང་ཆུབ་ཏུ་སེམས་བསྐྱེད་པ་མེད་ན་སངས་རྒྱས་ཀྱི་ཆོས་རྣམས་ཀྱི་མེ་ཏོག་ཀྱང་མི་འབྱུང་ངོ་། །འཇམ་དཔལ་འདི་ལྟ་སྟེ། དཔེར་ན་ནམ་ཀླུའི་རྒྱལ་པོ་མ་དྲོས་པ་ཆར་འབེབས་པ་དེའི་ཚེ། འཛམ་བུའི་གླིང་ཐམས་ཅད་ཁྱབ་པར་ཆར་འབེབས་སོ། །
D117.051.0256a06.01འཇམ་དཔལ་དེ་བཞིན་དུ་ནམ་བྱང་ཆུབ་སེམས་དཔའ་དམ་པའི་ཆོས་ཀྱི་ཆར་འབེབས་པ་དེའི་ཚེ་སེམས་ཅན་ཐམས་ཅད་ཀྱི་སེམས་ཀྱི་རྒྱུད་ལ་མཉམ་པར་འབེབས་སོ། །འཇམ་དཔལ་འདི་ལྟ་སྟེ། དཔེར་ན་མཚོ་ཆེན་པོ་མ་དྲོས་པ་ལས་ཀླུང་གི་རྒྱུན་བཞི་འབབ་སྟེ། རྒྱ་མཚོ་ཆེན་
D117.051.0256a07.01