完整藏文原文 · 德格版页 当前仅加载第 51 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་འོད་ཀྱི་ཏོག་དེས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་དེ་བཞིན་གཤེགས་པ་ལ་དེ་ལྟར་བལྟ་བར་བྱའོ། །དེ་ལྟར་ཕྱག་བྱའོ། །དེ་ལྟར་བསྙེན་བཀུར་བྱའོ། །དེ་ལྟར་ཡོངས་སུ་ཞུ་བར་བྱའོ། །
D117.051.0261a01.01དེ་ལྟར་ཡོངས་སུ་ལེགས་པར་ཞུ་བར་བྱའོ་ཞེས་སྨྲས་པ་དེ་ནི་ཁྱོད་ཀྱིས་ལེགས་པར་བཤད་དེ་ལེགས་སོ་ལེགས་སོ། །དེ་ནས་འཇམ་དཔལ་གཞོན་ནུར་གྱུར་པས་ཉན་ཐོས་ཆེན་པོ་ཤེས་རབ་སྒྲོན་མ་ལ་འདི་སྐད་ཅེས་སྨྲས་སོ། །ཚེ་དང་ལྡན་པས་དེ་བཞིན་གཤེགས་པ་ལ་
D117.051.0261a02.01ཇི་ལྟར་མཐོང་། ཇི་ལྟར་ཕྱག་འཚལ། ཇི་ལྟར་བསྙེན་བཀུར་བྱེད། ཇི་ལྟར་ཡོངས་སུ་ཞུ། ཇི་ལྟར་ཡོངས་སུ་ལེགས་པར་ཞུ། དེས་སྨྲས་པ། འཇམ་དཔལ་བསྟན་པ་འདི་ལྟ་བུ་ནི་ཁོ་བོ་ཅག་ལྟ་བུ་ཉན་ཐོས་གཞན་གྱི་སྒྲའི་རྗེས་སུ་མོས་པ་རྣམས་ཀྱི་ཡུལ་མ་ཡིན་ནོ། །
D117.051.0261a03.01སྨྲས་པ། འོ་ན་གང་མངོན་པར་རྟོགས་པས་ཚེ་དང་ལྡན་པ་ཤེས་རབ་སྒྲོན་མའི་སེམས་རྣམ་པར་གྲོལ། སྨྲས་པ། འཇམ་དཔལ་བདེན་པ་མངོན་པར་རྟོགས་པས་སེམས་རྣམ་པར་གྲོལ་ལོ། །སྨྲས་པ། ཚེ་དང་ལྡན་པ་བདེན་པ་ཞེས་བྱ་བས་ཅི་བསྟན་པར་འགྱུར། དེས་
D117.051.0261a04.01སྨྲས་པ། འཇམ་དཔལ་གཉེན་པོ་མེད་པས་རབ་ཏུ་ཕྱེ་བ་ནི་བདེན་པའོ། །སྨྲས་པ། འོ་ན་ཇི་ལྟར་བདེན་པ་མངོན་པར་རྟོགས་པས་ཚེ་དང་ལྡན་པའི་སེམས་རྣམ་པར་གྲོལ། སྨྲས་པ། འཇམ་དཔལ་ཀུན་རྫོབ་ཉེ་བར་བཟུང་སྟེ་དེ་སྐད་ཅེས་སྟོན་གྱི་དོན་དམ་པར་ནི་མ་ཡིན་
D117.051.0261a05.01ནོ། །སྨྲས་པ། ཅི་ཀུན་རྫོབ་དོན་དམ་པར་འདུའམ། སྨྲས་པ། གལ་ཏེ་མི་འདུ་ན་དོན་དམ་པ་མེད་པར་འགྱུར་རོ། །སྨྲས་པ། འོ་ན་ཇི་ལྟར་ཀུན་རྫོབ་ཉེ་བར་བཟུང་སྟེ་སྟོན་གྱི། དོན་དམ་པར་ནི་མ་ཡིན། གལ་ཏེ་ཀུན་རྫོབ་དོན་དམ་པར་འདུ་ན་ནི་འདི་ལྟ་སྟེ། དོན་དམ་
D117.051.0261a06.01པའི་བདེན་པར་བདེན་པ་གཅིག་པུར་མི་འགྱུར་རམ། སྨྲས་པ། འཇམ་དཔལ་བཤད་པ་འདི་ཐོས་ན་ལས་དང་པོ་པའི་བྱང་ཆུབ་སེམས་དཔའ་རྣམས་སྐྲག་པར་འགྱུར་རོ། །སྨྲས་པ། བཙུན་པ་ཉིད་ཀྱང་སྐྲག་ན་ལས་དང་པོ་པའི་བྱང་ཆུབ་སེམས་དཔའ་རྣམས་ལྟ་ཅི་སྨོས།
D117.051.0261a07.01