完整藏文原文 · 德格版页 当前仅加载第 51 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡུམ་བུའི་འཁོར་གྱི་ཁྱམས་ག་ལ་བ་དང་། བཅོམ་ལྡན་འདས་ག་ལ་བ་དེར་དོང་ནས་ལྷགས་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །གཞན་མུ་སྟེགས་ཅན་གྱི་འཁོར་དེ་དག་གིས་ཀྱང་མེ་ཏོག་མན་དཱ་ར་བ་
D117.051.0279b01.01དེ་དག་གིས་བཅོམ་ལྡན་འདས་ལ་མཆོད་པ་བྱས་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འཁོད་དོ། །དེ་ནས་འཇམ་དཔལ་གཞོན་ནུར་གྱུར་པའི་བྱིན་གྱི་རླབས་ཀྱིས་སྤྲུལ་པ་ལྔ་བརྒྱ་པོ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D117.051.0279b02.01བཅོམ་ལྡན་འདས་དེ་བཞིན་གཤེགས་པ་ནི་ཆོས་ཀྱི་སྐུ་སྟེ། བདག་ཅག་སངས་རྒྱས་ལ་བལྟ་བ་དོན་དུ་མི་གཉེར་རོ། །བཅོམ་ལྡན་འདས་ཆོས་ནི་བརྗོད་དུ་མ་མཆིས་པ་སྟེ། བདག་ཅག་བཅོམ་ལྡན་འདས་ཀྱི་ཆོས་ཉན་པ་དོན་དུ་མི་གཉེར་རོ། །བཅོམ་ལྡན་འདས་བཅོམ་
D117.051.0279b03.01ལྡན་འདས་ཀྱི་ཉན་ཐོས་ཀྱི་དགེ་འདུན་ནི་འདུས་མ་བྱས་ཀྱིས་རབ་ཏུ་ཕྱེ་བ་སྟེ། བདག་ཅག་དགེ་འདུན་ལ་བསྙེན་བཀུར་བགྱིད་པ་དོན་དུ་མི་གཉེར་རོ། །བཅོམ་ལྡན་འདས་ཆོས་ཀྱི་དབྱིངས་ནི་ཡོན་ཏན་དང་ཕན་ཡོན་མ་མཆིས་པ་སྟེ། བདག་ཅག་ཡོན་ཏན་དོན་དུ་མི་
D117.051.0279b04.01གཉེར་རོ། །བཅོམ་ལྡན་འདས་ཆོས་ཐམས་ཅད་ནི་ཤིན་ཏུ་མ་བྱུང་བ་སྟེ། བདག་ཅག་འབྱུང་བ་དོན་དུ་མི་གཉེར་རོ། །བཅོམ་ལྡན་འདས་རྣམ་པར་གྲོལ་བ་ནི་ལོ་མ་དང་། མེ་ཏོག་དང་། འབྲས་བུ་དང་བྲལ་བ་སྟེ། བདག་ཅག་ཐོབ་པ་དོན་དུ་མི་གཉེར་རོ། །
D117.051.0279b05.01བཅོམ་ལྡན་འདས་ཡོངས་སུ་ཤེས་པ་ནི་གཉིས་དང་བྲལ་བ་སྟེ། བདག་ཅག་སྡུག་བསྔལ་ཡོངས་སུ་འཚལ་བ་དོན་དུ་མི་གཉེར་རོ། །བཅོམ་ལྡན་འདས་ཆོས་ཐམས་ཅད་ནི་ཤིན་ཏུ་མ་བྱུང་བ་སྟེ། བདག་ཅག་ཀུན་འབྱུང་སྤོང་བ་དོན་དུ་མི་གཉེར་རོ། །བཅོམ་
D117.051.0279b06.01ལྡན་འདས་ཆོས་ཐམས་ཅད་ནི་ཤིན་ཏུ་འགགས་པ་སྟེ། བདག་ཅག་འགོག་པ་མངོན་དུ་བགྱི་བ་དོན་དུ་མི་གཉེར་རོ། །བཅོམ་ལྡན་འདས་ལམ་ནི་མཆིས་པ་དང་། མ་མཆིས་པ་དང་བྲལ་བ་སྟེ། བདག་ཅག་ལམ་བསྒོམ་པ་དོན་དུ་མི་གཉེར་རོ། །བཅོམ་ལྡན་
D117.051.0279b07.01