完整藏文原文 · 德格版页 当前仅加载第 51 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
མདུན་དུ་སོང་ངོ་། །དེ་ནས་ལྷའི་བུ་དབང་སྒྱུར་ལྷའི་བུ་ཁྲི་ཉིས་སྟོང་གིས་ཡོངས་སུ་བསྐོར་ཅིང་མདུན་དུ་བདར་ཏེ་འཇམ་དཔལ་གཞོན་ནུར་གྱུར་པ་ག་ལ་བ་དེར་དོང་ནས་ལྷགས་པ་དང་། འཇམ་དཔལ་གཞོན་ནུར་གྱུར་པའི་རྐང་པ་གཉིས་ལ་མགོ་བོས་ཕྱག་
D117.051.0268a01.01འཚལ་ནས་བདུད་སྡིག་ཅན་ལ་འདི་སྐད་ཅེས་སྨྲས་སོ། །སྡིག་ཅན་བྲན་བཞིན་དུ་འཇམ་དཔལ་གཞོན་ནུར་གྱུར་པའི་ལྷུང་བཟེད་ཁྱེར་ཏེ་མདུན་དུ་འགྲོ་བ་འདི་ཅི་ཞིག །བདུད་ཀྱིས་སྨྲས་པ། ལྷའི་བུ་མཐུ་དང་ལྡན་པ་རྣམས་དང་འགྲན་པ་ཅིའང་མེད་དོ། །ལྷའི་བུས་སྨྲས་པ། སྡིག་
D117.051.0268a02.01ཅན་ཁྱོད་ཀྱང་རྫུ་འཕྲུལ་ཆེ་བ་མཐུ་ཆེན་པོ་དང་ལྡན་པའོ། །དེ་ནས་འཇམ་དཔལ་གཞོན་ནུར་གྱུར་པའི་བྱིན་གྱི་རླབས་ཀྱིས་བདུད་སྡིག་ཅན་གྱིས་ལྷའི་བུ་དབང་སྒྱུར་ལ་འདི་སྐད་ཅེས་སྨྲས་སོ། །ལྷའི་བུ་འདི་ལྟ་སྟེ། བདུད་ཀྱི་སྟོབས་ནི་གཏི་མུག་གི་སྟོབས་སོ། །བྱང་ཆུབ་སེམས་དཔའི་
D117.051.0268a03.01སྟོབས་ནི་ཤེས་རབ་ཀྱི་སྟོབས་སོ། །བདུད་ཀྱི་སྟོབས་ནི་ང་རྒྱལ་གྱི་སྟོབས་སོ། །བྱང་ཆུབ་སེམས་དཔའི་སྟོབས་ནི་ཡེ་ཤེས་ཀྱི་སྟོབས་སོ། །བདུད་ཀྱི་སྟོབས་ནི་ལྟ་བ་འབྱུང་བའི་སྟོབས་སོ། །བྱང་ཆུབ་སེམས་དཔའི་སྟོབས་ནི་སྟོང་པ་ཉིད་ཀྱི་སྟོབས་སོ། །བདུད་ཀྱི་སྟོབས་
D117.051.0268a04.01ནི་ཕྱིན་ཅི་ལོག་གི་སྟོབས་སོ། །བྱང་ཆུབ་སེམས་དཔའི་སྟོབས་ནི་བདེན་པའི་སྟོབས་སོ། །བདུད་ཀྱི་སྟོབས་ནི་ང་དང་ངའི་ཞེས་བྱ་བའི་སྟོབས་སོ། །བྱང་ཆུབ་སེམས་དཔའི་སྟོབས་ནི་བྱམས་པ་ཆེན་པོ་དང་སྙིང་རྗེ་ཆེན་པོའི་སྟོབས་སོ། །བདུད་ཀྱི་སྟོབས་ནི་འདོད་ཆགས་དང་
D117.051.0268a05.01ཞེ་སྡང་དང་གཏི་མུག་གི་སྟོབས་སོ། །བྱང་ཆུབ་སེམས་དཔའི་སྟོབས་ནི་རྣམ་པར་ཐར་པའི་སྒོ་གསུམ་གྱི་སྟོབས་སོ། །བདུད་ཀྱི་སྟོབས་ནི་སྐྱེ་བ་དང་འཆི་བ་དང་། འབྱུང་བའི་སྟོབས་སོ། །བྱང་ཆུབ་སེམས་དཔའི་སྟོབས་ནི་སྐྱེ་བ་མེད་པ་དང་། འབྱུང་བ་མེད་པའི་ཆོས་ལ་
D117.051.0268a06.01བཟོད་པ་རབ་ཏུ་ཐོབ་པའི་སྟོབས་སོ། །བདུད་སྡིག་ཅན་གྱིས་བསྟན་པ་འདི་བཤད་པའི་ཚེ་ལྷའི་བུའི་འཁོར་དེ་ལས་ལྷའི་བུ་ལྔ་བརྒྱ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །བྱང་ཆུབ་སེམས་དཔའ་ཉིས་བརྒྱས་མི་སྐྱེ་བའི་ཆོས་ལ་བཟོད་པ་ཐོབ་པར་
D117.051.0268a07.01