完整藏文原文 · 德格版页 当前仅加载第 51 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། འཇམ་དཔལ་ཁོ་བོ་སྐྲག་པར་བྱེད་མི་ནུས་སོ། །སྨྲས་པ། ཚེ་དང་ལྡན་པ་ཅི་སྐྲག་པ་མེད་པ་དང་། སྐྱོ་བ་མེད་པས་ཉེ་བར་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལམ། སྨྲས་པ། འཇམ་དཔལ་ཉན་ཐོས་རྣམས་ནི་སྐྲག་པ་མེད་པ་
D117.051.0261b01.01དང་། སྐྱོ་བ་མེད་པར་རྣམ་པར་མི་གྲོལ་ལོ། །སྨྲས་པ། ཚེ་དང་ལྡན་པ་དེ་བས་ན་སྔོན་སྐྲག་པ་དེ་ཉིད་ལ་བསམས་ནས་བཙུན་པ་ཉིད་ཀྱང་སྐྲག་ན་ལས་དང་པོ་པའི་བྱང་ཆུབ་སེམས་དཔའ་རྣམས་ལྟ་ཅི་སྨོས་ཞེས་དེ་སྐད་སྨྲས་སོ། །སྨྲས་པ། འཇམ་དཔལ་བྱང་ཆུབ་
D117.051.0261b02.01སེམས་དཔའ་ཇི་ལྟར་རྣམ་པར་གྲོལ། སྨྲས་པ། བཙུན་པ་བྱང་ཆུབ་སེམས་དཔའ་ནི་སྐྲག་པ་མེད་པ་དང་། སྐྱོ་བ་མེད་པས་རྣམ་པར་གྲོལ་ལོ། །སྨྲས་པ། འཇམ་དཔལ་ཇི་ལ་བསམས་ཏེ་དེ་སྐད་སྨྲ། སྨྲས་པ། བདུད་ཀྱི་སྡེ་བྱེ་བ་ཕྲག་བརྒྱས་མི་སྐྲག་ཅིང་
D117.051.0261b03.01སེམས་ཅན་རྣམས་ལ་ཆོས་བཤད་པས་མི་སྐྱོ་ལ། བསོད་ནམས་ཀྱི་ཚོགས་ཚད་མེད་པ་བསགས་པས་མི་སྐྲག་ཅིང་ཡེ་ཤེས་ཀྱི་ཚོགས་ཚད་མེད་པ་བསགས་པས་མི་སྐྱོའོ། །དེ་ནས་འཁོར་དེར་ལྷའི་བུ་གང་དག་འདུས་པར་གྱུར་པ་དེ་དག་གིས་མེ་ཏོག་སྣ་ཚོགས་ཀྱིས་
D117.051.0261b04.01འཇམ་དཔལ་གཞོན་ནུར་གྱུར་པ་ལ་གཏོར་ཏོ། །གང་ན་འཇམ་དཔལ་གཞོན་ནུར་གྱུར་པ་སྣང་བ་དེར་ནི་དེ་བཞིན་གཤེགས་པ་མངོན་སུམ་དུ་མཐོང་བ་ཡིན་ནོ། །འཇམ་དཔལ་གཞོན་ནུར་གྱུར་པ་གང་དུ་གནས་པའི་ས་ཕྱོགས་དེའང་མཆོད་རྟེན་དུ་འགྱུར་རོ། །གང་
D117.051.0261b05.01གིས་འཇམ་དཔལ་གཞོན་ནུར་གྱུར་པའི་ཆོས་བསྟན་པ་ཀུན་དུ་ཤེས་སམ། ཀུན་དུ་ཤེས་པར་འགྱུར་བའི་སེམས་ཅན་དེ་དག་གིས་ཀྱང་བསོད་ནམས་ཐམས་ཅད་ཡོངས་སུ་བཟུང་བ་ཡིན་ནོ་ཞེས་དེ་སྐད་ཀྱི་ཚིག་སྨྲས་སོ། །དེ་ནས་ཡང་འཇམ་དཔལ་གཞོན་ནུར་གྱུར་པས་
D117.051.0261b06.01ཉན་ཐོས་ཆེན་པོ་ཤེས་རབ་སྒྲོན་མ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཉན་ཐོས་རྣམས་ཀྱི་ནང་ན་ཤེས་རབ་ཆེ་བའི་མཆོག་ཏུ་བཅོམ་ལྡན་འདས་ཀྱིས་གསུངས་ན། ཅི་ཤེས་རབ་དེ་འདུས་བྱས་ཀྱི་མཚན་ཉིད་དམ་འོན་ཏེ་འདུས་མ་བྱས་ཀྱི་མཚན་ཉིད། གལ་ཏེ་དེ་འདུས་
D117.051.0261b07.01