完整藏文原文 · 德格版页 当前仅加载第 51 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
ཅུང་ཟད་ཀྱང་མེད་དོ། །བཙུན་པ་རབ་འབྱོར་དེ་བཞིན་དུ་ཚུལ་བཞིན་མ་ཡིན་པ་ཡིད་ལ་བྱེད་པས་བསྲོས་པའི་སེམས་ལ་ནི་མི་ཤེས་པ་ཞེས་བསྟན་ཏོ། །ཚུལ་བཞིན་ཡིད་ལ་བྱེད་པ་ལ་ནི་ཤེས་པ་ཞེས་བསྟན་ཏེ། དེ་ལ་ནང་གི་བྱེད་པའི་སྐྱེས་བུ་དེའི་ཤེས་པའམ། མི་ཤེས་པར་
D117.051.0251b01.01བསྟན་པ་ནི་གང་ཡང་མེད་དོ། །རབ་འབྱོར་གྱིས་སྨྲས་པ། འཇམ་དཔལ་དོན་དེ་ནི་རྟོགས་པར་དཀའ་བའོ། །འཇམ་དཔལ་གྱིས་སྨྲས་པ། བཙུན་པ་རབ་འབྱོར་གཉིས་ལ་སྤྱོད་པ་རྣམས་ཀྱིས་སོ། །རབ་འབྱོར་གྱིས་སྨྲས་པ། འཇམ་དཔལ་དོན་དེ་ནི་མཐོང་བར་དཀའོ། །
D117.051.0251b02.01འཇམ་དཔལ་གྱིས་སྨྲས་པ། བཙུན་པ་རབ་འབྱོར་ཤེས་རབ་ཀྱི་མིག་དང་བྲལ་བ་རྣམས་ཀྱིས་སོ། །རབ་འབྱོར་གྱིས་སྨྲས་པ། འཇམ་དཔལ་དོན་དེ་ནི་གཏིང་དཔག་དཀའ་བའོ། །འཇམ་དཔལ་གྱིས་སྨྲས་པ། བཙུན་པ་རབ་འབྱོར་གཏིང་མ་རྙེད་པ་རྣམས་ཀྱིས་སོ། །རབ་
D117.051.0251b03.01འབྱོར་གྱིས་སྨྲས་པ། འཇམ་དཔལ་དོན་དེ་ནི་ཤེས་པར་དཀའ་བའོ། །འཇམ་དཔལ་གྱིས་སྨྲས་པ། བཙུན་པ་རབ་འབྱོར་ལྷག་པའི་ང་རྒྱལ་ཅན་རྣམས་ཀྱིས་སོ། །རབ་འབྱོར་གྱིས་སྨྲས་པ། འཇམ་དཔལ་དོན་དེ་ནི་གོ་བར་དཀའ་བའོ། །འཇམ་དཔལ་གྱིས་སྨྲས་
D117.051.0251b04.01པ། བཙུན་པ་རབ་འབྱོར་བྱང་ཆུབ་ཀྱི་ཡན་ལག་དང་བྲལ་བ་རྣམས་ཀྱིས་སོ། །རབ་འབྱོར་གྱིས་སྨྲས་པ། འཇམ་དཔལ་དོན་དེ་ནི་མོས་པར་དཀའ་བའོ། །འཇམ་དཔལ་གྱིས་སྨྲས་པ། བཙུན་པ་རབ་འབྱོར་ཀུན་གཞི་ལ་དགའ་བ་རྣམས་ཀྱིས་སོ། །རབ་འབྱོར་གྱིས་
D117.051.0251b05.01སྨྲས་པ། འཇམ་དཔལ་དོན་དེ་ནི་བརྟག་མི་ནུས་པའོ། །འཇམ་དཔལ་གྱིས་སྨྲས་པ། འདི་ལྟར་དེར་མཚན་མ་ཀུན་དུ་མི་འབྱུང་ངོ་། །རབ་འབྱོར་གྱིས་སྨྲས་པ། འཇམ་དཔལ་དོན་དེ་ནི་རྟོག་གེའི་སྤྱོད་པ་ཅན་མ་ཡིན་པའོ། །འཇམ་དཔལ་གྱིས་སྨྲས་པ། འདི་
D117.051.0251b06.01ལྟར་དེ་ལ་སོ་སོར་རྣམ་པར་རིག་པ་མེད་དོ། །རབ་འབྱོར་གྱིས་སྨྲས་པ། འཇམ་དཔལ་དོན་དེ་ནི་མཆོག་ཏུ་འཕགས་པའོ། །འཇམ་དཔལ་གྱིས་སྨྲས་པ། འདི་ལྟར་དེ་ནི་བསྔོ་བའི་འདུ་ཤེས་དང་བྲལ་བའོ། །རབ་འབྱོར་གྱིས་སྨྲས་པ། འཇམ་དཔལ་དོན་དེ་
D117.051.0251b07.01