完整藏文原文 · 德格版页 当前仅加载第 51 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྲིན་ཆེན་པོ་ཞིག་བྱུང་སྟེ། དེ་ལ་ཉིན་ཞག་བདུན་དུ་རྒྱུན་མ་ཆད་པར་དུས་མ་ཡིན་པའི་ཆར་ཆེན་པོ་བབ་བོ། །དེ་ན་དགེ་སློང་གང་དག་རྫུ་འཕྲུལ་ཆེ་བ། མཐུ་ཆེ་བ་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་
D117.051.0266a01.01ཐོབ་པ་དེ་དག་ནི་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པས་དུས་འདའ་བར་བྱས་ཀྱི། གང་དག་མ་ཐོབ་པ་དེ་དག་ནི་ཉིན་ཞག་བདུན་དུ་ཟས་ཆད་པར་གྱུར་ཏོ། །དེ་ནས་དགེ་སློང་དེ་དག་ཉམ་ཆུང་བ་དང་ལྡན་ཏེ། བཅོམ་
D117.051.0266a02.01ལྡན་འདས་བལྟ་བའི་ཕྱིར་འདོང་ཡང་མ་ནུས་ནས་དེ་ལ་ཁོ་བོ་འདི་སྙམ་དུ་གྱུར་ཏེ། ཨེ་མའོ་དགེ་སློང་འདི་དག་ནི་རྗུད་པར་གྱུར་ན་བདག་བཅོམ་ལྡན་འདས་ཀྱི་དྲུང་དུ་སོང་སྟེ། ཚུལ་དེ་དག་བཅོམ་ལྡན་འདས་ལ་གསོལ་ལོ་སྙམ་དུ་གྱུར་ནས། ཁོ་བོ་བཅོམ་ལྡན་འདས་ག་ལ་
D117.051.0266a03.01བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཨེ་མའོ་དགེ་སློང་འདི་དག་ཉིན་ཞག་བདུན་དུ་འཚལ་མ་ཆད་དེ་བཀྲེས་པས་ཉམ་ཆུང་བ་དང་ལྡན་ནས་
D117.051.0266a04.01རྗུད་དེ། ཁྲི་དང་ཁྲིའུ་ལས་ལྡང་བ་དང་། བཅོམ་ལྡན་འདས་བལྟ་བའི་སླད་དུ་མཆི་བའི་རྔོ་ཡང་མི་ཐོགས་སོ། །དེ་ནས་བཅོམ་ལྡན་འདས་ཀྱིས་ཁོ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་སོང་སྟེ་འཇམ་དཔལ་གཞོན་ནུར་གྱུར་པ་ལ་ཚུལ་དེ་དག་སྨྲོས་ཤིག་དང་།
D117.051.0266a05.01དེས་དགེ་སློང་གི་དགེ་འདུན་རྟས་པར་བྱེད་པར་འགྱུར་རོ། །ཁོ་བོས་བཅོམ་ལྡན་འདས་ཀྱི་ལྟར་མཉན་ནས་འཇམ་དཔལ་གཞོན་ནུར་གྱུར་པའི་གནས་ཁང་ག་ལ་བ་དེར་སོང་སྟེ་ཕྱིན་པ་དང་། དེའི་ཚེ་འཇམ་དཔལ་གཞོན་ནུར་གྱུར་པ་རང་གི་གནས་ཁང་ན་བརྒྱ་བྱིན་དང་། ཚངས་
D117.051.0266a06.01པ་དང་། འཇིག་རྟེན་སྐྱོང་བ་རྣམས་ལ་ཆོས་སྟོན་པ་མཐོང་ངོ་། །འཇམ་དཔལ་གཞོན་ནུར་གྱུར་པ་དེས་ཀྱང་ཁོ་བོ་གནས་ཁང་གི་ནང་དུ་འོངས་པ་མཐོང་སྟེ། མཐོང་ནས་འདི་སྐད་ཅེས་ཟེར་རོ། །བཙུན་པ་ཀུན་དགའ་བོ་ཁྱོད་ཅིའི་ཕྱིར་རླུང་དང་ཆར་གྱི་ནང་ན་འདིར་འོངས། ཁོ་
D117.051.0266a07.01