完整藏文原文 · 德格版页 当前仅加载第 51 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་གང་བར་མཐོང་སྟེ། མེའི་ཕུང་པོ་དེ་ལས་རྒལ་བར་མ་ནུས་སོ། །དེ་དག་རྫུ་འཕྲུལ་གྱི་སྟོབས་ཀྱིས་སྟེང་གི་བར་སྣང་ལ་དོང་བ་དང་། ལྕགས་ཀྱི་དྲ་བས་ནམ་མཁའི་དཀྱིལ་ཐམས་ཅད་ཡོག་པར་མཐོང་ངོ་། །འོག་ཏུ་བལྟས་ན་ཡང་ཆུའི་ཕུང་པོ་ཆེན་པོ་
D117.051.0282a01.01མཐོང་སྟེ། དེ་དག་ཕྱོགས་བསླད་ཅིང་སྤུའི་ཁུང་བུ་ཟིང་ཞེས་བྱེད་པར་གྱུར་ནས། རྒྱལ་བུ་རྒྱལ་བྱེད་ཀྱི་ཚལ་གྱི་ལམ་དུ་བལྟས་ན་མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོས་ཡོག་ཅིང་། ལམ་དེ་ནས་སྐྱེ་བོའི་ཚོགས་མང་པོ་དག་བཅོམ་ལྡན་འདས་ལས་
D117.051.0282a02.01ཆོས་མཉན་པའི་ཕྱིར་དོང་བ་མཐོང་ངོ་། །མཐོང་ནས་དེ་ནས་དེ་དག་ཀྱང་ཕྱིར་ལོག་སྟེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དང་། སྨྱིག་མའི་ལྡུམ་བུའི་འཁོར་གྱི་ཁྱམས་ག་ལ་བ་དང་། བཅོམ་ལྡན་འདས་ག་ལ་བ་དེར་དོང་སྟེ་ལྷགས་པ་དང་། བཅོམ་
D117.051.0282a03.01ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་པ་དང་། དེ་དག་ལ་ཁོ་བོས་འདི་སྐད་ཅེས་སྨྲས་སོ། །ཚེ་དང་ལྡན་པ་དག་གར་དོང་དོང་། གང་ནས་འོངས།
D117.051.0282a04.01དེ་དག་གིས་སྨྲས་པ། ཚེ་དང་ལྡན་པ་གང་པོ་ཁོ་བོ་ཅག་ནི་དགྲ་བཅོམ་པ་ཟག་པ་ཟད་པ། བསམ་གཏན་ཐོབ་པ། རྫུ་འཕྲུལ་གྱི་རྐང་པའི་ཕ་རོལ་ཏུ་སོན་པ་སྟེ། ཁོ་བོ་ཅག་འཇམ་དཔལ་གཞོན་ནུར་གྱུར་པ་འདི་ལས་མི་འཐུན་པའི་ཆོས་བཤད་པ་ཐོས་ནས་སྟན་ལས་ལངས་ཏེ་དོང་ན། ཁོ་བོ་
D117.051.0282a05.01ཅག་གིས་སངས་རྒྱས་ཀྱི་ཞིང་འདི་ཐམས་ཅད་མེས་ཡོངས་སུ་གང་བར་མཐོང་སྟེ། མེའི་ཕུང་པོ་དེ་ལས་རྒལ་བར་མ་ནུས་སོ། །ཁོ་བོས་བཅོམ་ལྡན་འདས་ལ་ཞུས་པ། དགྲ་བཅོམ་པ་ཟག་པ་ཟད་པའི་ས་དེ་གང་ལགས། དེ་ལ་བཅོམ་ལྡན་འདས་ཀྱིས་ཁོ་བོ་ལ་འདི་སྐད་ཅེས་བཀའ་སྩལ་
D117.051.0282a06.01ཏོ། །གང་པོ་གང་འདོད་ཆགས་དང་། ཞེ་སྡང་དང་། གཏི་མུག་གི་མེ་ལ་སྤྱོད་པས་མེའི་ཕུང་པོ་ལས་འདའ་བ་ནི་གནས་མ་ཡིན་ནོ། །ལྟ་བའི་དྲ་བས་བསྒྲིབས་པས་ལྕགས་ཀྱི་དྲ་བ་བཅད་པ་དང་། སྲེད་པའི་ཆུར་ཞུགས་པས་ཆུའི་ཕུང་པོ་ལས་རྒལ་བ་ནི་གནས་མ་ཡིན་ནོ། །དེ་ཅིའི་ཕྱིར་ཞེ་
D117.051.0282a07.01