完整藏文原文 · 德格版页 当前仅加载第 51 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
མཐུའི་མགྱོགས་པ་ནི་ཚད་མེད་པ་སྟེ་དཔེ་བླང་དུ་སླ་བ་མ་ཡིན་ནོ། །དེ་ལ་ཁོ་བོས་འདི་སྐད་ཅེས་སྨྲས་སོ། །འཇམ་དཔལ་བྱ་ལང་གུ་ལིའི་མགྱོགས་པ་ལྟ་བུར་ནི་ཁོ་བོའི་རྫུ་འཕྲུལ་གྱི་མགྱོགས་པ་བལྟ་བར་བྱའོ། །ཇི་ལྟར་བྱའི་རྒྱལ་པོ་ནམ་མཁའ་ལྡིང་གི་
D117.051.0264a01.01མཐུའི་མགྱོགས་པ་དེ་བས་ཀྱང་བརྒྱ་སྟོང་གིས་ཤིན་ཏུ་ལྷག་པར་ཁྱོད་ཀྱི་རྫུ་འཕྲུལ་མགྱོགས་པར་བལྟའོ། །དེས་སྨྲས་པ། བཙུན་པ་ཤཱ་རིའི་བུ་ཁྱོད་ཀྱི་སེམས་ཀྱི་རྣམ་པར་རྟོག་པ་འཇམ་དཔལ་གཞོན་ནུར་གྱུར་པའི་རྫུ་འཕྲུལ་གང་ཡིན་པ་དང་། བདག་གི་གང་ཡིན་པ་དེ་
D117.051.0264a02.01གཉིས་ནི་མཉམ་མོ་སྙམ་དུ་མ་གྱུར་ཏམ། ཁོ་བོས་དེ་ལ་འདི་སྐད་ཅེས་སྨྲས་སོ། །འཇམ་དཔལ་ཇི་སྐད་སྨྲས་པ་བཞིན་ཏེ། ཁོ་བོ་དེ་སྙམ་དུ་གྱུར་ཏོ། །དེས་སྨྲས་པ། ཅིའི་ཕྱིར་དེ་སྙམ་དུ་གྱུར། ཁོ་བོས་དེ་ལ་འདི་སྐད་ཅེས་སྨྲས་སོ། །ཉན་ཐོས་རྣམས་ནི་བག་ཆགས་ཀྱི་
D117.051.0264a03.01མཚམས་སྦྱོར་བ་མ་བཅད་པའི་ཕྱིར་མི་མཉམ་དུ་ཟིན་ཀྱང་མཉམ་དུ་བདག་ཉིད་ཀྱིས་ཤེས་སོ། །དེས་སྨྲས་པ། བཙུན་པ་ཤཱ་རིའི་བུ་ལེགས་སོ། །ལེགས་སོ། །ཇི་སྐད་སྨྲས་པ་དེ་བཞིན་ནོ། །དེ་ཅིའི་ཕྱིར་ཞེ་ན། བཙུན་པ་ཤཱ་རིའི་བུ་སྔོན་བྱུང་བ་འདས་པའི་དུས་ན་རྒྱ་མཚོ་ཆེན་
D117.051.0264a04.01པོའི་འགྲམ་ན་དྲང་སྲོང་ཆོས་འདོད་ཅེས་བྱ་བ་དང་། ཀུན་བྱིན་ཞེས་བྱ་བ་གཉིས་ཤིག་འཁོད་དེ། དེ་ལ་ཆོས་འདོད་ནི་ལྔ་མངོན་པར་ཤེས་ཤིང་མངོན་པར་ཤེས་པས་རྣམ་པར་རྩེ་བར་གྱུར་ཏོ། །ཀུན་བྱིན་ནི་རིག་པ་དང་སྔགས་ཀྱི་མཐུས་སྟེང་གི་བར་སྣང་ལ་འགྲོ་བར་གྱུར་ཏོ། །
D117.051.0264a05.01དེ་ནས་དེ་གཉིས་དུས་དུས་སུ་སྤྱོད་པའི་ཕྱིར་རྒྱ་མཚོའི་ཚུ་རོལ་ནས་ཕ་རོལ་དུ་འདོང་ངོ་། །དོང་ནས་སླར་ལོག་ཅིང་རང་རང་གི་གནས་སུ་འཁོད་དོ། །དེ་ནས་དྲང་སྲོང་ཀུན་བྱིན་དེ་ཁོ་བོའི་རྫུ་འཕྲུལ་གང་ཡིན་པ་དང་། ཆོས་འདོད་ཀྱི་གང་ཡིན་པ་དེ་གཉིས་ནི་མཉམ་མོ་སྙམ་དུ་གྱུར་ཏོ། །དེ་
D117.051.0264a06.01ནས་དུས་གཞན་ཞིག་ན་རྒྱ་མཚོའི་ཚུ་རོལ་ནས་ཕ་རོལ་དུ་དོང་སྟེ། སྲིན་མོའི་གླིང་དུ་ཕྱིན་པ་དང་། དེར་སྲིན་མོ་དེ་དག་གིས་ཡིད་དུ་འོང་བའི་རོལ་མོའི་སྒྲ་བྱས་པར་གྱུར་པ་ཡང་དྲང་སྲོང་ཀུན་བྱིན་གྱིས་ཐོས། སྲིན་མོ་དེ་དག་ཀྱང་མཐོང་ནས། ནམ་མཁའི་དཀྱིལ་ནས་སའི་སྟེང་དུ་ལྷུང་
D117.051.0264a07.01