完整藏文原文 · 德格版页 当前仅加载第 51 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་བཀའ་སྩལ་པ། འཇམ་དཔལ་ཁྱོད་ལ་མ་དད་པ་ཆེན་པོ་བྱེད་པར་མི་འགྱུར་བར་བདག་ཉིད་ཚངས་པར་བྱོས་ཤིག །རང་གི་སྤྱོད་ཡུལ་སྟོན་ཅིག །ཉན་ཐོས་ཆེན་པོ་རྣམས་མགུ་བར་བྱོས་ཤིག །དེ་ནས་འཇམ་དཔལ་གཞོན་ནུར་
D117.051.0273a01.01གྱུར་པས་དེའི་ཚེ་བྱང་ཆུབ་སེམས་དཔའི་ཏིང་ངེ་འཛིན་སངས་རྒྱས་ཀྱི་ཞིང་ཐམས་ཅད་ཡང་དག་པར་སྟོན་པ་ཞེས་བྱ་བ་ལ་སྙོམས་པར་ཞུགས་སོ། །འཇམ་དཔལ་གཞོན་ནུར་གྱུར་པས་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་དེ་ནས་དེའི་ཚེ་ཕྱོགས་བཅུ་ན་སངས་
D117.051.0273a02.01རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་ན་སྦྱངས་པའི་ཡོན་ཏན་སྨྲ་བའི་དགེ་སློང་འོད་སྲུང་ཆེན་པོ་འདྲ་བ་ཤ་སྟག་འཇམ་དཔལ་གཞོན་ནུར་གྱུར་པ་བསྐྲད་པའི་ཕྱིར་གཎྜཱི་རྡུང་བར་སྣང་བར་གྱུར་ཏོ། །བཅོམ་ལྡན་འདས་ཀྱིས་ཁོ་བོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་
D117.051.0273a03.01ཅིའི་ཕྱིར་གཎྜཱི་རྡུང་། བཅོམ་ལྡན་འདས་ལ་ཁོ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་འཇམ་དཔལ་གཞོན་ནུར་གྱུར་པ་དེ་དབྱར་ཟླ་གསུམ་དུ་བཙུན་མོའི་འཁོར་དུ་གནས་ནས་ཡོངས་སུ་དག་པའི་དགེ་སློང་གི་དགེ་འདུན་དང་ལྷན་ཅིག་དགག་དབྱེ་བགྱིད་པར་
D117.051.0273a04.01འཚལ་ཏེ། དེ་བསྐྲད་པའི་སླད་དུ་བདག་གཎྜཱི་རྡུང་ངོ་། །དེ་ནས་བཅོམ་ལྡན་འདས་ཀྱིས་སྐུ་ཐམས་ཅད་ལས་འོད་ཕྱུང་སྟེ། ཁོ་བོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་ཕྱོགས་བཅུ་ན་ཅི་སྣང་བ་ཇེ་ལྟོས་ཤིག །ཁོ་བོས་དེའི་ཚེ་བལྟས་ན་ཕྱོགས་བཅུ་ན་
D117.051.0273a05.01འཇིག་རྟེན་གྱི་ཁམས་ཚད་མེད་གྲངས་མེད་པ་གང་གཱའི་ཀླུང་གི་བྱེ་མ་སྙེད་ན། གནས་བརྟན་བདག་འདྲ་བ་ཤ་སྟག་འཇམ་དཔལ་གཞོན་ནུར་གྱུར་པ་བསྐྲད་པའི་ཕྱིར་གཎྜཱི་རྡུང་བར་མཐོང་ངོ་། །འཇིག་རྟེན་གྱི་ཁམས་དེ་དག་ཐམས་ཅད་ན་ཡང་འཇམ་དཔལ་གཞོན་
D117.051.0273a06.01ནུར་གྱུར་པ་སངས་རྒྱས་བཅོམ་ལྡན་འདས་དེ་དག་གི་ཞབས་ཀྱི་དྲུང་ན་འདུག་པར་མཐོང་ངོ་། །བཅོམ་ལྡན་འདས་ཀྱིས་ཁོ་བོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་ཆེན་པོ་ཁྱོད་ཅི་འཇམ་དཔལ་གཞོན་ནུར་གྱུར་པ་གང་ངའི་མདུན་ན་འདུག་པ་འདི་འམ། འོན་ཏེ་གང་
D117.051.0273a07.01