完整藏文原文 · 德格版页 当前仅加载第 51 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་འདི་ལྟར་འཇིག་པ་ཇི་ཙམ་ཆུང་ངུ་ལ་ཡང་མི་སྟོད་པ་སྟེ། བདག་ཅག་འདོད་པ་ཆུང་བ་མ་ལགས་སོ། །བཅོམ་ལྡན་འདས་འདི་ལྟར་ཆོས་གང་ཡང་མི་ཚོལ་བ་སྟེ། བདག་ཅག་ནི་ཆོག་ཤེས་པ་མ་ལགས་སོ། །བཅོམ་ལྡན་འདས་འདི་ལྟར་ལུས་དང་། སེམས་ཀྱིས་
D117.051.0280b01.01བརྗོད་པར་མི་བགྱི་བ་སྟེ། བདག་ཅག་དབེན་པ་མ་ལགས་སོ། །བཅོམ་ལྡན་འདས་འདི་ལྟར་ཁམས་གསུམ་དུ་མི་གནས་པ་སྟེ། བདག་ཅག་ཟག་པ་མེད་པ་མ་ལགས་སོ། །བཅོམ་ལྡན་འདས་འདི་ལྟར་གཉིས་པོ་ཡང་དག་པར་རྗེས་སུ་མི་མཐོང་སྟེ། བདག་ཅག་མ་འདྲེས་
D117.051.0280b02.01པ་མ་ལགས་སོ། །བཅོམ་ལྡན་འདས་འདི་ལྟར་ཁམས་གསུམ་ཐམས་ཅད་ནི་རྣལ་འབྱོར་པའི་དགོན་པ་སྟེ། བདག་ཅག་དགོན་པ་དོན་དུ་མི་གཉེར་རོ། །བཅོམ་ལྡན་འདས་འདི་ལྟར་གཉེན་པོ་མ་མཆིས་པས་རྩོད་པ་མ་མཆིས་པ་སྟེ། བདག་ཅག་ཉོན་མོངས་པ་མེད་པར་གནས་པ་
D117.051.0280b03.01མ་ལགས་སོ། །བཅོམ་ལྡན་འདས་འདི་ལྟར་བསོད་སྙོམས་ཀྱི་འདུ་ཤེས་སྤངས་པ་སྟེ། བདག་ཅག་བསོད་སྙོམས་པ་མ་ལགས་སོ། །བཅོམ་ལྡན་འདས་འདི་ལྟར་འཁོར་བ་ཉིད་ཡང་དག་པར་ན་མི་མཐོང་སྟེ། བདག་ཅག་འཁོར་བས་མི་སྐྲག་གོ། །བཅོམ་ལྡན་འདས་འདི་
D117.051.0280b04.01ལྟར་རྟོག་པར་མི་བགྱིད། རྣམ་པར་རྟོག་པར་མི་བགྱིད་དེ། བདག་ཅག་འདོད་ཆགས་དང་། ཞེ་སྡང་དང་། གཏི་མུག་སྤོང་བར་མི་བགྱིད་དོ། །བཅོམ་ལྡན་འདས་འདི་ལྟར་ཆོས་རྣམས་ཀྱི་རང་བཞིན་ཉོན་མོངས་པ་མ་མཆིས་པ་སྟེ། བདག་ཅག་ཉོན་མོངས་པ་སྤོང་བ་ལ་མི་བརྩོན་
D117.051.0280b05.01ནོ། །བཅོམ་ལྡན་འདས་འདི་ལྟར་རང་གི་ལུས་ནི་ལུས་མ་ལགས་པ་སྟེ། བདག་ཅག་རང་གི་ལུས་ལས་མི་གཡོ་བར་བགྱིའོ། །བཅོམ་ལྡན་འདས་འདི་ལྟར་དེ་བཞིན་ཉིད་མི་བསྐྱོད་པའི་མཚན་ཉིད་དེ། བདག་ཅག་ལྟ་བས་བགྱིས་པ་མི་བསྐྱོང་བར་བགྱིའོ། །བཅོམ་ལྡན་འདས་
D117.051.0280b06.01འདི་ལྟར་རྣམ་པར་གྲོལ་བ་ནི་རྟག་པ་དང་། བདེ་བ་དང་། བདག་དང་། གཙང་བའི་ངོ་བོ་ཉིད་དེ། བདག་ཅག་ཕྱིན་ཅི་ལོག་སྤོང་བར་མི་བགྱིད་དོ། །བཅོམ་ལྡན་འདས་འདི་ལྟར་ཚུ་རོལ་ནས་ཕ་རོལ་རྗེས་སུ་མི་མཐོང་བས་བདག་ཅག་ཆུ་བོ་ལས་རྒལ་བར་མི་བགྱིད་དོ། །བཅོམ་ལྡན་འདས་འདི་
D117.051.0280b07.01