完整藏文原文 · 德格版页 当前仅加载第 51 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་བཀོད་པ་ཞེས་བྱ་བར་འགྱུར་རོ། །བཅོམ་ལྡན་འདས་དེའི་དགེ་འདུན་ནི་བྱང་ཆུབ་སེམས་དཔའ་འབའ་ཞིག་སྟེ། བྱང་ཆུབ་སེམས་དཔའ་བྱེ་བ་ཕྲག་དགུ་བཅུ་རྩ་གཉིས་སུ་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་
D117.051.0289a01.01ཐམས་ཅད་ཀྱང་ཕྱིར་མི་ལྡོག་པ། སྤོབས་པ་ཐོགས་པ་མེད་པ། ཚིག་དབྱེ་བ་ལ་མཁས་པ་ཤ་སྟག་གོ། །དེ་བཞིན་གཤེགས་པ་ཡེ་ཤེས་ཕུང་པོ་དེ་ནམ་ཡོངས་སུ་མྱ་ངན་ལས་འདའ་བ་དེའི་ཚེ་ཡང་། བྱང་ཆུབ་སེམས་དཔའ་སེང་གེའི་རྩལ་གྱིས་འགྲོ་བ་དེ་ལ་
D117.051.0289a02.01རིགས་ཀྱི་བུ་བྱང་ཆུབ་སེམས་དཔའ་སེང་གེའི་རྩལ་གྱིས་འགྲོ་བ་འདི་ངའི་འོག་ཏུ། དེ་བཞིན་གཤེགས་པ་སེང་གེའི་སྒྲ་སྒྲོགས་པ་ཞེས་བྱ་བར་འགྱུར་རོ་ཞེས་ལུང་བསྟན་ནས་ཡོངས་སུ་མྱ་ངན་ལས་འདའོ། །དེ་བཞིན་གཤེགས་པ་ཡེ་ཤེས་ཀྱི་ཕུང་པོ་དེ་ཡོངས་སུ་མྱ་
D117.051.0289a03.01ངན་ལས་འདས་ནས་བར་གྱི་བསྐལ་པ་བཅུར་དམ་པའི་ཆོས་གནས་པར་འགྱུར་རོ། །བཅོམ་ལྡན་འདས་དེའི་སྐུ་ཡང་མི་འཇིག་པར་འགྱུར་ཏེ། གང་ལ་སེམས་ཅན་དེ་དག་མཆོད་པར་བྱེད་པའི་མཆོད་རྟེན་རིན་པོ་ཆེ་ལས་བྱས་པ་རྒྱར་དཔག་ཚད་དྲུག་ཅུ་རྩ་བཞི་པ། འཕང་
D117.051.0289a04.01དུ་དཔག་ཚད་བརྒྱད་ཅུ་པ་རིན་པོ་ཆེ་ཐམས་ཅད་ཀྱིས་སྨྲས་པ་གཅིག་ཅིག་ཡོད་པར་འགྱུར་རོ། །དེ་ནས་རིགས་ཀྱི་བུ་རྒྱལ་བའི་བློ་གྲོས་བར་སྣང་དེ་ལས་བབས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་
D117.051.0289a05.01གསུམ་བསྐོར་བ་བྱས་ནས། བཅོམ་ལྡན་འདས་ལ་ཆོས་ཀྱི་དབྱིངས་དང་ཐ་མི་དད་པའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །བདག་གི་དབྱིངས་དང་སེམས་ཅན་དབྱིངས། །ཆོས་ཀྱི་དབྱིངས་དང་དེ་དག་མཉམ། །དེ་ཡི་དབྱིངས་ལྡན་ཡེ་
D117.051.0289a06.01ཤེས་དབྱིངས། །དེ་བས་ཁྱོད་ཀྱིས་བདག་ལུང་བསྟན། །ཆོས་ཀྱི་དབྱིངས་དང་ཉོན་མོངས་ཁམས། །སྟོང་པའི་དབྱིངས་དང་དེ་དག་མཉམ། །ཆོས་ཀུན་དེ་ཡི་དབྱིངས་ལྡན་ཏེ། །དེ་བས་ཁྱོད་ཀྱིས་བདག་ལུང་བསྟན། །འདོད་ཆགས་ཞེ་སྡང་གཏི་མུག་དང་། །གང་
D117.051.0289a07.01