完整藏文原文 · 德格版页 当前仅加载第 51 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ནས་བྱུང་། སྨྲས་པ། འཇམ་དཔལ་རྟོག་པ་དང་། རྣམ་པར་རྟོག་པ་ནི་ཕྱིན་ཅི་ལོག་ལས་བྱུང་ངོ་། །སྨྲས་པ། རིགས་ཀྱི་བུ་ཕྱིན་ཅི་ལོག་ཀྱང་གང་ནས་བྱུང་། སྨྲས་པ། འཇམ་དཔལ་ཕྱིན་ཅི་ལོག་ནི་ངར་འཛིན་པ་དང་། ང་ཡིར་འཛིན་པ་ལས་བྱུང་ངོ་། །
D117.051.0262b01.01སྨྲས་པ། རིགས་ཀྱི་བུ་ངར་འཛིན་པ་དང་། ང་ཡིར་འཛིན་པ་ཡང་གང་ནས་བྱུང་། སྨྲས་པ། འཇམ་དཔལ་ངར་འཛིན་པ་དང་། ང་ཡིར་འཛིན་པ་ནི་འཇིག་ཚོགས་ལ་ལྟ་བ་ལས་བྱུང་ངོ་། །སྨྲས་པ། རིགས་ཀྱི་བུ་འཇིག་ཚོགས་ལ་ལྟ་བ་ཡང་གང་ནས་བྱུང་།
D117.051.0262b02.01སྨྲས་པ། འཇམ་དཔལ་འཇིག་ཚོགས་ལ་ལྟ་བ་ནི་བདག་ལས་བྱུང་ངོ་། །སྨྲས་པ། རིགས་ཀྱི་བུ་བདག་ཀྱང་གང་ནས་བྱུང་། སྨྲས་པ། འཇམ་དཔལ་བདག་ནི་གང་ནས་ཀྱང་མ་བྱུང་སྟེ། འབྱུང་བ་མེད་པ་ནི་བདག་འབྱུང་བའོ། །དེ་ཅིའི་ཕྱིར་ཞེ་ན། འདི་ལྟར་བདག་
D117.051.0262b03.01ནི་ཕྱོགས་བཅུར་ཡོངས་སུ་བཙལ་ཀྱང་མི་དམིགས་སོ། །སྨྲས་པ། རིགས་ཀྱི་བུ་ཆོས་གང་དག་ཕྱོགས་བཅུར་ཡོངས་སུ་བཙལ་ཀྱང་མི་དམིགས་པ་དེའི་སྒོ་ཅི་ཞིག་ཡོད། སྨྲས་པ། འཇམ་དཔལ་དབེན་པ་ཉིད་དེའི་སྒོའོ། །སྨྲས་པ། རིགས་ཀྱི་བུ་དབེན་པའི་སྒོ་ཅི་ཡིན།
D117.051.0262b04.01སྨྲས་པ། འཇམ་དཔལ་སྒོ་མེད་པ་ཉིད་དབེན་པའི་སྒོའོ། །སྨྲས་པ། རིགས་ཀྱི་བུ་ཁོ་བོས་དེ་ལས་བསམས་ཏེ། ཆོས་ཐམས་ཅད་ཀྱི་སྒོ་རྣམས་ཀྱི་བསྟན་པ་ཐམས་ཅད་ཀྱང་དབེན་པའི་སྒོ་སྟེ། དེ་དག་དབེན་པའི་སྒོ་ཉིད་དུ་སྟོན་ཏོ་ཞེས་དེ་སྐད་སྨྲས་སོ། །བསྟན་པ་འདི་བཤད་
D117.051.0262b05.01པའི་ཚེ་བྱང་ཆུབ་སེམས་དཔའ་བརྒྱད་བརྒྱས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས་དེར་རྒྱ་ཆེར་ཆོས་བསྟན་པ་བྱས་ནས་སྟན་ལས་ལངས་ཏེ་སོང་ངོ་། །ཚེ་དང་ལྡན་པ་རབ་འབྱོར་རྣམ་གྲངས་དེས་ཀྱང་ཉན་ཐོས་སམ། རང་
D117.051.0262b06.01སངས་རྒྱས་གང་གིས་ཀྱང་འཇམ་དཔལ་གཞོན་ནུར་གྱུར་པ་དེའི་སྤོབས་པའི་རྒྱུན་གཅོད་ནུས་པ་མེད་ན། སྐབས་མ་ཕྱེ་བར་བདག་ཅག་ལྟ་བུས་འཇམ་དཔལ་གཞོན་ནུར་གྱུར་པ་དང་ལྷན་ཅིག་ཏུ་སྨྲ་བར་ག་ལ་ནུས། དེ་ནས་ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རིའི་བུ་ལ་འདི་
D117.051.0262b07.01