完整藏文原文 · 德格版页 当前仅加载第 51 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཐབས་དང་ཤེས་རབ་ཀྱིས་ཡང་དག་པར་ཟིན་པའི་ཡེ་ཤེས་ཀྱི་དབྱིངས་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་ལྡན་པའི་ཆོས་བསྟན་པ་དེ་ནི་ལེགས་པར་བཤད་དེ། ལེགས་སོ་ལེགས་སོ། །འཇམ་དཔལ་འོན་ཀྱང་དཔེ་གང་དག་བསྟན་པས་བྱང་ཆུབ་སེམས་
D117.051.0253b01.01དཔའི་ཐབས་དང་ཤེས་རབ་ཤེས་པར་འགྱུར་བའི་དཔེ་ངས་ཀྱང་བསྟན་གྱིས་ཉོན་ཅིག །འཇམ་དཔལ་འདི་ལྟ་སྟེ། དཔེར་ན་ཀླུའི་རྒྱལ་པོ་མཐུ་དང་ལྡན་པས་སེམས་པའི་དབང་གིས་སྤྲིན་གྱི་ཕུང་པོ་གཅིག་ལས་ཆར་པའི་བདག་ཉིད་དང་གློག་གི་ཕྲེང་བ་ཡང་གཏོང་ངོ་། །སྐྱེ་བར་བྱེད་
D117.051.0253b02.01པའི་བདག་ཉིད་ཆུའི་རྒྱུན་ཀྱང་གཏོང་ངོ་། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་ཡང་ཐབས་དང་ཤེས་རབ་དང་། ཡེ་ཤེས་ཀྱི་སྤྲིན་གཅིག་ལས་སེམས་ཅན་སོ་སོའི་སྐྱེ་བོ་རྣམས་ཡོངས་སུ་སྨིན་པར་བྱ་བའི་ཕྱིར་བྱིས་པ་སོ་སོའི་སྐྱེ་བོ་ཐམས་ཅད་ཀྱི་སྤྱོད་པ་ཡང་སྟོན་
D117.051.0253b03.01ཏོ། །གདུལ་བར་བྱ་བའི་སེམས་ཅན་རྣམས་གདུལ་བའི་ཕྱིར་འཕགས་པ་ཐམས་ཅད་ཀྱི་སྤྱོད་པ་ཡང་སྟོན་ཏོ། །འཇམ་དཔལ་འདི་ལྟ་སྟེ། དཔེར་ན་རིའི་རྒྱལ་པོ་གངས་རི་ལ་དྲིའི་ཤིང་ཞིག་ཡོད་དེ། དེའི་རྩ་བའི་དྲི་ཡང་གཞན། སྡོང་པོའི་དྲི་ཡང་གཞན། ཡལ་
D117.051.0253b04.01གའི་དྲི་ཡང་གཞན། ལོ་མའི་དྲི་ཡང་གཞན། མེ་ཏོག་གི་དྲི་ཡང་གཞན། འབྲས་བུའི་དྲི་ཡང་གཞན་ནོ། །འཇམ་དཔལ་དེ་བཞིན་དུ་དྲིའི་ཤིང་ལྟ་བུའི་བྱང་ཆུབ་སེམས་དཔའི་ལུས་དེ་ཡང་སེམས་ཅན་རྣམས་ཇི་ལྟར་མོས་པ་བཞིན་དུ་སོ་སོ་ཅི་རིགས་པར་ཆོས་ཀྱི་དྲི་གཏོང་སྟེ།
D117.051.0253b05.01སྙིང་རྗེ་ཆེན་པོའི་རྩ་བའི་དྲི་དེ་ལས་ཀྱང་མི་གཡོའོ། །འཇམ་དཔལ་འདི་ལྟ་སྟེ། དཔེར་ན་བརྒྱ་བྱིན་ཐོགས་པའི་ནོར་བུ་རིན་པོ་ཆེ་ལྷ་རྣམས་ཀྱི་དབང་པོ་བརྒྱ་བྱིན་གྱི་མགུལ་དུ་ཐོགས་ན། དེ་ལ་སུམ་ཅུ་རྩ་གསུམ་གྱི་གནས་ཐམས་ཅད་དང་། ལྷ་རྣམས་ཀྱི་དབང་པོ་བརྒྱ་བྱིན་
D117.051.0253b06.01གྱི་དགའ་བ་དང་། རྩེ་བའི་ཚོགས་ཐམས་ཅད་སྣང་ཡང་ནོར་བུ་རིན་པོ་ཆེ་དེ་ནི་རྣམ་པར་མི་རྟོག་གོ། །འཇམ་དཔལ་དེ་བཞིན་དུ་ནོར་བུ་རིན་པོ་ཆེ་དག་པ་ལྟ་བུའི་བྱང་ཆུབ་སེམས་དཔའི་ཡེ་ཤེས་ཀྱི་དབྱིངས་དེ་ཡང་བྱ་བ་ཐམས་ཅད་ཀྱང་སྟོན་ལ། ཐམས་ཅད་དུ་ཡང་རྣམ་པར་མི་རྟོག་
D117.051.0253b07.01