完整藏文原文 · 德格版页 当前仅加载第 51 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་འབྱོར་གྱིས་སྨྲས་པ། འཇམ་དཔལ་ཆོས་ཀྱི་དབྱིངས་ཡུལ་ལས་བྱུང་བ་མ་ཡིན་ཏེ། འཇམ་དཔལ་དེ་ཅིའི་ཕྱིར་ཞེ་ན། ཆོས་ཀྱི་དབྱིངས་ནི་ཡུལ་མེད་པ། ཡུལ་དང་བྲལ་བའོ། །འཇམ་དཔལ་གྱིས་སྨྲས་པ། འོ་ན་ཅིའི་ཕྱིར་ཚེ་དང་ལྡན་པ་རབ་འབྱོར་ཡུལ་
D117.051.0258b01.01ཐ་དད་པར་སྟོན། རབ་འབྱོར་གྱིས་སྨྲས་པ། འཇམ་དཔལ་ཉན་ཐོས་རྣམས་ཀྱི་སྤོབས་པ་ནི་ཐོགས་པ་དང་བཅས་པ། བར་ཆད་དང་བཅས་པའོ། །བྱང་ཆུབ་སེམས་དཔའ་རྣམས་ཀྱི་སྤོབས་པ་ནི་ཐོགས་པ་མེད་པ། བར་ཆད་མེད་པའོ་ཞེས་དང་པོ་ཉིད་དུ་ཁོ་བོས་མ་
D117.051.0258b02.01སྨྲས་སམ། འཇམ་དཔལ་གྱིས་སྨྲས་པ། བཙུན་པ་རབ་འབྱོར་ཁྱོད་ཀྱིས་སོ་སོ་ཡང་དག་པར་རིག་པ་མ་ཐོབ་བམ། རབ་འབྱོར་གྱིས་སྨྲས་པ། འཇམ་དཔལ་ཁོ་བོས་སོ་སོ་ཡང་དག་པར་རིག་པ་ཐོབ་བོ། །འཇམ་དཔལ་གྱིས་སྨྲས་པ། འོ་ན་ཅིའི་ཕྱིར་ཚེ་དང་
D117.051.0258b03.01ལྡན་པ་རབ་འབྱོར་འཆད་པ་བར་ཆད། རབ་འབྱོར་གྱིས་སྨྲས་པ། འཇམ་དཔལ་ཉན་ཐོས་རྣམས་ཀྱི་སོ་སོ་ཡང་དག་པར་རིག་པ་ནི་སེམས་ཅན་གྱི་དབང་པོ་མཆོག་དང་མཆོག་མ་ཡིན་པ་ཤེས་པ་དང་བྲལ་བ་སྟེ། དེ་བས་ན་འཆད་པ་བར་ཆད་དོ། །བྱང་ཆུབ་སེམས་
D117.051.0258b04.01དཔའ་རྣམས་ཀྱི་སོ་སོ་ཡང་དག་པར་རིག་པ་ནི། སེམས་ཅན་ཐམས་ཅད་ཀྱི་དབང་པོ་མཆོག་དང་མཆོག་མ་ཡིན་པ་ཤེས་པས་བསྐྱེད་པ་སྟེ། དེ་བས་ན་འཆད་པ་བར་མི་འཆད་དོ། །འཇམ་དཔལ་གྱིས་སྨྲས་པ། ཅི་ཡེ་ཤེས་ཀྱི་དབྱིངས་གང་གིས་ཚེ་དང་ལྡན་པ་
D117.051.0258b05.01རབ་འབྱོར་གྱི་སོ་སོ་ཡང་དག་པར་རིག་པའི་ཡེ་ཤེས་བསྐྱེད་པའི་ཡེ་ཤེས་ཀྱི་དབྱིངས་དེ་བར་ཆད་པའི་མཚན་ཉིད་ཡིན་ནམ། རབ་འབྱོར་གྱིས་སྨྲས་པ། འཇམ་དཔལ་དེ་ནི་མ་ཡིན་ཏེ། ཡེ་ཤེས་ཀྱི་དབྱིངས་ནི་ཐོགས་པ་མེད་པའི་མཚན་ཉིད་བར་ཆད་པ་མེད་པའི་རང་བཞིན་
D117.051.0258b06.01ཅན་ནོ། །འཇམ་དཔལ་གྱིས་སྨྲས་པ། ཚེ་དང་ལྡན་པ་རབ་འབྱོར་གལ་ཏེ་ཡེ་ཤེས་ཀྱི་དབྱིངས་ཐོགས་པ་མེད་པའི་མཚན་ཉིད་བར་ཆད་པ་མེད་པའི་རང་བཞིན་ཅན་ཡིན་ན། འོ་ན་ཅིའི་ཕྱིར་འཆད་པ་བར་ཆད། རབ་འབྱོར་གྱིས་སྨྲས་པ། འཇམ་དཔལ་ཚེ་དང་ལྡན་
D117.051.0258b07.01