完整藏文原文 · 德格版页 当前仅加载第 51 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
ན་འཁར་བ་ཐོགས་པ། སྣ་ལེབ་ལེབ་པོ་དང་། ཞར་བ་དང་། འཐེང་པོ་དང་། ཞ་བོ་དང་། ལུས་ཀྱི་ཤ་ཚུགས་མ་ལེགས་པ་དང་། ནད་སྣ་ཚོགས་ཀྱིས་བཏབ་པ་དག་འབྱུང་བར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་དེའི་ཚེ་དགེ་སློང་དག་ཕལ་ཆེར་
D117.051.0271b01.01བསྙེན་བཀུར་ལ་ཆེད་ཆེ་བར་བྱེད་པ་རྙེད་པ་དང་བཀུར་སྟི་ལ་རྟེན་པ་དང་། བྱ་བ་སྣ་ཚོགས་ཀྱི་མི་ཁོམ་པས་བྲེལ་བ་དང་། འདུལ་བ་བོར་བ་དང་། སོ་སོར་ཐར་པ་འདྲལ་བ་དང་། མཚམས་ལས་འདའ་བ་དང་། ཚེ་འདི་ཆེད་ཆེ་བར་བྱེད་པ་དང་། ཚེ་རབས་གཞན་ཆེད་མི་ཆེ་བར་
D117.051.0271b02.01བྱེད་པར་འགྱུར་ཏེ། དེ་དག་འདི་ལྟ་སྟེ། ཆོས་ཀྱི་ཕྱིར་ནི་མ་ཡིན་གྱི། བསྙེན་བཀུར་གྱི་ཕྱིར་ཞར་བ་དང་། འཐེང་པོ་དང་། ཞ་བོ་དང་། ལུས་ཀྱི་ཤ་ཚུགས་མ་ལེགས་པ་དང་། ནད་སྣ་ཚོགས་ཀྱིས་བཏབ་པ་འོངས་ཤིང་ལྷགས་པ་རྣམས་རབ་ཏུ་འབྱུང་བར་བྱེད་དོ། །བསྙེན་
D117.051.0271b03.01པར་རྫོགས་པར་བྱེད་དོ། །ཀུན་དགའ་བོ་དེའི་ཚེ་དེའི་དུས་ན་ངའི་བསྟན་པ་འདི་ལ་བལྟར་མི་རུང་བ་དང་མཉན་དུ་མི་རུང་བར་འགྱུར་རོ། །ལྷ་རྣམས་ཀྱང་ཡིད་མི་དགའ་བར་འགྱུར་རོ། །བདུད་རྣམས་ཡི་རངས་ཤིང་དགའ་བ་དང་བཏང་སྙོམས་སུ་འགྱུར་རོ། །བཅོམ་ལྡན་
D117.051.0271b04.01འདས་ལ་ཁོ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིའི་སླད་དུ་ན་བདུད་སྡིག་ཅན་རྣམས་ཡི་རངས་ཤིང་དགའ་བ་དང་བཏང་སྙོམས་སུ་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་འདི་ལྟར་སྐྱེས་བུ་བླུན་པོ་དེ་དག་བདག་ཉིད་བདུད་ཀྱི་ལས་
D117.051.0271b05.01བྱེད་པར་འགྱུར་ཏེ། དེ་ལ་བར་ཆད་བྱ་བའི་ཕྱིར་ཕྱིར་ཞིང་བདུད་སྡིག་ཅན་བརྩོན་པར་མི་འགྱུར་རོ། །དེ་ཅིའི་ཕྱིར་ཞེ་ན། བདུད་སྡིག་ཅན་ནི་མི་བརྩོན་པ་རྣམས་ལ་གླགས་མི་ཚོལ་གྱི། བདུད་སྡིག་ཅན་ནི་དགེ་སློང་གང་དག་ཡང་འབྱུང་བ་མེད་པར་བྱ་བའི་ཕྱིར་མགོ་དང་
D117.051.0271b06.01གོས་ལ་མེ་འབར་བ་བཞིན་དུ་བརྩོན་པར་གནས་པ་དེ་དག་ལ་བདུད་གླགས་ཚོལ་ཏེ། ཀུན་དགའ་བོ་དེ་ལྟ་བས་ན་མ་ཐོབ་པ་ཐོབ་པར་བྱ་བ་དང་། མ་རྟོགས་པ་རྟོགས་པར་བྱ་བ་དང་། མངོན་དུ་མ་བྱས་པ་མངོན་དུ་བྱ་བའི་ཕྱིར་སྦྱོར་བར་བྱོས་ཤིག །བསྩལ་བར་བྱོས་ཤིག །
D117.051.0271b07.01