完整藏文原文 · 德格版页 当前仅加载第 51 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་བཞི་ཡོངས་སུ་འགེངས་སོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་ཡང་བསྡུ་བའི་དངོས་པོ་བཞི་འབབ་པས་ཡེ་ཤེས་ཀྱི་རྒྱ་མཚོ་ཆེན་པོ་ཡོངས་སུ་རྫོགས་པར་བྱེད་དོ། །འཇམ་དཔའ་འདི་ལྟ་སྟེ། དཔེར་ན་རྒྱ་མཚོ་ཆེན་པོ་མེད་ན་འཛམ་བུའི་གླིང་གི་མི་
D117.051.0256b01.01རྣམས་ནོར་བུ་རིན་པོ་ཆེ་ལ་སྤྱོད་པར་མི་འགྱུར་རོ། །འཇམ་དཔལ་དེ་བཞིན་དུ་སངས་རྒྱས་འབྱུང་བ་མེད་ན་ཉན་ཐོས་དང་རང་སངས་རྒྱས་ཐམས་ཅད་རྣམ་པར་གྲོལ་བའི་ཆོས་རིན་པོ་ཆེ་ལ་སྤྱོད་པར་མི་འགྱུར་རོ། །འཇམ་དཔལ་འདི་ལྟ་སྟེ། དཔེར་ན་གཟུགས་གང་ཅི་
D117.051.0256b02.01ཡང་རུང་སྟེ། དེ་དག་ཐམས་ཅད་འབྱུང་བ་ཆེན་པོ་བཞིས་ཡོངས་སུ་བཟུང་ངོ་། །འཇམ་དཔལ་དེ་བཞིན་དུ་གང་བྱང་ཆུབ་སེམས་དཔའི་ཆོས་གང་ཅི་ཡང་རུང་སྟེ། དེ་དག་ཐམས་ཅད་བྱིན་གྱི་རླབས་བཞིས་ཡོངས་སུ་བཟུང་ངོ་། །འཇམ་དཔལ་འདི་ལྟ་སྟེ།
D117.051.0256b03.01དཔེར་ན་གཡང་ས་ཉམ་ང་བ་ན་འདུག་པའི་སྨན་གྱི་ཤིང་སྐྱེ་བོ་མང་པོའི་ཉེ་བར་འཚོ་བར་མི་འགྱུར་རོ། །འཇམ་དཔལ་དེ་བཞིན་དུ་ཉན་ཐོས་འཁོར་བས་འཇིགས་པའི་གཡང་ས་ཉམ་ང་བར་གནས་པ་རྣམས་ནི་སྐྱེ་བོ་མང་པོའི་ཉེ་བར་འཚོ་བར་མི་འགྱུར་རོ། །འཇམ་དཔལ་
D117.051.0256b04.01འདི་ལྟ་སྟེ། དཔེར་ན་གྲོང་ཁྱེར་གྱི་ནང་ན་འདུག་པའི་སྨན་གྱི་ཤིང་ནི་སྐྱེ་བོ་མང་པོའི་ཉེ་བར་འཚོ་བར་འགྱུར་རོ། །འཇམ་དཔལ་དེ་བཞིན་དུ་བྱམས་པ་ཆེན་པོ་དང་སྙིང་རྗེ་ཆེན་པོའི་ནང་དུ་སོང་བའི་བྱང་ཆུབ་སེམས་དཔའ་ནི་ཐམས་ཅད་མཁྱེན་པ་ཉིད་ཀྱི་སེམས་བསྐྱེད་པས་
D117.051.0256b05.01སེམས་ཅན་ཐམས་ཅད་ཀྱི་ཉེ་བར་འཚོ་བར་འགྱུར་རོ། །འཇམ་དཔལ་འདི་ལྟ་སྟེ། དཔེར་ན་གང་དབྱར་བྱུང་བའི་ཆུ་མིག་དེ་དག་ནི་ཡུན་རིང་དུ་གནས་པར་མི་འགྱུར་རོ། །འཇམ་དཔལ་དེ་བཞིན་དུ་གང་ཉན་ཐོས་རྣམས་ཀྱིས་ཆོས་བསྟན་པ་དེ་ནི་ཡུན་རིང་དུ་གནས་པར་མི་
D117.051.0256b06.01འགྱུར་རོ། །འཇམ་དཔལ་འདི་ལྟ་སྟེ། དཔེར་ན་གང་དཔྱིད་བྱུང་བའི་ཆུ་མིག་དེ་ནི་ཡུན་རིང་དུ་གནས་པར་འགྱུར་རོ། །འཇམ་དཔལ་དེ་བཞིན་དུ་གང་བྱང་ཆུབ་སེམས་དཔའ་རྣམས་ཀྱི་ཆོས་བསྟན་པ་དེ་ནི་ཡུན་རིང་དུ་གནས་པར་འགྱུར་རོ། །འཇམ་དཔལ་འདི་ལྟ་སྟེ།
D117.051.0256b07.01