完整藏文原文 · 德格版页 当前仅加载第 51 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་སྒྲས་གོ་བར་འགྱུར་བ་དང་། བདུད་ཀྱི་གནས་ཐམས་ཅད་སྤ་གོང་བར་འགྱུར་བ་དེ་ལྟ་བུའི་མགུལ་བསལ་བའི་སྒྲ་ཕྱུང་ངོ་། །དེ་ནས་ཉན་ཐོས་ཆེན་པོ་དེས་མགུལ་བསལ་བའི་སྒྲ་དེ་ཐོས་པ་དང་། མགུལ་བསལ་བའི་སྒྲ་དེའི་ཤུགས་མ་བཟོད་པས་རྣམ་པར་འཐོར་རླུང་
D117.051.0259b01.01གིས་བུས་པའི་བྱ་བཞིན་དུ་ས་ལ་ལྷུང་སྟེ། དེ་དངངས་ཏེ་སྤུ་ཟིང་ཞེས་བྱེད་པར་གྱུར་ནས། ངོ་མཚར་དུ་བཟུང་སྟེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཀྱི་ཏོག་དེ་ག་ལ་བ་དེར་སོང་ནས་ཕྱིན་པ་དང་། བཅོམ་
D117.051.0259b02.01ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མགུལ་བསལ་བའི་སྒྲ་གང་ཐོས་པས་བདག་མགུལ་བསལ་བའི་སྒྲའི་ཤུགས་དེ་མ་བཟོད་པས་རྣམ་པར་འཐོར་རླུང་གིས་བུས་པའི་བྱ་བཞིན་
D117.051.0259b03.01དུ་དོག་ས་ལ་ལྷུང་བར་གྱུར་པའི་མགུལ་བསལ་བའི་སྒྲ་ཟབ་མོ་འདི་ལྟ་བུ་འདི་སུས་བགྱིས། བཅོམ་ལྡན་འདས་དེས་བཀའ་སྩལ་པ། དགེ་སློང་འཇམ་དཔལ་གཞོན་ནུར་གྱུར་པ་ཞེས་བྱ་བ་ཕྱིར་མི་ལྡོག་པ་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་དེ་ང་ལ་བལྟ་
D117.051.0259b04.01བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཡོངས་སུ་ཞུ་བ་དང་། ཡོངས་སུ་ལེགས་པར་ཞུ་བར་བྱ་བའི་ཕྱིར་ཆགས་པ་མེད་པའི་རྫུ་འཕྲུལ་གྱི་སྟོབས་ཀྱིས་རྣམ་པར་རྩེ་ཞིང་འཇིག་རྟེན་གྱི་ཁམས་འདིར་འོངས་ཏེ། འཇམ་དཔལ་གཞོན་ནུར་གྱུར་པ་དེ་འོད་
D117.051.0259b05.01གསལ་གྱི་ལྷའི་རིས་སུ་འདུག་ནས་མགུལ་བསལ་བའི་སྒྲ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་སྒྲས་གོ་བར་འགྱུར་བ་དང་། བདུད་ཀྱི་གནས་ཐམས་ཅད་སྤ་གོང་བར་འགྱུར་བ་དེ་ལྟ་བུའི་མགུལ་བསལ་བའི་སྒྲ་ཕྱུང་ངོ་། །དེས་
D117.051.0259b06.01གསོལ་པ། བཅོམ་ལྡན་འདས་སྐྱེས་བུ་དམ་པ་དེ་ལྟ་བུ་དག་མཐོང་ན་ལེགས་པར་འགྱུར་གྱིས། འཇམ་དཔལ་གཞོན་ནུར་གྱུར་པ་དེ་བདག་ཅག་གིས་ཀྱང་བལྟ་བར་བགྱིའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D117.051.0259b07.01