完整藏文原文 · 德格版页 当前仅加载第 51 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཆོས་ཐམས་ཅད་ནི་གནས་ན་མི་གནས་པ་སྟེ། བདག་ཅག་དྲན་པ་ཉེ་བར་གཞག་པ་དོན་དུ་མི་གཉེར་རོ། །བཅོམ་ལྡན་འདས་རྣམ་པར་གྲོལ་བ་ནི་བསོད་ནམས་དང་། བསོད་ནམས་མ་ལགས་པ་དང་། མི་གཡོ་བའི་འདུ་བྱེད་དང་བྲལ་བ་
D117.051.0280a01.01སྟེ། བདག་ཅག་ཡང་དག་པར་སྤོང་བ་དོན་དུ་མི་གཉེར་རོ། །བཅོམ་ལྡན་འདས་གང་ནས་ཀྱང་མཆི་བ་མ་མཆིས་པ། གང་དུ་ཡང་མཆི་བ་མ་མཆིས་པར་ཚད་མར་བགྱིས་ཏེ། བདག་ཅག་རྫུ་འཕྲུལ་གྱི་རྐང་པ་དོན་དུ་མི་གཉེར་རོ། །བཅོམ་ལྡན་འདས་དོན་ནི་དབང་པོ་
D117.051.0280a02.01དང་བྲལ་བ་སྟེ། བདག་ཅག་དབང་པོ་དོན་དུ་མི་གཉེར་རོ། །བཅོམ་ལྡན་འདས་ཆོས་ཐམས་ཅད་ནི་སྟོབས་མ་མཆིས་ཤིང་ཉམ་ཆུང་བ་སྟེ། བདག་ཅག་སྟོབས་དོན་དུ་མི་གཉེར་རོ། །བཅོམ་ལྡན་འདས་འདི་ལ་དོན་དམ་པར་ན་བྱང་ཆུབ་པ་ནི་གང་ཡང་མ་མཆིས་ཏེ། བདག་
D117.051.0280a03.01ཅག་བྱང་ཆུབ་ཀྱི་ཡན་ལག་དོན་དུ་མི་གཉེར་རོ། །བཅོམ་ལྡན་འདས་འགྲོ་བས་འཇིག་རྟེན་གྱི་མཐར་འགྲོ་བ་མ་མཆིས་ཏེ། བདག་ཅག་ལམ་དོན་དུ་མི་གཉེར་རོ། །བཅོམ་ལྡན་འདས་ཞི་བའི་དབྱིངས་ལ་གཡེང་བ་མ་མཆིས་ཏེ། བདག་ཅག་ཞི་གནས་དོན་དུ་མི་གཉེར་རོ། །
D117.051.0280a04.01བཅོམ་ལྡན་འདས་འཇིག་རྟེན་ལས་འདས་པའི་ཤེས་རབ་ཀྱིས་{ཆུང་ཟད་,ཅུང་ཟད་}ཀྱང་མི་མཐོང་བ་སྟེ། བདག་ཅག་ལྷག་མཐོང་དོན་དུ་མི་གཉེར་རོ། །བཅོམ་ལྡན་འདས་དེ་ལྟར་བླང་བ་དང་དོར་བ་ཤིན་ཏུ་མ་མཆིས་ཏེ། བདག་ཅག་རྩོལ་བ་དོན་དུ་མི་གཉེར་རོ། །བཅོམ་ལྡན་འདས་ཆོས་
D117.051.0280a05.01ཀྱི་དབྱིངས་ནི་ཡང་དག་པར་སངས་མ་རྒྱས་པ་སྟེ། བདག་ཅག་རྣམ་པར་གྲོལ་བ་དོན་དུ་མི་གཉེར་རོ། །བཅོམ་ལྡན་འདས་དགེ་སྦྱོང་ནི་ཆགས་པ་ཐམས་ཅད་དང་བྲལ་བ་སྟེ། བདག་ཅག་དགེ་སྦྱོང་དོན་དུ་མི་གཉེར་རོ། །བཅོམ་ལྡན་འདས་བྲམ་ཟེ་ནི་སྡིག་པ་ཐམས་ཅད་དང་བྲལ་
D117.051.0280a06.01བ་སྟེ། བདག་ཅག་བྲམ་ཟེ་དོན་དུ་མི་གཉེར་རོ། །བཅོམ་ལྡན་འདས་ཆོས་ཀྱི་རང་བཞིན་ནི་ཐ་མི་དད་པ་སྟེ། བདག་ཅག་དགེ་སློང་གི་དངོས་པོ་དོན་དུ་མི་གཉེར་རོ། །བཅོམ་ལྡན་འདས་འདི་ལྟར་སྐྱེ་མཆེད་དྲུག་ཉིད་འགགས་པ་སྟེ། བདག་ཅག་ཕ་རོལ་ཏུ་མཆི་བ་དོན་དུ་མི་གཉེར་རོ། །བཅོམ་
D117.051.0280a07.01