完整藏文原文 · 德格版页 当前仅加载第 51 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་ཅེས་སྨྲས་སོ། །ཚེ་དང་ལྡན་པ་ཤཱ་རིའི་བུས་འཇམ་དཔལ་གཞོན་ནུར་གྱུར་པ་སངས་རྒྱས་ཀྱི་ཞིང་དུ་སྤྱད་པ་སྤྱོད་པ་ན་རྫུ་འཕྲུལ་གྱི་སྟོབས་དང་། ཆོ་འཕྲུལ་གྱི་རྣམ་པར་འཕྲུལ་པ་ཇི་སྙེད་ཅིག་མཐོང་། ཤཱ་རིའི་བུས་སྨྲས་པ། ཚེ་དང་ལྡན་པ་རབ་འབྱོར་
D117.051.0263a01.01ཁོ་བོས་མངོན་པར་ཤེས་ཏེ། འཇམ་དཔལ་གཞོན་ནུར་གྱུར་པ་དང་ལྷན་ཅིག་སངས་རྒྱས་ཀྱི་ཞིང་དུ་སྤྱད་པ་སྤྱོད་པ་ན་སངས་རྒྱས་ཀྱི་ཞིང་གང་ཚིག་པ་དེ་དག་ནི་འཇམ་དཔལ་གཞོན་ནུར་གྱུར་པ་སོང་བ་དང་ཆུས་ཡོངས་སུ་གང་ཞིང་། པད་མ་མང་པོས་ཡོག་པར་གནས་པར་གྱུར་
D117.051.0263a02.01ཏོ། །གང་དག་ཆུས་ཡོངས་སུ་གང་བ་དེ་དག་ནི་མེས་ཡོངས་སུ་གང་བར་གནས་པར་གྱུར་ཏེ། མེ་དེ་ཡང་རེག་ན་འདི་ལྟ་སྟེ་དཔེར་ན་ཙན་དན་སྦྲུལ་གྱི་སྙིང་པོའམ། ཀ་ཙ་ལིན་དིའི་གོས་ལྟ་བུར་གྱུར་ཏོ། །གང་དག་སྟོང་པ་ནམ་མཁར་གྱུར་པ་དེ་དག་ནི་(ཆངས་,ཚངས་)པའི་
D117.051.0263a03.01གཞལ་མེད་ཁང་གིས་བརྒྱན་ཅིང་བསམ་གཏན་ལ་སྙོམས་པར་ཞུགས་པའི་བྱང་ཆུབ་སེམས་དཔས་ཡོངས་སུ་གང་བར་གནས་པར་གྱུར་ཏོ། །གང་དག་འཆགས་པ་དེ་དག་ནི་འཇིག་པར་སྣང་ངོ་། །གང་དག་ངན་སོང་གིས་ཡོངས་སུ་གང་བ་དེ་དག་ནི་ངན་སོང་ཐམས་ཅད་དང་
D117.051.0263a04.01བྲལ་བར་སྣང་སྟེ། སེམས་ཅན་དེ་དག་ཀྱང་བྱང་ཆུབ་ཀྱི་ཡན་ལག་གི་རྣམ་པས་བསྐྱེད་པའི་བྱམས་པ་ཐོབ་པར་གྱུར་ཏོ། །བྱང་ཆུབ་ཀྱི་ཡན་ལག་གི་རྣམ་པས་བསྐྱེད་པའི་བྱམས་པ་གང་ཞེ་ན། གང་ལ་སྙོམས་པར་ཞུགས་ན་བདག་བླ་ན་མེད་པ་ཡང་དག་པར་རྫོགས་པའི་
D117.051.0263a05.01བྱང་ཆུབ་མངོན་པར་རྫོགས་པར་སངས་རྒྱས་ཏེ། སེམས་ཅན་གང་དག་ཉོན་མོངས་པ་འདོད་ཆགས་དང་། ཞེ་སྡང་དང་། གཏི་མུག་གིས་གཟིར་བ་དེ་དག་གི་འདོད་ཆགས་དང་། ཞེ་སྡང་དང་། གཏི་མུག་ཤིན་ཏུ་སྤང་བར་བྱ་བའི་ཕྱིར་ཆོས་བསྟན་ཏོ་སྙམ་སེམས་པ་སྟེ།
D117.051.0263a06.01གང་དེ་ལྟར་བྱམས་པའི་ཏིང་ངེ་འཛིན་ལ་སྙོམས་པར་འཇུག་པ་དེ་ནི་བྱང་ཆུབ་ཀྱི་ཡན་ལག་གི་རྣམ་པས་བསྐྱེད་པའི་བྱམས་པ་ཞེས་བྱའོ། །ཚེ་དང་ལྡན་པ་རབ་འབྱོར་དེའི་ཚེ་དེའི་དུས་ན་ཁོ་བོའི་སེམས་ལ་སེམས་ཀྱི་རྣམ་པར་རྟོག་པ་འཇམ་དཔལ་གཞོན་ནུར་གྱུར་པའི་རྫུ་འཕྲུལ་
D117.051.0263a07.01