完整藏文原文 · 德格版页 当前仅加载第 51 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་རིའི་རྒྱལ་པོ་གངས་རིའི་ཤིང་གང་དག་བཅད་པ་དེ་དག་ནི་སླར་ཡང་མྱུར་དུ་སྐྱེའོ། །འཇམ་དཔལ་དེ་བཞིན་དུ་ནམ་དེ་བཞིན་གཤེགས་པས་བྱ་བ་བྱས་ཏེ་ཡོངས་སུ་མྱ་ངན་ལས་འདས་ཀྱང་དཀོན་མཆོག་གསུམ་གྱི་གདུང་རྒྱུན་མི་འཆད་པར་འགྱུར་རོ། །དེ་
D117.051.0257a01.01ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ལྟར་བྱང་ཆུབ་སེམས་དཔའི་ཡོན་ཏན་བསྔགས་པ་ཚད་མ་མཆིས་པ་དང་ལྡན་པ་དེ་དག་གི་ཡང་དག་པའི་ཡོན་ཏན་བསྔགས་པ་འདི་ལྟ་བུ་འདི་དག་དེ་བཞིན་གཤེགས་
D117.051.0257a02.01པས་གསུངས་པ་ངོ་མཚར་ཏོ། །བཅོམ་ལྡན་འདས་བྱང་ཆུབ་སེམས་དཔའ་དེ་དག་ཡང་དག་པའི་ཡོན་ཏན་བསྔགས་པ་དེ་ལྟ་བུ་དེ་དག་ཐོས་ནས་དགའ་བར་མི་འགྱུར། རྒྱགས་པར་མི་འགྱུར་བ་དེའང་མཆོག་ཏུ་ངོ་མཚར་ཏོ། །བཅོམ་ལྡན་འདས་ཀྱིས་བཀའ་སྩལ་པ། རབ་
D117.051.0257a03.01འབྱོར་བྱང་ཆུབ་སེམས་དཔའ་དེ་དག་ཐམས་ཅད་ནི་རྩ་བ་དག་པ་སྟེ། ཡང་དག་པའི་ཡོན་ཏན་དང་བསྔགས་པ་བརྗོད་པས་དགའ་བར་ཡང་མི་འགྱུར། རྒྱགས་པར་ཡང་མི་འགྱུར་རོ། །རབ་འབྱོར་གྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་
D117.051.0257a04.01རྩ་བ་གང་ལས་དག་པ་ལགས། བཀའ་སྩལ་པ། རབ་འབྱོར་བྱང་ཆུབ་སེམས་དཔའ་རྣམས་ནི་བདག་མེད་པའི་རྩ་བ་དང་། སེམས་ཅན་མེད་པ་དང་། སྲོག་མེད་པ་དང་། གསོ་བ་མེད་པ་དང་། གང་ཟག་མེད་པའི་རྩ་བ་དང་། འཇིག་ཚོགས་ལ་ལྟ་བའི་རྩ་བ་དང་།
D117.051.0257a05.01མ་རིག་པ་དང་སྲིད་པའི་སྲེད་པའི་རྩ་བ་དང་། ང་དང་ངའི་ཞེས་བྱ་བའི་རྩ་བ་ལས་དག་གོ། །གསོལ་པ། བཅོམ་ལྡན་འདས་དག་པ་ཞེས་བགྱི་བས་ཅི་ཞིག་བསྟན་པ་ལགས། བཀའ་སྩལ་པ། མ་བཟུང་མ་བཏང་བ་སྟེ། དེ་བས་ན་དག་པ་ཞེས་བྱའོ། །མ་
D117.051.0257a06.01སྐྱེས། མ་འགགས་མ་བརྟགས། རྣམ་པར་མ་བརྟགས། མ་ཕྱུང་མ་བཅུག །མ་བྱས་རྣམ་པར་མ་བྱས། མུན་པ་མ་ཡིན། སྣང་བ་མ་ཡིན། ཀུན་ནས་ཉོན་མོངས་པ་མ་ཡིན། རྣམ་པར་བྱང་བ་མ་ཡིན། བཅིངས་པ་མ་ཡིན། ཐར་བ་མ་ཡིན། འཁོར་བ་
D117.051.0257a07.01