完整藏文原文 · 德格版页 当前仅加载第 51 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་དང་ལྡན་པ་སྟེ། བཙས་པ་ཙམ་ན་བརྒྱ་བྱིན་དང་། ཚངས་པས་ཡོངས་སུ་བླངས་ཤིང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས། མ་བཟུང་བར་གོམ་པ་བདུན་བོར་ཏེ། ཚིག་ཀྱང་ང་ནི་འཇིག་རྟེན་གྱི་ཐུ་བོ་སྟེ།
D117.051.0278a01.01སྐྱེ་བ་དང་འཆི་བ་མཐར་བྱའོ་ཞེས་དེ་སྐད་སྨྲ་ཞིང་། ཆུའི་རྒྱུན་གཉིས་བྱུང་སྟེ། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བས་ཁྲུས་བྱས། ལྷའི་དང་མིའི་རོལ་མོ་དག་ཀྱང་མ་བརྡུངས་པར་སྒྲ་བྱུང་། དེས་འོད་གང་གིས་ངན་སོང་ཐམས་ཅད་སོ་སོར་ཐར་པ་དང་།
D117.051.0278a02.01བདུད་ཀྱི་གནས་ཐམས་ཅད་ཟིལ་གྱིས་གནོན་པ་དེ་ལྟ་བུའི་འོད་ཀྱང་བཏང་སྟེ། དབང་པོ་ཉམས་པ་ཐམས་ཅད་ཀྱང་དབང་པོ་མ་ཉམས་པར་གྱུར། ཡུད་ཙམ་དེ་ལ་སེམས་ཅན་ཐམས་ཅད་ཀྱི་ཉོན་མོངས་པ་ཐམས་ཅད་ཞི་སྟེ་མཆོག་ཏུ་བདེ་བ་ཐོབ་པར་གྱུར། བྲམ་ཟེ་རིག་བྱེད་ཀྱི་
D117.051.0278a03.01ཆོ་ག་ཤེས་པ་རྣམས་ཀྱིས་ཀྱང་དེ་སྟེ་ཁྱིམ་ན་འདུག་ན་འཁོར་ལོས་སྒྱུར་བའི་རྒྱལ་པོར་འགྱུར་རོ། །དེ་སྟེ་ནགས་སུ་སོང་ན་ཆོས་ཀྱི་རྒྱལ་པོ་སངས་རྒྱས་སུ་འགྱུར་རོ་ཞེས་བསྒོ་སྟེ། དེའི་འཁོར་ལོས་སྒྱུར་བའི་རྒྱལ་པོ་བོར་ནས་རབ་ཏུ་བྱུང་སྟེ། དེས་བྱང་ཆུབ་ཀྱི་སྙིང་པོར་
D117.051.0278a04.01བདུད་ཀྱི་སྡེ་བྱེ་བ་ཕྲག་བརྒྱ་པ་བཏུལ་ཏེ་བྱང་ཆུབ་ཐོབ། དེས་འཇིག་རྟེན་ན་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུས་ཀྱང་ཆོས་དང་འཐུན་པར་བསྐོར་བར་མི་ནུས་པའི་ཆོས་ཀྱི་འཁོར་ལོ་བསྐོར། དེ་ཆོས་ཀྱང་སྟོན་ཏེ། ཚངས་པར་
D117.051.0278a05.01སྤྱོད་པ་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ་ཡང་དག་པར་རབ་ཏུ་སྟོན་ཏོ། །དེ་ལ་དེའི་ཉན་ཐོས་དག་གི་ཐོག་མར་དགེ་བ་དེ་ནི་འདི་ལྟ་
D117.051.0278a06.01སྟེ། ལུས་ཀྱི་ལེགས་པར་སྤྱོད་པ་དང་། ངག་གི་ལེགས་པར་སྤྱོད་པ་དང་། ཡིད་ཀྱི་ལེགས་པར་སྤྱོད་པའོ། །བར་དུ་དགེ་བ་ནི་ལྷག་པའི་ཚུལ་ཁྲིམས་དང་། སེམས་དང་། ཤེས་རབ་ལ་བསླབ་པར་བྱའོ། །ཐ་མར་དགེ་བ་ནི་རྣམ་པར་ཐར་པའི་སྒོ་སྟོང་པ་ཉིད་དང་། མཚན་
D117.051.0278a07.01