完整藏文原文 · 德格版页 当前仅加载第 51 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
ན། གང་པོ་འདི་ལྟར་དགེ་སློང་འདི་དག་འདོད་ཆགས་དང་། ཞེ་སྡང་དང་། གཏི་མུག་གི་མེ་ལ་སྤྱོད་དེ། དེ་དག་མེའི་ཕུང་པོ་ཆེན་པོ་ལས་འདའ་བར་མི་ནུས་སོ། །དེ་དག་ལྟ་བའི་དྲ་བས་བསྒྲིབས་ཏེ། ལྕགས་ཀྱི་དྲ་བ་གཅད་པར་མི་ནུས་སོ། །དེ་དག་སྲེད་པའི་ཆུ་བོར་ཞུགས་ཏེ། ཆུའི་ཕུང་
D117.051.0282b01.01པོ་ལས་རྒལ་བར་མི་ནུས་སོ། །གང་པོ་འདི་ལྟ་སྟེ་དཔེར་ན་མེའི་ཕུང་པོ་གང་ཡིན་པ་དང་། ལྕགས་ཀྱི་དྲ་བ་གང་ཡིན་པ་དང་། ཆུའི་ཕུང་པོ་གང་ཡིན་པའི་ཆོས་དེ་དག་ཐམས་ཅད་གང་ནས་ཀྱང་མ་འོངས། གང་དུ་ཡང་མ་སོང་སྟེ། གཞན་དུ་ན་འཇམ་དཔལ་གཞོན་ནུར་གྱུར་པའི་བྱིན་
D117.051.0282b02.01གྱི་རླབས་ཀྱིས་སྣང་ངོ་། །གང་པོ་དེ་བཞིན་དུ་འདོད་ཆགས་དང་། ཞེ་སྡང་དང་། གཏི་མུག་གང་ཡིན་པ་དང་། ལྟ་བར་བྱས་པ་གང་ཡིན་པ་དང་། སྲིད་པའི་སྲེད་པ་གང་ཡིན་པའི་ཆོས་དེ་དག་གང་ནས་ཀྱང་མ་འོངས། གང་དུ་ཡང་མ་སོང་སྟེ། གཞན་དུ་ན་ཕྱིན་ཅི་ལོག་སྔོན་དུ་འགྲོ་བའི་
D117.051.0282b03.01རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པ་ལས་བདག་པོ་མེད་པ། བདག་གི་མེད་པ། ཡོངས་སུ་གཟུང་བ་མེད་པའི་བདག་དང་གཞན་དུ་སྒྲོ་འདོགས་པར་འབྱུང་ངོ་། །དེ་ལ་རྣལ་འབྱོར་པ་རྣལ་འབྱོར་སྤྱོད་པས་རྣམ་པར་གཡེངས་པའི་སེམས་རྩེ་གཅིག་ཏུ་བྱེད་དོ། །
D117.051.0282b04.01སེམས་རྩེ་གཅིག་པས་ཞི་གནས་སྒྲུབ་པར་བྱེད་དོ། །ཞི་གནས་ཀྱི་ཚོགས་ཀྱིས་བསམ་གཏན་སྐྱེད་པར་བྱེད་དོ། །བསམ་གཏན་ཐོབ་པས་ཀྱང་རློམ་སེམས་སུ་མི་བྱེད། མངོན་པར་ཞེན་པར་མི་བྱེད་དོ། །བསམ་གཏན་ལས་སུ་རུང་བར་བྱས་པའི་སེམས་ཀྱིས་ཀྱང་ཆོས་རྣམས་ལ་
D117.051.0282b05.01རྣམ་པར་ལྟ་སྟེ། ཆོས་གང་གི་རྒྱུ་དང་། རྐྱེན་དུ་འགྱུར་ཞེས་དེ་སོ་སོར་རྟོག་པ་ན་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པར་བྱེད་དེ། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་
D117.051.0282b06.01དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག །སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང་། མྱ་ངན་དང་། སྨྲེ་སྔགས་
D117.051.0282b07.01