完整藏文原文 · 德格版页 当前仅加载第 51 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
གང་གིས་བྱང་ཆུབ་སེམས་དཔས་འཇིག་ཚོགས་ལ་ལྟ་བ་ཡོངས་སུ་ཤེས་ལ་འབྲས་བུ་ཡང་མི་འཐོབ་པ་དེ་ནི་ཐབས་ཆེན་པོ་ཡིན་ནོ། །འཇམ་དཔལ་གྱིས་སྨྲས་པ། བཙུན་པ་རབ་འབྱོར་འདི་ལྟར་བྱང་ཆུབ་སེམས་དཔའི་ཡེ་ཤེས་ཀྱི་དབྱིངས་ནི་ཐབས་དང་ཤེས་
D117.051.0253a01.01རབ་ཀྱིས་ཡང་དག་པར་ཟིན་པ་སྟེ། དེ་བས་ན་བྱང་ཆུབ་སེམས་དཔའ་དེ་འཇིག་ཚོགས་ལ་ལྟ་བ་ཡང་ཡོངས་སུ་ཤེས་ལ་འབྲས་བུ་ཡང་མི་ཐོབ་བོ། །བཙུན་པ་རབ་འབྱོར་འདི་ལྟ་སྟེ། དཔེར་ན་སྐྱེས་བུ་ཆེན་པོ་ཆེ་ཞིག་གིས་མཚོན་ཆ་རྣོན་པོས་ཤིང་སཱ་ལ་ཆེན་པོ་བཅད་ན། དེ་
D117.051.0253a02.01རིལ་གྱིས་ཆད་བཞིན་དུ་དེ་ཉིད་ན་འདུག་སྟེ་མི་འགྱེལ་ལོ། །བཙུན་པ་རབ་འབྱོར་དེ་བཞིན་དུ་བྱང་ཆུབ་སེམས་དཔའི་ཡེ་ཤེས་ཀྱི་དབྱིངས་ཀྱང་ཐབས་དང་ཤེས་རབ་ཀྱིས་ཡང་དག་པར་ཟིན་ཏེ། དེ་བས་ན་བྱང་ཆུབ་སེམས་དཔའ་དེ་འཇིག་ཚོགས་ལ་ལྟ་བ་ཡང་ཡོངས་སུ་ཤེས་ལ་
D117.051.0253a03.01འབྲས་བུ་ཡང་མི་འཐོབ་བོ། །བཙུན་པ་རབ་འབྱོར་གང་ཤིང་སཱ་ལ་ཆེན་པོ་དེ་ཆར་པ་ཆེན་པོ་བབ་སྟེ་གཤེར་ཅིང་རླན་པར་གྱུར་ན་སླར་ཡང་སྐྱེ་ཞིང་ཡལ་ག་དང་། ལོ་མ་དང་། མེ་ཏོག་དང་། འབྲས་བུ་དག་ཀྱང་འབྱུང་ལ། གང་སེམས་ཅན་ཐམས་ཅད་ཀྱི་ཉེ་བར་འཚོ་བར་འགྱུར་
D117.051.0253a04.01བ་དེ་ལྟ་བུའི་དུས་དང་། དེ་ལྟ་བུའི་སྐབས་ཀྱང་ཡོད་དོ། །བཙུན་པ་རབ་འབྱོར་དེ་བཞིན་དུ་བྱམས་པ་ཆེན་པོ་དང་། སྙིང་རྗེ་ཆེན་པོས་གཤེར་ཅིང་རླན་པའི་བྱང་ཆུབ་སེམས་དཔའ་ཡང་འཇིག་ཚོགས་ལ་ལྟ་བ་ཡང་ཡོངས་སུ་ཤེས་ལ་ཁམས་གསུམ་དུ་ཡང་སྐྱེ་ཞིང་གང་སེམས་ཅན་
D117.051.0253a05.01ཐམས་ཅད་ཀྱི་ཉེ་བར་འཚོ་བར་འགྱུར་བ་ཚེ་དང་། རིགས་དང་། སྐྱེ་བར་ཡང་སྟོན་པར་བྱེད་དོ། །བཙུན་པ་རབ་འབྱོར་གང་ཤིང་སཱ་ལ་ཆེན་པོ་དེ་རླུང་ཆེན་པོའི་ཤུགས་ཀྱིས་ཕུལ་ན་ས་ལ་ལྟུང་བར་འགྱུར་བ་དེ་ལྟ་བུའི་དུས་དང་། དེ་ལྟ་བུའི་སྐབས་ཀྱང་ཡོད་དོ། །བཙུན་པ་རབ་འབྱོར་
D117.051.0253a06.01དེ་བཞིན་དུ་ཡེ་ཤེས་ཆེན་པོའི་རླུང་གི་ཤུགས་ཀྱིས་ཕུལ་ན་བྱང་ཆུབ་སེམས་དཔའ་བྱང་ཆུབ་ཀྱི་སྙིང་པོ་འགོག་པར་ལྟུང་ངོ་། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་ཁྱོད་ཀྱིས་བྱང་ཆུབ་སེམས་དཔའ་རྣམས་
D117.051.0253a07.01