完整藏文原文 · 德格版页 当前仅加载第 51 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་ཇི་སྙེད། སྨྲས་པ། ནམ་མཁའི་ཁམས་ཇི་ཙམ་པའོ། །སྨྲས་པ། ནམ་མཁའི་ཁམས་ཀྱང་ཇི་ཙམ། སྨྲས་པ། སེམས་ཅན་གྱི་ཁམས་ཇི་སྙེད་པ་སྟེ། བཙུན་པ་འོད་སྲུང་ཆེན་པོ་དེ་ལྟར་ན་ཆོས་ཀྱི་དབྱིངས་དང་། ནམ་མཁའི་ཁམས་དང་། སེམས་
D117.051.0274b01.01ཅན་གྱི་ཁམས་དེ་ནི་གཉིས་སུ་མེད་དེ་གཉིས་སུ་དབྱེར་མེད་དོ། །དེ་ལ་ཁོ་བོས་འདི་སྐད་ཅེས་སྨྲས་སོ། །འཇམ་དཔལ་འདི་ལྟར་སེམས་ཅན་གང་ཡང་ཡོངས་སུ་མྱ་ངན་ལས་འདས་པ་མེད་ན་འོ་ན་སངས་རྒྱས་འབྱུང་བ་དོན་མེད་པར་མི་འགྱུར་རམ། དེས་སྨྲས་པ། བཙུན་
D117.051.0274b02.01པ་འོད་སྲུང་ཆེན་པོ་དཔེར་ན་སྐྱེས་བུ་ལ་ལ་ཞིག་མཁྲིས་པའི་རིམས་ཀྱིས་བཏབ་སྟེ། རྣམ་པ་སྣ་ཚོགས་སུ་བླ་བར་གྱུར་པ་དང་། དེ་ལ་ཁ་ཅིག་སྐྱེས་བུ་འདི་ནི་གདོན་གྱིས་བཏབ་བོ་སྙམ་དུ་གྱུར་ཏོ། །དེ་ནས་སྨན་པ་མཁས་པ་ཞིག་འོངས་ཏེ། སྐྱེས་བུ་དེ་ལ་མར་བླུད་པ་ལ་སོགས་
D117.051.0274b03.01པའི་བྱ་བས་མཁྲིས་པའི་རིམས་དེ་ཞི་བར་བྱས་ནས། དེ་ཕྱིས་རྣམ་པ་སྣ་ཚོགས་སུ་མི་བླ་བར་གྱུར་ན། བཙུན་པ་འོད་སྲུང་ཆེན་པོ་འདི་ཇི་སྙམ་དུ་སེམས། དེ་ལས་ལྷའམ། ཀླུའམ། གནོད་སྦྱིན་བྱུང་བར་གྱུར་པ་ཡོད་དམ། དེ་ལ་ཁོ་བོས་འདི་སྐད་ཅེས་སྨྲས་སོ། །འཇམ་
D117.051.0274b04.01དཔལ་དེ་ནི་མ་ཡིན་ཏེ། འོན་ཀྱང་མར་བླུད་པ་ལ་སོགས་པའི་བྱ་བས་མཁྲིས་པ་དེ་ཞི་བར་གྱུར་ཏོ། །འཇམ་དཔལ་གྱིས་སྨྲས་པ། བཙུན་པ་འོད་སྲུང་ཆེན་པོ་སྐྱེས་བུ་དེ་ལ་སྨན་པ་དེས་ཕན་པ་ཆེན་པོ་བྱས་པ་མ་ཡིན་ནམ། ཁོ་བོས་དེ་ལ་འདི་སྐད་ཅེས་སྨྲས་སོ། །འཇམ་
D117.051.0274b05.01དཔལ་ཇི་སྐད་སྨྲས་པ་དེ་བཞིན་ནོ། །དེས་སྨྲས་པ། བཙུན་པ་འོད་སྲུང་ཆེན་པོ་དེ་བཞིན་དུ། འཇིག་རྟེན་གནས་པ་ཕྱིན་ཅི་ལོག་གི་རིམས་ཀྱིས་བཏབ་པ་དག་བདག་མེད་ལ་བདག་ཏུ་འདུ་ཤེས་ཤིང་བདག་མེད་པ་ལ་བདག་ཏུ་མངོན་པར་ཞེན་ནས་འཁོར་བ་ན་འཁོར་རོ། །དེ་ལ་སངས་
D117.051.0274b06.01རྒྱས་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ་དག་འཇིག་རྟེན་དུ་བྱུང་སྟེ། དཔེ་བསྟན་པ་དེ་དང་དེ་དག་དང་། ཆོས་ལ་གཞུག་པའི་སྒོ་དེ་དང་དེ་དག་གིས་བདག་ཏུ་འདུ་ཤེས་པ་ཡོངས་སུ་ཤེས་པ་དང་། ཕྱིན་ཅི་ལོག་སྤང་བར་བྱ་བའི་ཕྱིར་སེམས་ཅན་དེ་དག་ལ་ཆོས་འཆད་དོ། །
D117.051.0274b07.01