完整藏文原文 · 德格版页 当前仅加载第 51 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ཉིད་ཀྱིས་འཁོར་བ་ཚད་མེད་པ་ཡོངས་སུ་འཛིན་པ་ནི་བྱང་ཆུབ་སེམས་དཔའི་གོ་ཆའོ། །བདག་མེད་པའི་མཚན་ཉིད་ཀྱིས་སེམས་ཅན་ཚད་མེད་པ་ཡོངས་སུ་སྨིན་པར་བྱེད་པ་ནི་བྱང་ཆུབ་སེམས་དཔའི་གོ་ཆའོ། །ཆོས་ཀྱི་སྐུའི་མཚན་ཉིད་ཀྱིས་སངས་རྒྱས་ཚད་
D117.051.0275b01.01མེད་པ་ལ་མཆོད་པ་དང་རིམ་གྲོ་བྱེད་པ་ནི་བྱང་ཆུབ་སེམས་དཔའི་གོ་ཆའོ། །བྲག་ཅ་དང་མཉམ་པ་ཉིད་ཀྱི་མཚན་ཉིད་ཀྱིས་སངས་རྒྱས་ཀྱིས་གསུངས་པ་ཐམས་ཅད་ཉན་ཅིང་འཛིན་པ་ནི་བྱང་ཆུབ་སེམས་དཔའི་གོ་ཆའོ། །ཆོས་ཀྱི་དབྱིངས་སུ་ཡང་དག་པར་འདུ་བའི་མཚན་
D117.051.0275b02.01ཉིད་ཀྱིས་སངས་རྒྱས་ཀྱི་ཆོས་ཐམས་ཅད་སྲུང་བ་ནི་བྱང་ཆུབ་སེམས་དཔའི་གོ་ཆའོ། །ཉོན་མོངས་པ་ཐམས་ཅད་རང་བཞིན་གྱིས་ཡོངས་སུ་དག་པའི་མཚན་ཉིད་ཀྱིས་བདུད་ཐམས་ཅད་འདུལ་བ་ནི་བྱང་ཆུབ་སེམས་དཔའི་གོ་ཆའོ། །ཡོད་པ་དང་མེད་པ་སེལ་བའི་རྟེན་ཅིང་འབྲེལ་
D117.051.0275b03.01བར་འབྱུང་བ་ལ་འཇུག་པའི་མཚན་ཉིད་ཀྱིས་ཕས་ཀྱི་རྒོལ་བ་ཐམས་ཅད་ཆོས་དང་འཐུན་པས་ཤིན་ཏུ་ཚར་གཅོད་པ་ནི་བྱང་ཆུབ་སེམས་དཔའི་གོ་ཆའོ། །ཕུང་པོ་ཐམས་ཅད་སྤོང་བའི་མཚན་ཉིད་ཀྱིས་བདོག་པ་ཐམས་ཅད་ཡོངས་སུ་གཏོང་བ་ནི་བྱང་ཆུབ་སེམས་དཔའི་གོ་ཆ་འོ། །
D117.051.0275b04.01མངོན་པར་འདུ་བྱ་བ་མེད་པའི་མཚན་ཉིད་ཀྱིས་ཚུལ་ཁྲིམས་དང་། བསླབ་པ་དང་། སྦྱངས་པའི་ཡོན་ཏན་གྱིས་ཡོ་བྱད་བསྙུངས་པ་ཐམས་ཅད་ཡང་དག་པར་ལེན་པ་ནི་བྱང་ཆུབ་སེམས་དཔའི་གོ་ཆའོ། །ཁོང་ཁྲོ་བ་མེད་པའི་མཚན་ཉིད་ཀྱིས་བཟོད་པ་དང་། དུལ་བ་དང་།
D117.051.0275b05.01དེས་པ་ནི་བྱང་ཆུབ་སེམས་དཔའི་གོ་ཆའོ། །ལུས་དང་སེམས་དབེན་པའི་མཚན་ཉིད་ཀྱིས་བླང་བ་མེད་པ་དང་། དོར་བ་མེད་པའི་བརྩོན་འགྲུས་ནི་བྱང་ཆུབ་སེམས་དཔའི་གོ་ཆའོ། །རྟེན་ཐམས་ཅད་དབེན་པའི་མཚན་ཉིད་ཀྱིས་བསམ་གཏན་དང་། རྣམ་པར་ཐར་པ་དང་།
D117.051.0275b06.01ཏིང་ངེ་འཛིན་དང་། སྙོམས་པར་འཇུག་པ་ཐམས་ཅད་ནི་བྱང་ཆུབ་སེམས་དཔའི་གོ་ཆའོ། །མ་རིག་པའི་གཏི་མུག་གི་ལྟ་བ་ཡོངས་སུ་དག་པའི་མཚན་ཉིད་ཀྱིས་ཐོགས་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ནི་བྱང་ཆུབ་སེམས་དཔའི་གོ་ཆའོ། །བྱ་བ་ཐམས་ཅད་
D117.051.0275b07.01