完整藏文原文 · 德格版页 当前仅加载第 51 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཁམས་ཀྱང་གསུམ་པོ་དག །ནམ་མཁའི་ཁམས་དང་མཉམ་པ་སྟེ། །དེ་བས་ཁྱོད་ཀྱིས་བདག་ལུང་བསྟན། །འཁོར་བ་དང་ནི་མྱ་ངན་འདས། ཆོས་ཀྱི་དབྱིངས་དང་དེ་དག་མཉམ། །རླུང་གི་ཁམས་དང་ཆུ་དང་མེ། །ས་རྣམས་དེ་ཡི་ཁམས་ལྡན་
D117.051.0289b01.01ནོ། །ཕུང་པོའི་ཁམས་དང་མཉམ་པ་སྟེ། །མིག་ལ་སོགས་པའི་ཁམས་རྣམས་དང་། །ཡིད་ཀྱི་ཁམས་དང་ཆོས་ཁམས་དང་། །དེ་དག་དབྱིངས་ཀུན་མཉམ་པའོ། །འདུས་བྱས་དབྱིངས་ནི་གང་ཡིན་དང་། །འདུས་མ་བྱས་དབྱིངས་གང་ཡིན་པ། །དེ་དག་
D117.051.0289b02.01ཆོས་དབྱིངས་གཉིས་མེད་དེ། །དེ་བས་ཁྱོད་ཀྱིས་བདག་ལུང་བསྟན། །ཕུང་པོ་རྣམས་ནི་ཤེས་དང་བྲལ། །ཁམས་དང་སྐྱེ་མཆེད་རྣམས་ཀྱང་སྟེ། །མིང་ལ་མེད་ཅིང་གཟུགས་ལའང་མེད། །ནང་ན་མེད་ཅིང་ཕྱི་ནའང་མེད། །སྒྲ་གང་དག་གིས་རིག་འགྱུར་བའི། །
D117.051.0289b03.01ཐུབ་པས་བདག་ནི་ལུང་བསྟན་པ། །ཇི་ལྟ་བུར་ནི་སྒྲ་གསུངས་པ། །དེ་ལྟར་བདག་ནི་ལུང་བསྟན་ཏོ། །གང་གིས་བདག་ནི་ལུང་བསྟན་པའི། །སེམས་ནི་སངས་རྒྱས་མི་མངའ་སྟེ། །བདག་ལའང་ཡང་དག་བྱང་ཆུབ་ཏུ། །ལུང་བསྟན་རྣམ་ཤེས་མ་མཆིས་སོ། །
D117.051.0289b04.01ཇི་ལྟར་སངས་རྒྱས་བདག་དེ་བཞིན། །བདག་ལྟར་བདེ་གཤེགས་དེ་བཞིན་ཏེ། །སེམས་ཅན་ཀུན་ཀྱང་དེ་དང་འདྲ། །དེ་བས་ཁྱོད་ཀྱིས་བདག་ལུང་བསྟན། །ལུང་བསྟན་འདི་ནི་ཡང་དག་པ། །དེ་བཞིན་ཉིད་དང་ལྡན་པ་སྟེ། །ཡང་དག་མཐའ་ལ་གནས་པས་ན། །ཆོས་
D117.051.0289b05.01ཀྱི་དབྱིངས་ལ་ཐ་དད་མེད། །ཆོས་ཀྱི་དབྱིངས་ལས་ཡང་དག་བྱུང་། །ནམ་མཁའ་ལྟ་བུར་ཡེ་ཤེས་ཟབ། །ཐབས་ལ་མཁས་ཤིང་ལེགས་སྦྱངས་པ། །བཅོམ་ལྡན་ཁྱོད་ལ་བདག་ཕྱག་འཚལ། །དེ་ནས་བཅོམ་ལྡན་འདས་ལ་རིགས་ཀྱི་བུ་རྒྱལ་བའི་བློ་གྲོས་ཀྱིས་ཆོས་ཀྱི་
D117.051.0289b06.01དབྱིངས་དང་ཐ་མི་དད་པའི་ཚིགས་སུ་བཅད་པ་དེ་དག་གིས་མངོན་པར་བསྟོད་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། ཕྱོགས་གཅིག་ཏུ་འདུག་གོ། །ཚེ་དང་ལྡན་པ་ཤཱ་རིའི་བུ་འཇམ་དཔལ་
D117.051.0289b07.01