完整藏文原文 · 德格版页 当前仅加载第 51 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
གོ། །འཇམ་དཔལ་འདི་ལྟ་སྟེ། དཔེར་ན་ནོར་བུ་རིན་པོ་ཆེ་ཡིད་བཞིན་དུ་འགྲོ་བ་ཞེས་བྱ་བ་ཞིག་ཡོད་དེ། དེ་ནི་སེམས་ཅན་ཐམས་ཅད་ཀྱི་བསམ་པ་ཇི་ལྟ་བ་བཞིན་དུ་ཡོངས་སུ་རྫོགས་པར་བྱེད་ཀྱང་ནོར་བུ་རིན་པོ་ཆེ་དེ་ནི་རྣམ་པར་མི་རྟོག་གོ། །འཇམ་
D117.051.0254a01.01དཔལ་དེ་བཞིན་དུ་ནོར་བུ་རིན་པོ་ཆེ་ལྟ་བུར་ལྷག་པའི་བསམ་པ་དག་པའི་བྱང་ཆུབ་སེམས་དཔའ་ཡང་སེམས་ཅན་ཐམས་ཅད་ཀྱི་བསམ་པ་ཇི་ལྟ་བ་བཞིན་ཡོངས་སུ་རྫོགས་པར་བྱེད་ཀྱང་བྱང་ཆུབ་སེམས་དཔའ་དེ་ནི་རྣམ་པར་མི་རྟོག་གོ། །འཇམ་དཔལ་འདི་ལྟ་སྟེ། དཔེར་
D117.051.0254a02.01ན་ནམ་མཁའ་ལ་མེ་ཡང་འབར་ཞིང་ཆར་པ་ཡང་འབབ་མོད་ཀྱི། ནམ་མཁའ་ལ་ནི་ཚ་བའང་མེད་གྲང་བར་འགྱུར་བའང་མེད་དོ། །འཇམ་དཔལ་དེ་བཞིན་དུ་ཐབས་མཁས་པའི་བྱང་ཆུབ་སེམས་དཔའ་ཡང་ཀུན་དུ་འབར་བའི་ཁམས་གསུམ་ན་ཡང་གནས་ཤིང་མྱ་ངན་ལས་འདས་
D117.051.0254a03.01པའི་ཞི་བ་ལའང་སྤྱོད་མོད་ཀྱི། ཚ་བའང་མེད། གྲང་བར་འགྱུར་བའང་མེད་དོ། །འཇམ་དཔལ་འདི་ལྟ་སྟེ། དཔེར་ན་ནམ་མཁའ་ལ་དུག་གི་ཤིང་ཡང་སྐྱེ། སྨན་གྱི་ཤིང་ཡང་སྐྱེ་མོད་ཀྱི། ནམ་མཁའ་ལ་ནི་དུག་གི་ཤིང་གིས་ཉོན་མོངས་པར་ཡང་མི་འགྱུར། སྨན་
D117.051.0254a04.01གྱི་ཤིང་གིས་རྣམ་པར་བྱང་བར་ཡང་མི་འགྱུར་རོ། །འཇམ་དཔལ་དེ་བཞིན་དུ་ཐབས་མཁས་པའི་བྱང་ཆུབ་སེམས་དཔའ་ཡང་དུག་གི་ཤིང་ལྟ་བུའི་ཕུང་པོ་ཡང་འཆང་། སྨན་གྱི་ཤིང་ལྟ་བུའི་དབང་པོ་ཡང་འཆང་མོད་ཀྱི། ཕུང་པོའི་ཉོན་མོངས་པས་ཉོན་མོངས་པར་ཡང་མི་
D117.051.0254a05.01འགྱུར། རྣམ་པར་དག་པའི་དབང་པོས་རྣམ་པར་བྱང་བར་ཡང་མི་འགྱུར་ལ། གཉི་གའི་བྱ་བ་ཡང་བྱེད་དོ། །འཇམ་དཔལ་འདི་ལྟ་སྟེ། དཔེར་ན་ཆུའི་སྣོད་བུ་གུ་བརྒྱ་ཡོད་པ་ལ། བུ་གུ་གཅིག་བཀག་ན་ཐམས་ཅད་ནས་མི་འཛག་གོ། །བུ་གུ་གཅིག་ཕྱེ་ན་ཐམས་ཅད་
D117.051.0254a06.01ནས་ཀྱང་འཛག་གོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་མཉམ་པར་བཞག་པའི་ཚེ་མངོན་པར་ཤེས་པ་ཆེན་པོ་ལ་ཡོངས་སུ་རྫོགས་པར་བྱེད་ཀྱི་ཡུལ་ལ་མི་འཛག་གོ། །ཡང་ལངས་པ་ན་འདི་ལྟ་སྟེ། སེམས་ཅན་ཐམས་ཅད་ལ་སོ་སོ་ཇི་ལྟར་འོས་པར་
D117.051.0254a07.01