完整藏文原文 · 德格版页 当前仅加载第 51 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
བོས་འཇམ་དཔལ་གཞོན་ནུར་གྱུར་པ་ལ་ཚུལ་དེ་དག་སྨྲས་སོ། །དེ་ཁོ་བོ་ལ་ཀུན་དགའ་བོ་སོང་སྟེ་སྟན་ཐིང་ལ། གདུགས་ཚོད་བབ་ན་གཎྜཱི་རྡུངས་ཤིག་དེ་སྐད་ཅེས་ཟེར་ནས། ཁོ་བོ་འཇམ་དཔལ་གཞོན་ནུར་གྱུར་པའི་གནས་ཁང་ནས་བྱུང་སྟེ། དགེ་འདུན་གྱི་ཀུན་དགའ་
D117.051.0266b01.01བར་སོང་ནས་སྟན་བཏིང་སྟེ། འཇམ་དཔལ་གཞོན་ནུར་གྱུར་པ་ཅི་གནས་ཁང་ནས་བྱུང་ངམ་ཞེས་འཇམ་དཔལ་གཞོན་ནུར་གྱུར་པའི་གནས་ཁང་དུ་ལྟ་ཞིང་ཕྱོགས་གཅིག་ཏུ་འདུག་གོ། །དེ་ནས་འཇམ་དཔལ་གཞོན་ནུར་གྱུར་པས་ལུས་ཐམས་ཅད་རྣམ་པར་འཇིག་པ་ཞེས་བྱ་
D117.051.0266b02.01བའི་ཏིང་ངེ་འཛིན་ལ་སྙོམས་པར་ཞུགས་ནས་སྤྲུལ་པ་གཞན་ཞིག་སྤྲུལ་ཏེ། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ་དག་ལ་ཆོས་སྟོན་ཏོ། །དེ་གནས་ཁང་ནས་བྱུང་སྟེ་མཉན་ཡོད་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་ན་ཁོ་བོས་ནི་མ་མཐོང་
D117.051.0266b03.01ངོ་། །དེ་ནས་བདུད་སྡིག་ཅན་འདི་སྙམ་དུ་གྱུར་ཏེ། འཇམ་དཔལ་གཞོན་ནུར་གྱུར་པ་འདིས་སེང་གེའི་སྒྲ་བསྒྲགས་ནས་མཉན་ཡོད་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་ན་བདག་གིས་འདི་མིག་གིས་མི་རྩོལ་བར་བྱའོ་སྙམ་དུ་བསམས་ནས། དེས་དེ་ཉིད་ཀྱི་ཚེ་མཉན་
D117.051.0266b04.01ཡོད་ཀྱི་གྲོང་ཁྱེར་ཆེན་པོའི་བྲམ་ཟེ་དང་། ཁྱིམ་བདག་དང་། གྲོང་འདབ་དང་། ཡུལ་མི་གང་གིས་ཀྱང་འཇམ་དཔལ་གཞོན་ནུར་གྱུར་པ་མི་མཐོང་བ་དང་། གང་ཡང་བསུར་མི་འོང་བ་དང་། སུ་ཡང་བསོད་སྙོམས་མི་འབུལ་བ་དེ་ལྟ་དེ་ལྟར་བྱིན་གྱིས་བརླབས་སོ། །
D117.051.0266b05.01དེ་ནས་འཇམ་དཔལ་གཞོན་ནུར་གྱུར་པ་གང་དང་གང་དུ་སོང་བ་དེ་དག་ཐམས་ཅད་ན་སྒོ་དག་ཀྱང་བཅད་པར་སྣང་སྟེ། གང་ཡང་མི་བསུ་བར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས་བསམས་ན། ཨེ་མའོ་བྲམ་ཟེ་དང་། ཁྱིམ་བདག་འདི་དག་ནི་ཅི་ནས་ཀྱང་བདག་
D117.051.0266b06.01མི་མཐོང་བ་དང་། གཏམ་མི་བྱ་བར་བདུད་ཀྱིས་བྱིན་གྱིས་བརླབས་སོ་སྙམ་དུ་བསམས་ནས། དེས་དེའི་ཚེ་གང་བདེན་པ་དང་། བདེན་པའི་ཚིག་དང་། བསོད་ནམས་དང་ཡེ་ཤེས་ཀྱི་ཚོགས་གང་དག་གིས་བདག་གི་སྤུའི་ཁུང་བུ་གཅིག་ལུས་ལ་སྐྱེས་པའི་བསོད་ནམས་
D117.051.0266b07.01