完整藏文原文 · 德格版页 当前仅加载第 51 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་རྣམ་པར་གྲོལ་བ་ནི་སྒྲིབ་པ་མ་མཆིས་ཤིང་རྣམ་པར་མ་བརྟགས་པ་སྟེ། བདག་ཅག་སྒྲིབ་པ་རྣམས་སྤོང་བར་མི་བགྱིད་དོ། །བཅོམ་ལྡན་འདས་འདི་ལྟར་ཡང་དག་པའི་མཐའ་ནི་ཀུན་ནས་ལྡང་བ་མ་མཆིས་པ་སྟེ། བདག་ཅག་ཀུན་ནས་ལྡང་བ་རྣམ་པར་
D117.051.0281a01.01གནོན་པར་མི་བགྱིད་དོ། །བཅོམ་ལྡན་འདས་འདི་ལྟར་དགེ་སྦྱོང་ནི་ནོངས་པ་མ་མཆིས་པ་སྟེ། བདག་ཅག་འགྱོད་པ་བསལ་བར་མི་བགྱིད་དོ། །བཅོམ་ལྡན་འདས་འདི་ལྟར་ཐོག་མ་ནས་མོས་ཤིང་དད་པ་སྟེ། བདག་ཅག་ཐེ་ཙོམ་སེལ་བར་མི་བགྱིད་དོ། །བཅོམ་ལྡན་འདས་
D117.051.0281a02.01འདི་ལྟར་མོས་པས་རྣམ་པར་གྲོལ་བ་རྟོགས་པ་སྟེ། བདག་ཅག་ནེམ་ནུར་སེལ་བར་མི་བགྱིད་དོ། །བཅོམ་ལྡན་འདས་འདི་ལྟར་ཆོས་ཐམས་ཅད་ནི་ཤིན་ཏུ་ཡོངས་སུ་མྱ་ངན་ལས་འདས་པ་སྟེ། བདག་ཅག་ཡོངས་སུ་མྱ་ངན་ལས་འདས་པ་དོན་དུ་མི་གཉེར་རོ། །བསྟན་པ་འདི་
D117.051.0281a03.01བཤད་པའི་ཚེ་དགེ་སློང་ཉིས་བརྒྱ་ནི་ཉེ་བར་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དགེ་སློང་བསམ་གཏན་བཞི་ཐོབ་པ་སྲིད་པ་ཐ་མ་པ། མ་ཐོབ་པར་ཐོབ་པའི་ང་རྒྱལ་ཅན་ཉིས་བརྒྱ་ནི་སྟན་ལས་ལངས་ཏེ། ཀྱེ་མའོ་འདི་དག་ནི་འཇིག་རྟེན་ཐམས་ཅད་དང་
D117.051.0281a04.01འགལ་བར་ཆོས་འཆད་དེ། སྔོན་བདག་ཅག་གིས་རྗེས་སུ་འཐུན་པར་ཆོས་འཆད་པར་ཐོས་ན། ད་ལྟར་ནི་ཆོས་མ་ཡིན་པ། འདུལ་བ་མ་ཡིན་པ། སྟོན་པའི་བསྟན་པ་མ་ཡིན་པ་འཆད་དོ་ཞེས་ཚིག་དེ་སྐད་སྨྲས་ཏེ་དོང་ངོ་། །ཚེ་དང་ལྡན་པ་ཤཱ་རིའི་བུ་ཁོ་བོས་འཇམ་དཔལ་གཞོན་ནུར་
D117.051.0281a05.01གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་དགེ་སློང་ཉིས་བརྒྱ་པོ་འདི་དག་སྟན་ལས་ལངས་ཏེ། ཆོས་བཤད་པ་འདི་ནི་འཇིག་རྟེན་ཐམས་ཅད་དང་འགལ་བ་ཡིན་ནོ་ཞེས་ཚིག་དེ་སྐད་སྨྲས་ཏེ་དོང་ངོ་། །འཇམ་དཔལ་གྱིས་སྨྲས་པ། བཙུན་པ་གང་པོ་རྣམ་གྲངས་གང་གིས་ཆོས་བཤད་
D117.051.0281a06.01པ་འདི་འཇིག་རྟེན་ཐམས་ཅད་དང་འགལ་བར་འགྱུར་བ་ཡོད་དོ། །དེ་ཅིའི་ཕྱིར་ཞེ་ན། བཙུན་པ་གང་པོ་འཇིག་རྟེན་ནི་ཕུང་པོ་དང་། ཁམས་དང་། སྐྱེ་མཆེད་ལ་མངོན་པར་ཞེན་པ་སྟེ། འཁོར་བ་སྤངས་པས་མྱ་ངན་ལས་འདས་པ་ཚོལ་ཞིང་འཁོར་བ་རང་བཞིན་གྱིས་མི་དམིགས་པ་ཉིད་མྱ་ངན་
D117.051.0281a07.01