完整藏文原文 · 德格版页 当前仅加载第 51 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པའི་སྦྱིན་པའི་ཕ་རོལ་ཏུ་ཕྱིན་པ་ནི་ཟད་མི་ཤེས་པའི་བསོད་ནམས་ལས་བྱུང་བའོ། །བཅོམ་ལྡན་འདས་ཀྱི་ལྟར་ཁོ་བོས་མཉན་ནས་སེམས་དགའ་བས་གཎྜཱི་བརྡུངས་ཏེ་དགེ་སློང་གི་དགེ་འདུན་ཡང་བསགས་སོ། །དེ་ནས་འཇམ་དཔལ་གཞོན་ནུར་གྱུར་
D117.051.0269a01.01པས་གཎྜཱིའི་སྒྲ་ཐོས་ནས། ལྷའི་བུ་དེ་དག་དང་། བྱང་ཆུབ་སེམས་དཔའ་རྣམས་དང་འགྲོགས་ཏེ། རང་གི་གནས་ཁང་ནས་བྱུང་སྟེ། ཁྱམས་ཟླུམ་པོར་སོང་ནས་ལྷུང་བཟེད་དེ་ལས་བསོད་པའི་བཟའ་བ་དང་། བཅའ་བ་དང་། མྱང་བ་དང་། ཇི་ལྟར་སྣོད་སོ་སོ་ན་
D117.051.0269a02.01བཞག་བཞག་པ་ལྟ་བུར་ཕན་ཚུན་མ་འདྲེས་པ་ཕལ་ཆེར་ཕྱུང་སྟེ་དགེ་སློང་མང་པོ་ཐམས་ཅད་ཀྱང་བརྟས་པར་བྱས་སོ། །བྱང་ཆུབ་སེམས་དཔའ་མང་པོ་ཐམས་ཅད་ཀྱང་ཚིམ་པར་བྱས་ཀྱང་ཟས་དེ་ནི་ཡོངས་སུ་ཟད་པའམ་གཏུགས་པར་མ་གྱུར་ཏོ། །དེ་ནས་བདུད་སྡིག་ཅན་གྱིས་འཇམ་
D117.051.0269a03.01དཔལ་གཞོན་ནུར་གྱུར་པ་ལ་བར་ཆད་བྱ་བའི་ཕྱིར་ཤམ་ཐབས་ལེགས་པར་མ་བགོས་པ། བླ་གོས་ལེགས་པར་མ་གྱོན་པ། ཤ་ཚུགས་མ་ལེགས་པ། ལྷུང་བཟེད་རྡོལ་ཅིང་ཆག་པ། གོས་ངན་པ། སྣ་ལེབ་ལེབ་པོ་དང་། ཞར་བ་དང་། འཐེང་པོ་དང་། ཞ་བོ་དང་དེ་ལས་
D117.051.0269a04.01ཁ་ཅིག་ནི་ཧ་ཅང་ཡང་རིང་བ། ཁ་ཅིག་ནི་ཧ་ཅང་ཐུང་བ། ཁ་ཅིག་ནི་ཧ་ཅང་གནག་པ། ཁ་ཅིག་ནི་ཧ་ཅང་དཀར་བ། ཁ་ཅིག་ནི་ཧ་ཅང་སྐེམ་པ། ཁ་ཅིག་ནི་ཧ་ཅང་སྦོམ་པ། ཁ་ཅིག་ནི་སྒུར་པོ། ཁ་ཅིག་ནི་མིའུ་ཐུང་སྟེ། དེ་དག་གཞོན་པའི་མཐའ་ནས་ཕྱག་འཚལ་ཞིང་
D117.051.0269a05.01རྒན་པའི་མཐར་འདུག་སྟེ། སྐྱེ་བོ་མང་པོའི་ཚོགས་གང་གིས་མཐོང་བའི་སེམས་སྐྱོ་བར་འགྱུར་བའི་དགེ་སློང་བཞི་ཁྲི་སྤྲུལ་པར་གྱུར་ཏེ། དེ་དག་ལ་ཡང་ལྷུང་བཟེད་དེ་ནས་བསོད་པའི་བཟའ་བ་དང་། བཅའ་བ་དང་། མྱང་བ་ཕལ་ཆེར་ཕྱུང་སྟེ། བྱིན་ཀྱང་ལྷུང་བཟེད་དེ་ཟད་
D117.051.0269a06.01པར་མ་གྱུར་ཏོ། །དེ་ནས་བདུད་སྡིག་ཅན་གྱིས་སྤྲུལ་པའི་དགེ་སློང་དེ་དག་རེ་རེས་ཀྱང་འབྲས་ཅན་ཡུལ་མ་ག་དྷཱའི་བྲེ་བོ་བཅུ་བཅུ་ཟོས་ཀྱང་ཚིམ་པར་མ་གྱུར་པ་དེ་ལྟར་བྱིན་གྱིས་བརླབས་སོ། དེ་ན་རུང་བྱེད་རྣམས་ཐམས་ཅད་ཡོངས་སུ་སྐྱོ་བར་གྱུར་ཀྱང་དེ་དག་ཚིམ་པར་བྱེད་མ་ནུས་སོ།
D117.051.0269a07.01