完整藏文原文 · 德格版页 当前仅加载第 51 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་གཅིག་ཏུ་འཇུག་པའི་ཕྱག་རྒྱའོ། །ཆོས་ཀྱི་དབྱིངས་སུ་ཡང་དག་པར་འདུ་བའི་ཕྱག་རྒྱའོ། །དེ་བཞིན་ཉིད་ཐ་མི་དད་པའི་ཕྱག་རྒྱའོ། །ཡང་དག་པའི་མཐའི་གནས་ཀྱི་ཕྱག་རྒྱའོ། །དོན་དམ་པ་སྟོང་པ་ཉིད་ཀྱི་ཕྱག་རྒྱའོ། །དུས་གསུམ་
D117.051.0286a01.01མཉམ་པ་ཉིད་ཀྱི་ཕྱག་རྒྱའོ། །གཟོད་མ་ནས་མ་སྐྱེས་པའི་ཕྱག་རྒྱའོ། །རང་བཞིན་ལ་སོ་སོར་རྟོག་པའི་ཕྱག་རྒྱ་སྟེ། །རིགས་ཀྱི་བུ་ཕྱག་རྒྱ་དེ་དག་གིས་བཏབ་པའི་ཆོས་ཐམས་ཅད་མངོན་པའི་ང་རྒྱལ་མེད་པའི་དགེ་སློང་གིས་ཐོས་ན་ནམ་ནུར་དུ་མི་འགྱུར། ཐེ་ཙོམ་དུ་མི་འགྱུར་
D117.051.0286a02.01ཏེ། བདག་མི་དམིགས་པར་རྟོགས་པར་འགྱུར་རོ། །དེ་ནས་བཅོམ་ལྡན་འདས་ལ་ཀུན་དུ་རྒྱུ་རྒྱལ་བའི་བློ་གྲོས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་སྔོན་ཡང་ཀུན་དུ་རྒྱུ་ལྷག་སྤྱོད་དང་། སྣག་གི་གཉེན་མཚམས་ཀུན་དུ་རྒྱུ་ཟླ་བ་ཅན་ལས་
D117.051.0286a03.01ཐེག་པ་ཆེན་པོ་འདིའི་ཡོན་ཏན་བསྔགས་པ་བརྗོད་པ་ཁ་ཅིག་ཐོས་པར་གྱུར་ཏོ། །བཅོམ་ལྡན་འདས་བདག་གིས་ད་ལྟར་ཡང་འཇམ་དཔལ་གཞོན་ནུར་གྱུར་པ་ལས་དམ་པའི་ཆོས་བཤད་པ་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །བཅོམ་
D117.051.0286a04.01ལྡན་འདས་ཀྱིས་ཀྱང་བདག་ལ་ཅི་ནས་ཀྱང་བདག་གིས་བྱང་ཆུབ་ཀྱི་ཕྱོགས་ཀྱི་ཆོས་རྣམས་བསགས་ཏེ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། སེམས་ཅན་ཚད་མ་མཆིས་གྲངས་མ་མཆིས་པ་རྣམས་ཀྱི་དོན་བགྱིད་
D117.051.0286a05.01པར་འགྱུར་བ་ད་ལྟར་ཆོས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་བའི་བློ་གྲོས་བྱང་ཆུབ་སེམས་དཔའ་རྣམས་ཀྱི་ཆོས་འདི་གཉིས་ནི་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་ཤེས་པར་བྱེད་པའོ། །གཉིས་གང་ཞེ་ན།
D117.051.0286a06.01འདི་ལྟ་སྟེ། བརྩོན་འགྲུས་དང་། བག་ཡོད་པའོ། །དེ་ལ་བརྩོན་འགྲུས་གང་ཞེ་ན། གང་ཆོས་ཀྱིས་བཙལ་བའི་ལོངས་སྤྱོད་བདོག་པ་ཐམས་ཅད་ཡོངས་སུ་གཏོང་བའོ། །བག་ཡོད་པ་གང་ཞེ་ན། གང་རྣམ་པར་སྨིན་པ་ལ་མི་རེ་བས་བྱང་ཆུབ་ཏུ་ཡོངས་སུ་སྔོ་བའོ། །
D117.051.0286a07.01