完整藏文原文 · 德格版页 当前仅加载第 51 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་འདས་པ་ཡིན་པར་དེ་ལྟར་ནི་མི་ཤེས་སོ། །འདི་ལ་གང་འཁོར་བའམ། མྱ་ངན་ལས་འདས་པ་ནི་གང་ཡང་མེད་དེ། གང་དེ་ལྟ་བུའི་བཟོད་པ་དེ་ནི་མི་འགལ་བའོ། །བདེན་པ་བཞི་རྣམ་པར་གཞག་པ་བསྟན་པ་ལ་མངོན་པར་ཞེན་པ་དེ་ནི་འགལ་བའི་གནས་ཉིད་དོ། །དོན་དམ་པའི་བདེན་པ་
D117.051.0281b01.01ལ་ནི་བདེན་པ་བཞི་རྣམ་པར་གཞག་པའང་མེད་དེ། དེ་ནི་མི་འགལ་བའོ། །ལམ་གྱི་རྒྱུ་འཐུན་པ་དང་། འབྲས་བུ་ཐོབ་ཅེས་བྱ་བ་དེ་ནི་གཉིས་ཏེ། གཉིས་གང་ཡིན་པ་དེ་ནི་འགལ་བའོ། །ལམ་མཉམ་པ་ཉིད་ཀྱིས་ཆོས་ཐམས་ཅད་མཉམ་པ་ཉིད་འདི་ནི་གཉིས་སུ་མེད་པ་སྟེ། གཉིས་སུ་
D117.051.0281b02.01མེད་པ་གང་ཡིན་པ་དེ་ནི་མི་འགལ་བའོ། །ཇི་སྲིད་དུ་ངར་འཛིན་པ་དང་། ང་ཡིར་འཛིན་པ་ལ་མངོན་པར་བརྩོན་པ་དེ་སྲིད་དུ་མངོན་པའི་ང་རྒྱལ་ལོ། །ཇི་སྲིད་དུ་མངོན་པའི་ང་རྒྱལ་བ་དེ་སྲིད་དུ་འགལ་བའོ། །གང་ཡང་ཆད་པར་མི་བྱེད། ལྷག་པར་མི་བྱེད། མཉམ་པ་ཉིད་དང་མཉམ་
D117.051.0281b03.01པར་མི་བྱེད། མི་མཉམ་པ་ཉིད་དང་མི་མཉམ་པར་མི་བྱེད་ཅིང་། བྱེད་པ་མ་ཡིན་པ། རྣམ་པར་བྱེད་པ་མ་ཡིན་པ་དེ་ནི་མངོན་པའི་ང་རྒྱལ་མེད་པ་སྟེ། གང་ལྷག་པའི་ང་རྒྱལ་མེད་པ་དེ་ནི་མི་འགལ་བའོ། །གང་མི་འགལ་བ་དེ་ནི་གཉིས་སུ་མེད་པ་སྟེ། དེ་ལ་དགོངས་ནས་བཅོམ་ལྡན་
D117.051.0281b04.01འདས་ཀྱིས་ཀྱང་ང་ནི་འཇིག་རྟེན་དང་ལྷན་ཅིག་ཏུ་མི་རྩོད་དོ། །འཇིག་རྟེན་ནི་ང་དང་ལྷན་ཅིག་ཏུ་རྩོད་པར་བྱེད་དོ་ཞེས་དེ་སྐད་ཅེས་གསུངས་སོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པས་ནི་རྩོད་པའི་རྩ་བ་བཅད་དོ། །རྩོད་པའི་རྩ་བ་དེ་བཞིན་གཤེགས་པས་བཅད་པ་གང་ཞེ་ན།
D117.051.0281b05.01འདི་ལྟ་སྟེ། འདི་ནི་བདེན་པའོ། །འདི་ནི་{བརྫུན་,རྫུན་}པའོ་ཞེས་བྱའོ། །དེ་ལ་བཅོམ་ལྡན་འདས་ཀྱིས་ཀྱང་འདི་སྐད་ཅེས་བཀའ་སྩལ་ཏོ། །བྲམ་ཟེ་བདེན་པ་ཞེས་བྱ་བའི་ཚིག་ཀྱང་ཅི། ཅིའི་ཕྱིར་ན་{བརྫུན་,རྫུན་}པ་ཞེས་ཀྱང་བརྗོད། གང་ལ་མཉམ་པ་དང་མི་མཉམ་པ་མེད་ན། དེ་ལ་སུ་
D117.051.0281b06.01ཞིག་རྩོད་པ་སྦྱོར་བར་བྱེད་ཅེས་གསུངས་སོ། །དེ་ནས་འཇམ་དཔལ་གཞོན་ནུར་གྱུར་པས་དགེ་སློང་དེ་དག་ལམ་གང་ནས་དོང་བ་དེ་ཐམས་ཅད་མེས་ཡོངས་སུ་གང་བར་བྱིན་གྱིས་བརླབས་ནས། དེ་དག་ཕྱོགས་གང་དང་གང་དུ་དོང་བ་དེ་དང་དེ་དག་ཐམས་ཅད་མེས་ཡོངས་
D117.051.0281b07.01