完整藏文原文 · 德格版页 当前仅加载第 25 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
མཐར་བསྟན་པས། ཆོས་ཐམས་ཅད་དབྱེར་{མྱེད་,མེད་}དོ། །གསོལ་པ། བཅོམ་ལྡན་འདས་དེ་ལྟར་ཆོས་ཐམས་ཅད་དབྱེར་མ་མཆིས་པ་ལགས་ན། ཇི་ལྟར་དགེ་བ་དང་{མྱི་,མི་}དགེ་བའི་ཆོས་རྣམས་བསྟན་པ་ལགས། ཇི་ལྟར་འཇིག་རྟེན་པ་དང་། འཇིག་རྟེན་ལས་
D8.025.0008a01.01འདས་པའི་ཆོས་རྣམས་བསྟན་པ་ལགས། ཇི་ལྟར་ཟག་པ་དང་བཅས་པ་དང་། ཟག་པ་མ་མཆིས་པའི་ཆོས་རྣམས་བསྟན་པ་ལགས། ཇི་ལྟར་འདུས་བྱས་དང་། འདུས་མ་བྱས་ཀྱི་ཆོས་རྣམས་བསྟན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་
D8.025.0008a02.01དུ་སེམས། ཆོས་རྣམས་ཀྱི་ཆོས་ཉིད་གང་ཡིན་པ་དེ་ལ་འདུས་བྱས་སམ། འདུས་མ་བྱས་སམ། རྒྱུན་ཏུ་ཞུགས་པའི་འབྲས་བུའམ། ལན་ཅིག་ཕྱིར་འོང་བའི་འབྲས་བུ་འམ། ཕྱིར་{མྱི་,མི་}འོང་བའི་འབྲས་བུ་འམ། དགྲ་བཅོམ་པ་ཉིད་དམ། རང་བྱང་ཆུབ་བམ། བྱང་ཆུབ་
D8.025.0008a03.01སེམས་དཔའ་གང་ཡང་བརྗོད་དུ་ཡོད་དམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་བས་ན་ཁྱོད་ཀྱིས་རྣམ་གྲངས་དེས་འདི་ལྟར་ཆོས་ཐམས་ཅད་དབྱེར་{མྱེད་,མེད་}པ་དང་། ཆོས་ཐམས་ཅད་མཚན་
D8.025.0008a04.01ཉིད་{མྱེད་,མེད་}པ་དང་། སྐྱེ་བ་{མྱེད་,མེད་}པ་དང་། འབྱུང་བ་{མྱེད་,མེད་}པར་རིག་པར་བྱའོ། །རབ་འབྱོར་ང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། གཟུགས་ཤེས་བྱ་བའམ། ཚོར་བ་ཞེས་བྱ་བ་འམ། འདུ་ཤེས་ཞེས་བྱ་བ་འམ། འདུ་བྱེད་ཅེས་བྱ་བ་འམ། རྣམ་པར་
D8.025.0008a05.01ཤེས་པ་ཞེས་བྱ་བ་འམ། {མྱིག་,མིག་}ཅེས་བྱ་བ་འམ། རྣ་བ་ཞེས་བྱ་བ་འམ། སྣ་ཞེས་བྱ་བ་འམ། ལྕེ་ཞེས་བྱ་བ་འམ། ལུས་ཤེས་བྱ་བ་འམ། ཡིད་ཅེས་བྱ་བ་འམ། གཟུགས་ཤེས་བྱ་བ་འམ། སྒྲ་ཞེས་བྱ་བ་འམ། དྲི་ཞེས་བྱ་བ་འམ། རོ་ཞེས་བྱ་བ་འམ། རེག་ཅེས་བྱ་བ་
D8.025.0008a06.01འམ། ཆོས་ཤེས་བྱ་བ་འམ། {མྱིག་,མིག་}གི་རྣམ་པར་ཤེས་པ་ཞེས་བྱ་བ་འམ། རྣ་བའི་རྣམ་པར་ཤེས་པ་ཞེས་བྱ་བ་འམ། སྣའི་རྣམ་པར་ཤེས་པ་ཞེས་བྱ་བ་འམ། ལྕེའི་རྣམ་པར་ཤེས་པ་ཞེས་བྱ་བ་འམ། ལུས་ཀྱི་རྣམ་པར་ཤེས་པ་ཞེས་བྱ་བ་འམ། ཡིད་ཀྱི་རྣམ་པར་
D8.025.0008a07.01